পত্থম 26:24 - Chakma Bible

²⁴ সে রেদোত্‌ লগেপ্রভু তারে দেগা দিইনে কলঅ, “মুই তঅ বাপ্পো অব্রাহাম গোজেন। কিচ্ছু ন-দোরেবে, কিত্তে মুই তঅ সমারে আগং। মঅ চাগর্‌ অব্রাহামত্তে মুই তরে বর্ দিম্‌ আর তঅ বংশবো বাড়েই দিম্‌।”

পত্থম 26:24 ပူးပေါင်းရင်းမြစ်များ

পত্থম 13:16

মুই তঅ বংশর মানুচ্চুনোরে পিত্‌থিমীর ধূল্যেচর-ধোক্ক্যেন গুণি ন-পুরেইয়্যে গুরিম। পিত্‌থিমীর ধূল্যেচরুন যুদি কনজনে গুণিনে শেজ্ গুরি পারন্‌ সালে তঅ বংশবোর মানুচ্চুনোরেয়ো গুণো যেবঅ।

পত্থম 15:1

ইয়ান পরেদি লগেপ্রভু অব্রামরে দেগা দিইনে কলঅ, “অব্রাম, তুই ন দোরেচ্‌। গাজ বাগল ধোক্ক্যেন গুরি মুয়ই তরে রোক্ষ্যে গুরিম, আর তঅ বক্‌শিজ্‌চান্‌ অবদে দাঙর্‌।”

পত্থম 17:7

এ সুদোমান বানা তর্‌ আর মঅ ভিদিরে চুলিবো সিয়েন নয়; সিয়েন্‌ চুলিবো তর্‌ পুয়ো-ছাগুনোর আর মঅ ভিদিরে বংশর পর্‌ বংশ ধুরি। ইবে অবঅ এক্কো উমরর্‌ সুদোম। এ সুদোমত্‌ মুই তর্‌ আর তঅ পরেদি তঅ বংশর্‌ মানুচ্চুনোরঅ গোজেন ওলুং।

পত্থম 17:8

যে কনান দেজত্‌ তুই ইক্কিনে বিদেশী ওইনে বজত্তি গরর্‌ তার বেক্কানি উমরর্‌ সোম্বোত্তি ইজেবে মুই তরে আর তঅ বংশবোরে দিলুং। মুই তারার বেক্কুনোর্‌ গোজেন ওলুং।”

পত্থম 21:17

মাত্তর্‌ পুয়োবোর্‌ কানানিগান গোজেন কানত্‌ যেইনে লুমিলোগোই। সেক্কে গোজেন দূত্তো স্বর্গত্তুন্‌ হাগাররে ডাগিনে কলঅ, “হাগার, তর্‌ কি ওইয়্যে? ন-দোরেচ্‌, কিত্তে পুয়োবো যিয়েনত্‌ আঘে সিয়েনত্তুন্‌ তা কানানিগান গোজেন কানত্‌ যেইনে লুম্মেগোই।

পত্থম 22:17

মুই ঘেচ্চেকগুরি তরে বোউত্‌ বর্ দিম্‌, আর আগাজ তারা ধোক্ক্যেন আর সাগর পার ধূল্যে চর ধোক্ক্যেন তমা বংশ মানুচ্চুনোরে গুণি ন-পুরেয়্যে গুরিম। তমা বংশ মানুচ্চুনে তারা শত্রুগুনোর শঅরানি জিদি নেযেবাক্,

পত্থম 22:19

ইয়েন পরেদি অব্রাহামে তা চাগরুনো ইদু ফিরি এলঅ। সেক্কে বেক্কুনে একলগে সিয়েনত্তুন্‌ বের্‌-শেবাত্‌ ফিরি গেলাক্; ইয়োদোই অব্রাহামে বজত্তি গুরিদো।

পত্থম 24:12

সে চাগরবো ইয়েন্‌ কোইনে তবনা গুরিলো, “ও লগেপ্রভু, মঅ গিরোজ্‌ অব্রাহামর গোজেন, এচ্চ্যে ইয়েনর বেক্কানি তুই তঅ আদত্‌ নেযা আর মর্‌ গিরোজ্‌ অব্রাহামরে দিয়্যে তঅ কধাগান রাগা।

পত্থম 28:13

আর লগেপ্রভু সিয়েন উগুরে ঠিয়েইনে কলঅ, “মুই লগেপ্রভু। মুই তঅ পুরোণি মানুচ্‌ অব্রাহামর গোজেন আর ইস্‌হাকরঅ গোজেন। তুই যিয়েনত্‌ ঘুম যর্‌ সে দেজ্‌চান মুই তরে আর তঅ বংশর্‌ মানুচ্চুনোরে দিম্‌।

পত্থম 28:15

মুই তঅ লগে লগে আগং; তুই যিয়োদোই যেদে সাৎ মুই তরে রোক্ষ্যে গুরিম্‌। এ দেজত্ আরঅ মুই তরে ফিরেই আনিম। মুই তরে যিয়েনি কোইয়োং সিয়েনি পূরোণ ন-গরানা সং মুই তরে ছাড়ি ন-যেম্‌।”

