পত্থম 24:7 - Chakma Bible

⁷ স্বর্গর গোজেন লগেপ্রভু মরে মঅ বাবঅ ঘর-ভিদে আর মর্‌ জর্মেয়্যে জাগাত্তুন্‌ নিগিলেই আনিলো। তে মঅ লগে কধা কোইয়্যে আর শমত্‌ খেইনে কোইয়্যেদে, এ দেজ্‌সান্‌ তে মঅ বংশবোরে দিবো। তে তঅ আগেন্দি তা দূত্তোরে সিদু পাদেই দিবো যেনে মঅ পুয়োবোর্‌ মোক্‌ অবাত্তে তুই সিয়েনত্তুন্‌ এক্কো মিলে আনি পারচ্‌।

পত্থম 24:7 ပူးပေါင်းရင်းမြစ်များ

পত্থম 13:15

যেদক্কানি জাগা তুই দেগিবে সিয়েনি মুই তরে আর তঅ বংশবোরে উমরত্তে দিম্‌।

পত্থম 15:18

লগেপ্রভু সেদিন্যে অব্রামত্তে ইয়ান্‌ কোইনে এক্কান্‌ সুদোম্‌ রোক্ষ্যে গুরিলো, “মিসর গাঙত্তুন্‌ ধুরি আরাম্ভ গুরিনে বড়্‌ গাঙ্‌ ইউফ্রেটিস সং বেক্‌ দেজ্‌ছান্‌ মুই তঅ বংশবোরে দিলুং।

পত্থম 16:7

পদথ্‌ ধূল্যেচর-চাগালা ভিদিরে এক্কান্‌ পানি পয়নালা ইধু লগেপ্রভুর দূত্‌তো হাগাররে দেগিলো। পয়নালাবো অলদে শূর নাঙে এক্কান জাগাত্‌ যেবার পদথ্।

পত্থম 17:8

যে কনান দেজত্‌ তুই ইক্কিনে বিদেশী ওইনে বজত্তি গরর্‌ তার বেক্কানি উমরর্‌ সোম্বোত্তি ইজেবে মুই তরে আর তঅ বংশবোরে দিলুং। মুই তারার বেক্কুনোর্‌ গোজেন ওলুং।”

পত্থম 21:17

মাত্তর্‌ পুয়োবোর্‌ কানানিগান গোজেন কানত্‌ যেইনে লুমিলোগোই। সেক্কে গোজেন দূত্তো স্বর্গত্তুন্‌ হাগাররে ডাগিনে কলঅ, “হাগার, তর্‌ কি ওইয়্যে? ন-দোরেচ্‌, কিত্তে পুয়োবো যিয়েনত্‌ আঘে সিয়েনত্তুন্‌ তা কানানিগান গোজেন কানত্‌ যেইনে লুম্মেগোই।

পত্থম 22:11

এ অক্তত্‌ লগেপ্রভুর দূত্তো স্বর্গত্তুন্‌ তারে ডাগিলো, “অব্রাহাম, অব্রাহাম!” অব্রাহামে জোব্ দিলো, “এইয়্যে দঅ মুই।”

পত্থম 24:3

যিবে স্বর্গ আর পিত্‌থিমীয়ানর্ গোজেন সেই লগেপ্রভু ইধু মুই তরে এ শমত্‌ গরাঙর্‌: মুই যে কনানীয়গুনো ইধু বজত্তি গরঙর্‌ তারা ভিদিরেত্তুন্‌ কনঅ মিলেরে মঅ পুয়োবোর্‌ মোক্‌ ইজেবে তুই বেঈ ন-লবে।

পত্থম 24:40

তে মরে কলঅ, লগেপ্রভু, যিবেরে মুই মানং, তেয়ই তার গম্‌ দূত্তোরে তঅ সমারে পাধেই দিবো যেনে তঅ যাত্রাবো দোল্‌ অয়্‌। সেক্কে তুই মঅ বাবঅ ঘরত্‌ যেইনে মর্‌ নিজো মানুচ্চুনো ভিদিরেত্তুন্‌ এক্কো মিলেরে মর্‌ পুয়োবোত্তে বেঈ নেযেই-পারজ্‌।

