পত্থম 26:7 - Chakma Bible

⁷ মাত্তর্‌ সিদুগোর্‌ মানুচ্চুনে যেক্কে তা মোক্কো কধা পুযোর্‌ গুরিলাক সেক্কে তে তারে তার বোন বিলিনে চিনেই দিলো। তারে তার মোক্‌ ইজেবে চিনেই দেদে তে দোরেল; মনে গুরিলো রিবিকা দোল্‌ বিলিনে সিদুগোর্‌ মানুচ্চুনে রিবিকারে পেবাত্তে তারে মারে ফেলেবাক্‌।

পত্থম 26:7 ပူးပေါင်းရင်းမြစ်များ

পত্থম 12:11

মিসর দেজ কায়-কুরে এইনে অব্রামে তা মোক্কো সারীরে কলঅ, “শুন্‌, মুই হবর্ পাং তুই অমকদ দোল্‌।

পত্থম 12:13

সেনত্তে তুই তারারে কবেদে, তুই মর্‌ বোন। সেক্কে তত্তে তারা মঅ লগে গম্‌ বেবহার গুরিবাক্‌ আর মরে বাজেই রাগেবাক্‌।”

পত্থম 12:15

ফরৌনর, অত্তাৎ রাজার দরবার মানুচ্চুনেয়ো তারে দেগিনে ফরৌন ইধু তারে নাঙ্ গিনিনে নানান্‌ কধা কলাক্‌। সেনত্তে সারীরে রাজঘরত্‌ নেযা অলঅ।

পত্থম 20:11

জোবত্‌ অব্রাহামে কলঅ, “মুই ভাবি চেয়োং, এ জাগানর্‌ মানুচ্চুনোর গোজেন-দর্‌ বিলিনে কনঅ কিচ্ছু নেই। সেনত্তে মঅ মোক্কোরে পেবাত্তে তারা অয়্‌ত মরে মারে ফেলেবাক্।

পত্থম 20:2

সিদু তে তার্ মোক্‌ সারারে আরঅ নিজোর্‌ বোন বিলিনে চিনেই দিলো। সেনত্তে সিদুগোর রাজাবো অবীমেলকে মানুচ্‌ পাদেইনে সারারে তাইধু নেযেল।

পত্থম 20:5

সে মানুচ্চো দঅ নিজেই মরে কোইয়্যে, সিবে তার বোন, আর সে মিলেবোয়ো কলঅ, সিবে তার্ ভেই। মুই সরল মনে এ কামান গোজ্যং; সিয়েনবাদে বারেন্দিয়ো মঅ বেবহার ভিদিরে কনঅ দুজ্ ন-এলঅ।”

পত্থম 24:16

রিবিকা এলদে জদবদে দোল্‌, গাবুজ্যে মিলে আর কনঅ মরদ বাস্‌ ন-পেইয়্যে। তে কূয়োবোত্তুন্‌ কুম্মো ভুরিনে যেক্কে উদি এযের্‌ সেক্কে অব্রাহাম চাগর্‌বো দাবা দাবা তা ইধু যেইনে কলঅ, “দোয়্যে গুরি তঅ কুম্মোত্তুন্‌ মরে এক্কেনা পানি হেবাত্তে দে।”

পত্থম 26:6

সেনত্তে ইস্‌হাকে গরার শঅরত্ থেলঅ।

পত্থম 26:8

ইস্‌হাকে ভালোক দিন সিয়েনত্‌ কাদেল। একদিনে পলেষ্টীয়গুনোর রাজা অবীমেলকে জানালান্দি রিনি চেলঅ। তে চেইনে আমক্‌ ওই গেলঅ, ইস্‌হাকে তার মোক্কো রিবিকারে কির্ব্য গরের্‌।

পত্থম 29:17

লেয়ার আঘে বানা দ্বিবে দোল্‌ চোখ, মাত্তর্‌ রাহেল কিয়্যে গঠনান্‌ আর চেঙেরাগান দোল্‌ এলঅ।

গম্ উপদেজ্ 29:25

মান্‌‌জ্যরে যে দরায় সে দরানে তা তপ্পে ফাল্ অয়, মাত্তর্ যে লগেপ্রভু উগুরে বিশ্বেজ্ গরে তে গমেডালে থায়।

মথি লেখ্যে গম্ হবর্ 10:28

যিগুনে বানা কিয়্যেগান মারে ফেলেই পারন্ মাত্তর্ আত্মাগানরে মারি ন-পারন্ তারারে ন-দোরেয়ো। যিবে কিয়্যে আর আত্মা দ্বিয়েনরে নরগত্ ভস্ত গুরি পারে বরং তারেই দরঅ।

ইফিষীয় 5:25

তুমি যিগুনে নেগ্, খ্রীষ্ট যেধোক্ক্যেন গুরি মন্ডলীরে কোচ্‌পেইয়্যে আর সিয়েনত্যে নিজোরে দান গোজ্জ্যে ঠিগ্ সেধোক্ক্যেন তুমিয়ো বেক্কুনে মোগরে কোচ্‌পেইয়ো।

কলসীয় 3:9

একজন আরেকজন ইধু মিজে কধা ন-কোইয়ো, কিয়া তমার পুরোণি “মুই” তার্ কাম সমত্ কাবড় ধোক্ক্যেন ঝারি ফেলেইনে তুমি দঅ নুয়ো “মুই” উজ্জ্য। এই নুয়ো “মুই” আরঅ নুয়ো অদে অদে তার্ সৃট্টিগুরিয়্যেবো ধোক্ক্যেন অর্, যেন সেই সৃট্টিগুরিয়্যেবোরে তুমি গমেডালে জানি পারঅ।