পত্থম 28:3

বেগত্তুন্‌ খেমতাবলা গোজেনে তরে বর্ দুয়োক্‌ আর তরে ভালোক্কুন্‌ ঝি-পুয়োর বাব্‌ অবার্‌ খেমতা দুয়োক্‌। তে তঅ বংশর্‌ মানুচ্চুনোরে জনেদি বাড়েই দোক্। সেক্কেনে তারা অবাক্‌ এক্কো ভালোক্‌ গুট্টির্‌ জাদ্।

পত্থম 30:27

মাত্তর্‌ লাবনে তারে কলঅ, “যুদি মঅ উগুরে তমার কনঅ বেজার্ অবার্‌ কারন ন-থায়্‌ সালে ন-যেয়ো। নানান্ বাবোত্যে লক্ষণত্তুন্‌ মুই বুঝি পারঙত্তে, তমাত্তে লগেপ্রভু মরে বর্‌ দিয়্যে।”

পত্থম 31:5

সে পরেদি তে তারারে কলঅ, মুই থার্‌ পেইয়োং মঅ উগুরে তমা বাপ্পোর্‌ আগ সে মনভাবপান আর নেই, মাত্তর্‌ মঅ বাবঅ গোজেনে মঅ লগে লগে আঘে।

পত্থম 39:2

লগেপ্রভু যোষেফ লগে লগে এলঅ। সেনত্তে তে বেগ্‌ কামানি গমে-ডালে গুরি পাজ্যে। তারে তা মিসরীয় গিরোজ ঘরত্‌ রাগা ওইয়্যে।

পত্থম 39:3

লগেপ্রভু যে তা লগে লগে এলঅ আর তা আদে বেক্‌ কামানি গমে-ডালে গরের্ সিয়েন্‌ তা গিরোজ্‌সো দেগিলো।

পত্থম 46:1

ইস্রায়েলে তার্‌ বেক্কানি লোইনে নিগিলিলো। বের্‌-শেবাত্ এইনে তে তার্ বাপ ইস্‌হাকর্ গোজেন নাঙে কয়েক্কো উৎসর্বর অনুষ্টান গুরিলো।

১ রাজাবলী 17:13

এলিয় তারে কলঅ, “ন-দোরেচ্‌। যিয়েন্‌ কলে ঘরত্‌ যেইনে সিয়েন গর্‌। মাত্তর্‌ তর্‌ যিয়েনি আঘে সিয়োত্তুন্‌ আগে আমাত্তে এক্কান্‌ চিগোন রুটি বানেইনে আন। সে পরেন্দি তর্‌ আর তর্‌ পূঅবোত্তে রুটি বানা।

যাত্রা 14:13

মোশি তারারে কলঅ‌, “ন-দোরেয়ো। তুমি যিয়োত্‌ আগঅ‌ সিয়োদোই‌ থাগঅ আর লগেপ্রভুর উদ্ধোর্‌ গুরিবার্‌ কামান্‌ একবার্‌ চঅ। তে এইচ্যে তমাত্যে সিয়েন্‌ গুরিবো। যে মিসরীয়গুনোরে এইচ্যে তুমি দেগর্‌ ইয়েনর্ পরেদি তারারে আর কনদিন্‌‌অ ন-দেগিবা।

যাত্রা 3:6

মুই তঅ বাবর গোজেন; মুই অব্রাহাম, ইস্‌হাক আর যাকোবর্‌ গোজেন।” সেক্কে মোশি তা মুয়োন্‌ ঢাগিলো, কিত্তে গোজেন ইন্দি রিনি চেবাত্তে তার্‌ মনত্‌ দর্‌বুগ লাগিলো।

যিশাইয় 12:2

ঘেচ্চেক্‌গুরি, গোজেনে মর্ উদ্ধোরগুরিয়্যে; মুই তা উগুরে বিশ্বেজ্ গুরিম, ন-দোরেম্। লগেপ্রভু, লগেপ্রভু মর্ বল্ আর মর্ গান; তেয়ই মর্ উদ্ধোরগুরিয়্যে ওইয়্যে।”

যিশাইয় 41:10

সেনত্তে তুই ন-দোরেচ্, মুই দঅ তঅ সমারে সমারে আগং; থির্ নেইয়্যে ন-ওইয়ো, কিত্তে মুই তর্ গোজেন। মুই তরে খেমতা দিম্ আর ঘেচ্চেকগুরি সাহায্য গুরিম আর মর্ ন্যায়র ডেন্ আঢ্‌তানিলোই তরে হামাক্কায় ধুরি রাগেম।‌‌

যিশাইয় 44:2

লগেপ্রভু, যিবে তরে বানেয়্যে, মা পেদত্ দাঙর্ গোজ্যে আর তরে সাহায্য গুরিবো, তে এ কধাগান কোইয়্যে, ‘ও মর্ চাগর্ যাকোব, মর্ বেঈ লোইয়্যে যিশুরূণ, তুই ন-দোরেস্;