পত্থম 26:24

সে রেদোত্‌ লগেপ্রভু তারে দেগা দিইনে কলঅ, “মুই তঅ বাপ্পো অব্রাহাম গোজেন। কিচ্ছু ন-দোরেবে, কিত্তে মুই তঅ সমারে আগং। মঅ চাগর্‌ অব্রাহামত্তে মুই তরে বর্ দিম্‌ আর তঅ বংশবো বাড়েই দিম্‌।”

ইষ্রা 1:2

পারস্যের রাজা কোরসে এই কধাগান কোইয়্যেদে, স্বর্গর গোজেন লগেপ্রভু পিত্‌থিমীর পুরো রেজ্যগান্ মরে দিয়্যে আর যিহূদা দেজর্ যিরূশালেমত্ তাত্তেই এক্কান ঘর বানেবাত্যে মরে নেযা ওইয়্যে।

গীতসংহিতা 103:20

ও লগেপ্রভুর বোলী দূত্‌তুন, যিগুনে তা কধার বাধ্য থেইনে তা উগুমানি পালন গরর্, তুমি তার্ বাঈনী গরঅ।

গীতসংহিতা 136:26

তুমি স্বর্গর্ গোজেনরে ভালেদি জানঅ; - তার কোচ্‌পানাগান উমরত্তে থিদেবর্ গোজ্যে।

গীতসংহিতা 32:8

মুই লগেপ্রভু তরে জ্ঞান দিম্ আর যে পধ্‌থানদি যাহ্ পুরিবো সিয়েন দেগেই দিম; তরে চোগে চোগে রাগেইনে মুই উগুম দিম।

গীতসংহিতা 34:7

যিগুনে লগেপ্রভুরে ভোক্তি গরন্ লগেপ্রভুর্ দূত্‌তুনে তারার্ চেরোকিত্তে তাম্বুল্ ফেলান্ আর তারারে রোক্ষ্যে গরন্।

গীতসংহিতা 73:24

তর্ উগুম্মোই তুই মরে চালেবে, আর যেরেন্দি তর্ মহিমালোই মরে মানি লবে।

যাত্রা 13:5

যেক্কে লগেপ্রভু তমারে কনানীয়, হিত্তীয়, ইমোরীয়, হিব্বীয় আর যিবূষীয়গুনোর্‌ দেজত্‌ নেযেব সেক্কে তুমি বজরর্‌ এই মাস্যত্‌ এই অনুষ্ঠানান্ পালন গুরিবা। ইয়েনই সেই দেজ্‌ছান যিয়েন্‌ লগেপ্রভু তমারে দিবো বিলি তমার পুরোণি মানেইয়ুনো ইধু শমক্‌ গোজ্যে। সিয়েনত্‌ দুধ, মধু আর কনঅ‌ কিজুর্‌ অভাব নেই।

যাত্রা 32:13

তঅ চাগর্‌ অব্রাহাম, ইস্‌হাক আর ইস্রায়েলর কধা মনত্‌ তুল্। তুই নিজোর্‌ নাঙে শমক্‌ খেইনে তারারে কোইয়োচ্‌, তারার্‌ বংশধরুনোরে আগাজ তারা ধোক্ক্যেন গুণি ন-পুড়েইয়্যে গুরি তুলিবে আর তর্‌ শমক্‌ খেইয়্যে দেজ্‌চান পুরো বেক্কানই উমরর্ অধিকার ইজেবে তারার্‌ বংশধরুনোরে দিবে।

যাত্রা 33:2

মুই তমার আগে আগে এক্কো স্বর্গদূতরে পাদেইনে সেই দেজত্তুন্‌ কনানীয়, ইমোরীয়, হিত্তীয়, পরিষীয়, হিব্বীয় আর যিবূষীয়গুনোরে ধাবেই দিম্‌।

