পত্থম 28:7 - Chakma Bible

⁷ এষৌ দেগিলোদে, যাকোবে তা মা-বাবঅ কধামজিম্‌ পদ্দন-অরামত্‌ গেলগোই।

পত্থম 28:7 ပူးပေါင်းရင်းမြစ်များ

পত্থম 25:20

ইস্‌হাকে চোল্লিশ বজর বয়জত্‌ রিবিকারে লোইয়্যে। রিবিকা অলদে পদ্দন-অরাম দেজর অরামীয় বথূয়েলর ঝি আর অরামীয় লাবনর বোন।

পত্থম 27:43

সেনত্তে বাবা, তুই মঅ কধাগান শুন। তুই হারণ শঅরত্‌ মর্‌ ভেই লাবন ইধু ধেই যাহ্ আর তঅ ভেইবোর্‌ রাগকান্ ন-কমানা সং তাইধু থাক্কোই।

পত্থম 28:6

পরেদি এষৌ শুনিলোদে, ইস্‌হাকে যাকোবরে বর্ দিইনে পদ্দন-অরাম কনঅ মিলেরে লবাত্যে সিদু পাদেই দিলো। তে আরঅ শুনিলোদে, ইস্‌হাক যাকোবরে বর্ দিবার অক্তত্‌ উগুম দিইনে কোইয়্যেদে যেনে তে কনঅ কনানীয় মিলেরে ন-লয়।

পত্থম 28:8

সেক্কে এষৌ বুঝিলো, তা বাপ্পো ইস্‌হাকে কনানীয় মিলেগুনো উগুরে বেজার্।

যাত্রা 20:12

তমার মা-বাবরে সর্মান গুরিনে চুলিবা। সেক্কে তমার গোজেন লগেপ্রভুর্‌ দিয়্যে দেজত্‌ তুমি ভালোক্‌ দিন বাঁজি থেবা।

গম্ উপদেজ্ 1:8

পুয়োবো মর্, তুই তঅ বাব্‌‌পো উপদেজ শুনিচ্; তর্ মা দিয়্যে শিক্ষ্যেনি ভুলি ন-যেচ্।

গম্ উপদেজ্ 30:17

যে চোগ্‌‌কুনে বাবরে ঠাট্টা গরন্ আর মাবোর বাধ্য অবাত্তে ঈচ্ গুরিনে অস্বিগের্ গরন্, সে চোগ্‌‌কুন কলগ কবাগুনে কুদি কাদায় নিগিলে দিবাক্, আর শকুন ছঅগুনে সিগুন হেই ফেলেবাক্।

লেবীয় 19:3

তুমি তমার মা-বাবরে ভোক্তি গুরিবা আর মর্‌ জিরেবার্‌ দিন্নো পালন্‌ গুরিবা। মুই লগেপ্রভু তমার গোজেন।

ইফিষীয় 6:1

পুয়ো-ছা লগ্, প্রভু যেধোক্ক্যেন চায় সেধোক্ক্যেন গুরি তুমি মা-বাবর্ বাধ্য ওইনে চলঅ, কিয়া সিয়েনই অনা উজিত্।

ইফিষীয় 6:3

যেন তর্ মংগল অয় আর তুই ভালোক্ দিন সং এ পিত্‌থিমীত বাঁজি থেই পারচ।”

কলসীয় 3:20

পুয়ো-ছা লগ্, তুমি বেক্কানি পৌইদ্যেনে মা-বাবর্ বাধ্য থেয়ো, কিয়া ইয়েনিলোই প্রভু হুজী অয়।