যিশাইয় 51:12

লগেপ্রভু কত্তে,“আমি, মুয়ই তমারে সান্তনা দুয়োং। তুমি কিত্তে মান্‌জ্যরে দরর্? তারা দঅ মুরি যেবাক্। মান্‌জ্যর্ পুয়োগুনে ঘাস ধোক্ক্যেন কানক্কন্যে।

যিশাইয় 51:7

“যিয়েন ঠিগ্ তুমি যিগুনে সিয়েন হবর্ পহ্ আর যিগুনোর মনত্ মঅ শিক্ষ্যেগান আঘে, তুমি শুনো। তুমি মানজ্যর্ ঈচ্ গরানাগানি বা তারার্ অগমান গরানাগানি ন-দোরেয়ো,

আবিলেচ্ 3:57

মুই যেক্কে তরে ডাক্কোং সেক্কে তুই কায়-কুরে এইনে কোইয়োচ্, “ন-দোরেচ্।”

লেবীয় 26:42

সালে মুই যাকোব, ইস্‌হাক আর অব্রাহামর্‌ লগে মর্‌ সুদোমর্‌ কধা আর তারার্‌ দেজর্‌ কধা মনত্‌ তুলিম্‌।

লেবীয় 26:45

তারাত্তেই তারার্‌ আগমানুচ্চুনো সমারে মর্‌ সুদোমর্‌ কধা মুই মনত্‌ তুলিম। এই আগমানুচ্চুনোর্‌ গোজেন অবঅ বিলি অন্য জাদর্‌ চোগো মুজুঙোন্দি মিসর্‌ দেজত্তুন্‌ মুই তারারে নিগিলেই আন্যং। মুই লগেপ্রভু।”

মথি লেখ্যে গম্ হবর্ 22:32

সিয়েনত্ লেগা আঘে, ‘মুই অব্রাহামর্ গোজেন, ইস্‌হাকর্ গোজেন আর যাকোবর্ গোজেন।’ মাত্তর্ গোজেনে দঅ মরাগুনোর্ গোজেন নয়, তে জেদাগুনোর্ গোজেন।”

লূকে লেখ্যে গম্ হবর্ 12:32

ও মর্ ভেড়া ছাগল চিগোন্ পাল্লো, ন-দোরেয়ো, কিয়া তমা বাপ্পোর্ আওজ্‌‌‌চান ইয়েন, তা রেজ্যগান্ তে তমারে দিবো।

প্রেরিত্‌ 7:32

মুই তর্ পূরোণি মানুচ্চুনোর গোজেন-অব্রাহাম, ইস্‌হাক আর যাকোবর গোজেন। সেক্কে মোশি দরে গির্‌গিরা ধল্ল; রিনি চেবার্ সাহচ্‌ তার্ ন-অলঅ।

দ্বি’লম্বর বিররণ 13:17

লগেপ্রভু যেনে তার দর্‌গরেপারা রাগত্তুন্‌ ফিরি এজে সেনত্যে তমা আদত্‌ যেনে এই বেক্‌ পযাপিরানির এক্কানঅ দেগা ন-যায়, কিত্যে সিয়েনি উগুরে আঘেদে ভস্ত অনার্ অবিশাব। সালে তে তমারে দোয়্যে আর মেইয়্যে গুরিবো আর তমার পুরোণি মানুচ্চুনো ইদু শমক্‌ খেইয়্যে এগেম্ মঝিম তমার বংশগুন বাড়েই দিবো,

দ্বি’লম্বর বিররণ 31:6

তুমি দরঅ মরঅ অ আর মনত্‌ বুক্‌ বানঅ। তারারে দেগিনে তুমি ন-দোরেয়ো বা গির্‌ ন গিরেবা, কিত্যে তমার গোজেন লগেপ্রভু তমার লগে লগে যেবঅ। তে কনদিনঅ তমারে ছাড়িনে ন-যেবঅ বা বাদ ন-দিবো।”

ইব্রীয় 11:16

মাত্তর্ তারা আরঅ গম এক্কান দেজর্, অত্তাৎ স্বর্গগানরে তগাদন্। সেনত্যে গোজেনে নিজোরে তারার্ গোজেন কধে ন-লাজায়, কিয়া তে তারাত্যে এক্কান শঅর্ বানেয়্যে।

ইব্রীয় 13:6

ইয়েনত্যে আমি সাহচ্‌ গুরিনে কোই পারিই, প্রভু মর্ এজাল্‌‌দিয়্যে, মুই ন-দোরেম; মান্‌জ্যে মরে কি গুরি পারন্?

ফগদাং পেইয়্যে 1:17

তারে দেগিনে মুই মরা ধোক্ক্যেন তা টেঙ কুরে পড়িলুং। সেক্কে তে তার্ ডেন্ আঢ্‌তান মঅ উগুরে থোইনে কলঅ, ন-দোরেচ্। মুয়ই পত্তম আর থুম্,

রূত 3:11

তুই ন-দোরেচ্‌, তুই যিয়েন চেবে মুই তত্তে সিয়েনই গুরিম। মঅ আদামত্‌ বেক্কুনে খবর পান, তুই এক্কো গম্ মিলে।