যিশাইয় 63:9

তারার বেক্ দুঘ্‌‌খানিত্ তেয়ো দুঘ্ পেলঅ আর তার্ হবর্ কোইয়্যেবো তারারে উদ্ধোর্ গুরিলো। তার কোচ্‌পানা আর দোয়্যেই তে তারারে উদ্ধোর্ গুরিলো; আগ কালত্ বেক্ দিনুনোত্ তে তারারে তুলিনে বুয়োই নিলো।‌‍‍‍‌‍‍‍

দানিয়েল 2:44

“সেই বেক রাজাগুনোর অক্তত্ স্বর্গর্ গোজেনে এমন এক্কান রেজ্য থিদেবর্ গুরিবো যিয়েন কনদিন্‌অ ভস্ত ন-অবঅ বা অন্য মান্‌জ্য আঢত্ ন-যেবঅ। সেই রেজ্যগানিয়ে উই বেক্ রেজ্যগানিরে ভস্ত গুরি শেজ্ গুরি দিবো মাত্তর্ সেই রেজ্যগান নিজে উমরত্যে থেবঅ।

যোনা 1:9

জোবত্ যোনা কলঅ, “মুই এক্কো ইব্রীয়। মুই স্বর্গর্ গোজেন লগেপ্রভুর উবোসনা গরং। তেয়ই সাগর আর মাদি বানেয়্যে।”

গণাণা 11:12

মুই কি এই বেক্‌ মানুচ্চুনোরে পেদত্‌ ধোজ্যং? মুই কি ইগুনোরে পুদেয়োং? তুই তারার পুরোণি মানুচ্চুনো ইদু যে দেজ্‌চান্‌ দিবার্‌ শমক্‌ খেইয়োচ্‌ সিয়েনত্‌ কিত্তেই তুই মরে সাদাঙা-বাব ধোক্ক্যেন গুরি তারারে বুগোদ্‌ গুরি নেযেবাত্তে কোইয়োচ?

গণাণা 14:16

লগেপ্রভু সেই মানুচ্চুনো ইদু যে দেজ্‌চান্‌ দিবার্‌ শমক্‌ গোজ্যে সিয়েনত্‌ লোই যেবার্‌ খেমতা নেই বিলিই তে ধূল্যেচর-চাগালাত্‌ তারারে মারে ফেলেয়্যে।

গণাণা 14:30

বজত্তি গুরিবাত্তে যে দেজ্‌চান্‌ তমারে দিম্‌ বিলি মুই শমক্‌ গোজ্যং বানা যিফুন্নির পূঅ কালেবে আর নূনোর পূঅ যিহোশূয়ো বাদে আর কনজনে সেই দেজত্‌ চোমেই ন-পারিবাক।

গণাণা 32:11

যে দেজ্‌চান্‌ দিবার্‌ কধা মুই অব্রাহামরে, ইস্‌হাকরে আর যাকোব ইদু শমক্‌ খেইনে এগেম্ গোজ্যং মিশরত্তুন্‌ নিগিলি এচ্চ্যে কুড়ি বা তাত্তুন্‌ বেশ্‌ বয়জর্‌ মানুচ্চুনো ভিদিরে কনজনে সিয়েন্‌ ন-দেগিবাক্, কিত্যে তারা মর্‌ কধানি পুরোপুরি মানি ন-চলন্।

প্রেরিত্‌ 7:5

নিজোর অধিকারত্যে গোজেনে অব্রাহামরে সিয়েনত্ কিচ্চু ন-দিলো, এক্কান ঠেং রাগাইদ্যে ধোক্ক্যেন ভূইয়ো নয়। মাত্তর্ গোজেনে তাইধু এগেম্ গোজ্যেদে যে, তারে আর সে পরেদি তা গুট্টিগুনোত্ত্যে অধিকার ইজেবে তে সেই দেশ্‌চান দিবো। মাত্তর্ সেক্কে অব্রাহামর কনঅ পুয়ো-ছা ন-এলঅ।

