পত্থম 26:22 - Chakma Bible

²² সিয়েন পরেদি ইস্‌হাকে সিয়েনত্তুন্‌ সুরি যেইনে আর এক্কো কূয়ো খুড়িলো। মাত্তর্‌ এবেরা পলেষ্টীয়গুনে সিবেলোই কনঅ কোল্‌-কোজ্যে ন-বাজেলাক। ইস্‌হাকে সে কূয়োবো নাঙান্‌ রাগেল রহোবোৎ (যিয়েনর্ ভেদতান্ “বোউত্‌ জাগা”)। তে কলঅ, “বেগঅ যেরেন্দি লগেপ্রভু আমারে জাগায়ান দিলো যেনে আমি ইয়েনত্ জনেদি বাড়ি উদি পারিই।”

পত্থম 26:22 ပူးပေါင်းရင်းမြစ်များ

পত্থম 17:6

মুই তর্‌ বংশবোরে বোউত্‌ বাড়েই দিম্‌। তঅ ভিদিরেত্তুন্‌ মুই বোউত্‌ জাদ বানেই দিম্‌, আর তঅ ভিদিরেত্তুন্‌ বোউত্‌ রাজার জর্ম অবাক্।

পত্থম 26:21

পরেদি ইস্‌হাকর য়েমান্‌ছড়েয়্যেগুনে আর এক্কো কূয়ো খুড়িলাক্‌, মাত্তর্‌ সিবেলোইয়ো তারা কোল্‌বাজা ধুরিলাক্। সিয়েন্‌ দিগিনে ইস্‌হাকে সিবের্‌ নাঙান্ দিলো সিট্‌না (যিয়েনর্ ভেদতান্ শত্রু অনা)।

পত্থম 28:3

বেগত্তুন্‌ খেমতাবলা গোজেনে তরে বর্ দুয়োক্‌ আর তরে ভালোক্কুন্‌ ঝি-পুয়োর বাব্‌ অবার্‌ খেমতা দুয়োক্‌। তে তঅ বংশর্‌ মানুচ্চুনোরে জনেদি বাড়েই দোক্। সেক্কেনে তারা অবাক্‌ এক্কো ভালোক্‌ গুট্টির্‌ জাদ্।

পত্থম 41:52

সে পরেদি তে তার দ্বিলম্বর পুয়োবোর নাঙান্‌ রাগেল ইফ্রয়িম (যিয়েনর্ ভেদ্‌তান্ “ফলবান”)। তে কলঅ, “যে দেজত্‌ মুই দুঘ্ পেইয়োং সে দেজত্‌ গোজেনে মরে ফলবান গোজ্যে।”

গীতসংহিতা 118:5

মুই দজাত্ পড়িনে লগেপ্রভুরে ডাগিলুং; তে মর্ ডাগনিলোই তে ইজিরে দিইনে এক্কান মেলা জাগাত্ মরে নিগিলেই আনিলো।

গীতসংহিতা 119:32

তর্ উগুমে মুই পধেন্দি দাবা যেম্, কিত্তে তুই মর্ মনান্ খুলি দুয়োচ্।

গীতসংহিতা 18:19

তে মরে এক্কান্ খুলো জাগাত্ নিগিলেই আনিলো; মঅ উগুরে হুজি এলঅ বিলিনে তে মরে উদ্ধোর্ গুরিলো।

গীতসংহিতা 4:1

ও মর্ গোজেন, মুই যে তর্ আওজ্ মজিম চলঙর্ সিয়েন তুই দেগেই দুয়োর্; মুই যেক্কেনে তরে ডাগিম সেক্কে তুই মঅ ডাগনিলোই শুনিচ্। দযাগানে মরে ঝাবোদে ধোজ্যে, মাত্তর্ তুই মরে নিজেস্ ফেলেবার্ যু গুরি দুয়োচ্। মঅ উগুরে দোয়্যে গর্, মঅ তবনাগান শুন।

যাত্রা 1:7

মাত্তর্‌ ইস্রায়েলীয়গুনোর্‌ বংশবাড়েবার্‌ খেমতা কম ন-এলঅ; তারা জনেদি বেশ্‌ ওইনে চেরোকিত্তে ছিদি পড়িলাক্‌ আর অমকদ বোলিবন্দ ওই উদিলাক্, আর তারাল্লোই মিসর দেজ্‌ছান্‌ ভুরি গেলঅ।

যিশাইয় 54:2

তঅ তাম্বুলানর্ জাগায়ান আরঅ বাড়া; তঅ তাম্বুলানর্ পর্দাগান আরঅ পাদাজ্যে গর্, কুলি ন-গুরিচ্। তঅ তাম্বুলানর দুড়িগানি লাম্বা গর্ আর খুদোগুন দরমর গর্,

যিশাইয় 54:3

কিত্তে তুই ডেনে আর বাঙেদি ছিদি পড়িবে। তঅ বংশধরুনে অন্য জাদ্‌তুনোর দেজ্‌চান গজক্ গুরিবাক্ আর তারার মানুচ্ নেইয়্যে শঅরানিত্ বজত্তি গুরিবাক্।