5 ইয়েন্ কোইনে ইস্হাকে যাকোবরে পাদেই দিলো, আর যাকোবেয়ো পদ্দন-অরাম অরামীয় বথূয়েলর পুয়ো লাবন ইদু গেলঅ। লাবনে অলদে যাকোব আর এষৌর মা রিবিকার ভেই।
বথূয়েল ঝিবো নাঙান্ এলদে রিবিকা। অব্রাহাম ভেই নাহোর মোক্ মিল্কার পেদত্ এ আস্টোবো পুয়োর জর্ম ওইয়্যে।
পরেদি তে আর তা সমারে মানুচ্চুনে হানা-বিনে গুরিনে রেত্তো সিধু কাদেলাক। তার্ কেল্যে তারা যেক্কে বেন্যে ঘুমোত্তুন্ উদিলাক্ সেক্কে সে চাগর্বো কলঅ, “এবেরা মরে বিদেয় দুয়ো যেনে মুই মঅ গিরোজ্সো ইধু ফিরি যেই পারং।”
ইস্হাকে চোল্লিশ বজর বয়জত্ রিবিকারে লোইয়্যে। রিবিকা অলদে পদ্দন-অরাম দেজর অরামীয় বথূয়েলর ঝি আর অরামীয় লাবনর বোন।
সেনত্তে বাবা, তুই মঅ কধাগান শুন। তুই হারণ শঅরত্ মর্ ভেই লাবন ইধু ধেই যাহ্ আর তঅ ভেইবোর্ রাগকান্ ন-কমানা সং তাইধু থাক্কোই।
তুই পদ্দন-অরাম দেজত্ তঅ মা বাপ্পো বথূয়েল ঘরত্ যাহ্। সিয়েনত্ থেবার্ সলাবোত্ তর্ মোল্যা লাবনর যে কনঅ ঝিরে তুই মোক্ ইজেবে লগোই।
পরেদি যাকোবে যাদে যাদে পূগেদি দেজ মানুচ্চুনোর জাগাত্ যেইনে লুমিলোগোই।
তে রাহেলরে জানেল, তে তা বাপ্পোর্ কুদুম্মো, রিবিকার পুয়ো। এ কধাগান শুনিনে রাহেলে ধাবা যেইনে তা বাপ্পোরে সে হবরান্ দিলো।
মাত্তর্ গোজেনে রেদোত্ স্ববনে অরামীয় লাবন ইধু এইনে কলঅ, “উজিয়ার্! যাকোবরে গম্-ভান্ন্যেই কিচ্ছু ন-কবে।”
যেরেদি যাকোবে কিরিয়ৎ-অর্বর, অত্তাৎ হিব্রোণ ইধু মম্রি শহরত্ তা বাপ্পো ইস্হাক ইধু এলঅ। এ চাগালাত্ অব্রাহাম আর ইস্হাকে বজত্তি গুরিদাক্।
তর্ বানেয়্যে ভালোক্কানি পযাপিরাত্তে সিরিয়া তঅ লগে বেবসা গুরিদো; তঅ পযাপিরানির বদলে তারা দিদাক্ চিবিদি পাত্তর্; বিগুনি কাবড়, নক্শা তুল্যে কাবড়, পাদল্ মসীনার কাবড়, প্রবাল আর পদ্মরাগমণি।
যাকোবে অরাম দেজত্ ধেই যেইয়্যে; মোক্ পেবাত্তে ইস্রায়েলে গাবুরো কাম্ আর ভেড়া চোড়েবার কাম গোজ্যে।
সে পরেন্দি তুমি বেক্কুনে তমার গোজেন লগেপ্রভুর মুজুঙোত্ কবাদে, আমার পুরোণি মানুচ্চো এলঅ এক্কো অরামীয় বেড়াজ্যে। তে বানা কয়েক্কো মানুচ্ নেযেইনে মিসর দেজত্ যেয়েগোই আর সিয়েনত্ বজত্তি গুরিবার অক্তত তা মাধ্যমে এক্কো দাঙর্ আর বোলী জাদর জর্ম ওইয়্যে যিবের মান্জ্যর সোংখ্যে এলাক ভালোক্কুন।