দ্বি’লম্বর বিররণ 1:8

চঅ‌, মুই সেই জাগায়ানি তমারে দি ফেল্যং। মুই লগেপ্রভু তমার্‌ পুরোণিমানুচ্‌ অব্রাহাম, ইসহাক, যাকোব আর তারার্‌ পরেন্দি তারার্‌ বংশধরুনোরে যে দেজ্‌ছান দিবাত্তে শমক্‌ খেইয়োং তুমি সিয়েনত্‌ যেইনে সেই দেজ্‌ছান গজক্ গরঅ।

দ্বি’লম্বর বিররণ 34:4

সে পরেন্দি লগেপ্রভু তারে কলঅ, “ইয়েনই সেই দেজ্‌চান যিয়েন অব্রাহাম, ইসহাক আর যাকোব ইদু শমক্ গুরি কোইয়োং, ‘দেজ্‌চান মুই তর বংশধরুনোরে দিম্‌।’ দেজ্‌চান মুই তরে নিজোর চোগেদি চেবার সুযোগ দিলুং, মাত্তর গাঙ্‌ পার ওইনে তর্‌ সিয়েনত্‌ যেই ন-পারিবো।”

ইব্রীয় 1:14

স্বর্গদূত্‌‌‌তুনে কি বেক্কুনে সেবাগুরিয়্যে আত্মা নয়? যিগুনে পাপত্তুন্ উদ্ধোর্ পেবাক্ তারারে সেবা গুরিবাত্যে দঅ তারারে দিপাধা অয়।

ইব্রীয় 11:9

গোজেনে যে দেশ্‌চান অব্রাহামরে দিবার এগেম্ গোজ্জ্যে তে বিশ্বেজত্যে বিদেশী ইজেবে সিধু বজত্তি গোজ্জ্যে। তা সমারে যিগুনে সেই একই এগেমর্ আশিদ্‌বাদর্ ভাগী এলাক্ সেই ইস্‌হাক আর যাকোব ধোক্ক্যেন গুরি তেয়ো তাম্বুলোত্ বজত্তি গুরিদো;

যিহোশূয় 1:6

“তুই বলী অ, মনত্‌ বল্‌ বান্‌, কিত্তেই যে দেজ্‌চান দিবার্‌ কধা মুই এ মানুচ্চুনোর পূরোণি মানুচ্চুনো ইদু শমক্‌ খেইনে কোইয়োং, সে দেজ্‌চান এ মানুচ্চুনোর অধিকার ইজেবপান্ তত্তুনোই ভাগ গুরি দিয়্যে পুরিবো।

যিহোশূয় 24:3

মাত্তর্‌ মুই তমার পূরোণি মানুচ্‌ অব্রাহামরে গাঙর্‌ উইপারত্তুন্‌ লোই আনিনে কনান দেজর বেক্‌ জাগানিত্‌ ঘুরেলুং আর তা বংশবো বোউত্‌ বাড়েই দিলুং। মুই তারে ইস্‌হাকরে দান গুরিলুং,

ফগদাং পেইয়্যে 11:13

সেই অক্তত্ যদবদে ভূজোল্ বেলঅ আর সেই শঅরর্ দশ ভাগর এক ভাগ ভাঙি পড়ি গেলঅ। সেই ভুজোলত্ সাত আজার মানুচ্‌ মুরি গেলাক্। সিয়েন্দোই বাদবাগী বেক্কুনে দোরেইনে স্বর্গর্ গোজেনরে বাঈনী গরা ধুরিলাক্।

বিচের গুরিয়্যেগুন 2:1

লগেপ্রভুর দূত্তো গিল্‌গলত্তুন বোখীমোত্‌ এইনে ইস্রায়েলীয়গুনোরে কলঅ‌, “মুই মিশর দেজত্তুন্ তমারে নিগিলেই আন্যং আর যে দেজ্‌চান দিবার শমক্‌ মুই তমার্‌ পূরোণি বুড়োবুড়িগুনো ইদু গোজ্যং সে দেজত্‌ তমারে আন্যং। মুই কোইয়োং, ‘তমাত্তেই মর্‌ থিদেবর্ গোজ্যে সুদোমান্‌ মুই কনদিনঅ ন-ভাঙিম্‌।