পত্থম 26:14 - Chakma Bible

¹⁴ তার ভেড়া, গোরু আর চাগর-চাগরানী বোউত্ বাড়িলাক্‌, সিয়েন্‌ দেগিনে পলেষ্টীয়গুনে তারে ইংসে গরা ধুরিলাক্।

পত্থম 26:14 ပူးပေါင်းရင်းမြစ်များ

পত্থম 12:16

আর সারীত্যে ফরৌণে অব্রাম লগে গম বেবহার গরা ধুরিলো। তে অব্রামরে বোউত্‌ ভেড়া, গোরু, গাধা, গাধী উট আর চাগর-চাগরানী দিলো।

পত্থম 13:2

অব্রামে জদবদে মাজন্‌ এলঅ। তার ভালোক্কুন য়েমান আর সনা রূবো এলঅ। পরেদি তে নেগেভত্তুন্‌ সুরি যাদে যাদে বৈথল সং গেলঅ। এধোক্ক্যেনগুরি তে বৈথেল আর অয়র সংমোধ্যে সে জাগানত্‌ যেইনে লুমিলো যিয়েনত্‌ তে আগেদি তাম্বুল তাঙেইয়্যে আর পত্তম ডালিপূজো বানেইয়্যে। সিয়েনত্‌ তে লগেপ্রভুরে তার যগাজ্যে সর্মান দিলো।

পত্থম 24:35

মঅ গিরোজ্‌সোরে লগেপ্রভু বোউত্‌ বর্ দিয়্যে; এচ্চ্যে তে বোউত্‌ দাঙর্‌ মানুচ্‌। লগেপ্রভু তারে ভালোক্কুন্‌ গোরু-ভেড়া, সোনা-রূবো, চাগর-চাগরানী আর উট আর গাধা দিলো।

পত্থম 25:5

অব্রাহামে তার বেক্‌ ধন-সোম্বত্তিগানি ইস্‌হাকরে দিলো।

পত্থম 30:43

যাকোবে ইঙিরিনে অমকদ থাগোয়্যে অলঅ। তা য়েমানপালুন, উট, গাধা আর চাগর-চাগরানীগুন জনেদি বোউত্‌ বাড়িলাক্‌।

পত্থম 37:11

ইয়েন পরেদি যোষেফ উগুরে তা ভেইয়ুনো মনানি ইংসেই ভুরি উদের্, মাত্তর্‌ তা বাবে কধানি মনত্‌ গাদেই রাগেল, কাররে ন-কলঅ।

ইয়োব 1:3

তার্‌ সাত আজার্ ভেড়া ছাগল, তিন আজার্ উট, পাচশত্ জড়া বলদ গোরু আর পাচশত্ পাড়ি গাধা এলঅ আর চাগর্‌-চাগরানিয়ো এলাক্‌ ভালোক্কুন্‌। পূগ দেজর বেক্‌ মানুচ্চুনোত্তুন্‌ তে অলদে বেগত্তুন্‌ তাগোয়্যে।

ইয়োব 42:12

লগেপ্রভু ইয়োব জিংকানির পত্তম অবস্থাত্তুন পরেদি অবস্থাগান আরঅ দোল্ গুরি দিলো। তার চৌদ্দো আজার ভেড়া, ছঅ আজার উট, এক আজার জোড়া দামারা গোরু আর এক আজার গাধা অলাক্।

ইয়োব 5:2

হাঙেলেত্যে জ্ঞাননেইয়্যে মানুচ্চুনোরে শেজ্‌ গুরি দে আর ইংসে-নিন্দে বেদমা মানুচ্চুনোরে মারে ফেলায়।

গীতসংহিতা 112:10

পাজি মানুচ্চুনে সিয়েনি দেগিনে লবাদোস্যে পেবাক্; তে দাত্ কামেরেব আর শেজ্ ওই যেবঅ। পাজিগুনোর আজা-ভরশা ন-ফলিবো।

গীতসংহিতা 112:3

তা ঘরত্ ধন আর সোম্বোত্তি থেবঅ; তার গমান্ উমরত্যে থিদেবর্।

গম্ উপদেজ্ 10:22

লগেপ্রভু যিবেরে বর্ দে তেয়ই তাগোয়্যে; সেই আশিদ্‌বাদত্ কনঅ দুঘ্ দরদ ন-থায়।

গম্ উপদেজ্ 27:4

রাগ্ জিনিস্‌‌চান চিৎনপুজ্যে আর দাঙর্ বান পানি ধোক্ক্যেন্, মাত্তর্ ইংসে-নিন্দে মুজুঙোত্ কনজনে থিয়্যেই থেই ন-পারে।

উপদেশক 4:4

মুই দেগিলুং, পাড়াল্যেগুনো উগুরে ইংসের্ কারনে মান্‌জ্যে বেক্ কামানি গরন্ আর ফোলেই পারন্। ইয়েন্অ বাহ্‌জে, বানা বোইয়্যের পিজেদি দাবা দেনা বাদে আর কিচ্চু নয়।

১ শমূয়েল 18:9

সে অক্তত্তুন্‌ ধুরিনে শৌলে দায়ূদোরে ইংসের চোগেন্দি দেগা ধুরিলো।