পত্থম 24:16 - Chakma Bible

^16-17 রিবিকা এলদে জদবদে দোল্‌, গাবুজ্যে মিলে আর কনঅ মরদ বাস্‌ ন-পেইয়্যে। তে কূয়োবোত্তুন্‌ কুম্মো ভুরিনে যেক্কে উদি এযের্‌ সেক্কে অব্রাহাম চাগর্‌বো দাবা দাবা তা ইধু যেইনে কলঅ, “দোয়্যে গুরি তঅ কুম্মোত্তুন্‌ মরে এক্কেনা পানি হেবাত্তে দে।”

পত্থম 24:16 ပူးပေါင်းရင်းမြစ်များ

পত্থম 12:11

মিসর দেজ কায়-কুরে এইনে অব্রামে তা মোক্কো সারীরে কলঅ, “শুন্‌, মুই হবর্ পাং তুই অমকদ দোল্‌।

পত্থম 26:7

মাত্তর্‌ সিদুগোর্‌ মানুচ্চুনে যেক্কে তা মোক্কো কধা পুযোর্‌ গুরিলাক সেক্কে তে তারে তার বোন বিলিনে চিনেই দিলো। তারে তার মোক্‌ ইজেবে চিনেই দেদে তে দোরেল; মনে গুরিলো রিবিকা দোল্‌ বিলিনে সিদুগোর্‌ মানুচ্চুনে রিবিকারে পেবাত্তে তারে মারে ফেলেবাক্‌।

পত্থম 29:17

লেয়ার আঘে বানা দ্বিবে দোল্‌ চোখ, মাত্তর্‌ রাহেল কিয়্যে গঠনান্‌ আর চেঙেরাগান দোল্‌ এলঅ।

পত্থম 39:6

ইয়েন্‌ দেগিনে পোটিফরে সিয়েনি বেক্ ভারান যোষেফ উগুরে ছাড়ি দিলো। যোষেফ উগুরে বেক্‌ ভারান এলঅ বিলিনে পোটিফরে নিজো হানাগান বাদে আর কনকিজুত্ চিদে-চজ্জা ন-গুরিদো। যোষেফ কিয়্যে গঠনান্‌ আর চেঙারাগান্‌ দোল্‌ এলঅ।

পত্থম 4:1

আদমে তা মোক্কো হবা ইধু গেলে হবা পিদিলী অলঅ, আর কয়িন নাঙে তার এক্কো পুয়ো অলঅ। সেক্কে হবা কলঅ, “লগেপ্রভু মরে এক্কো মরদ্‌ পুয়ো দিলো।”

পরমগীত 5:2

মুই ঘুম্ যেইয়োং, মাত্তর্ মঅ মনান্ জাগন্ এলঅ। উই শুন্, মর্ পরাণ্যে দোরানত্ বারি মারিনে কোইয়্যেদে, “মর্ বৌবো, মর্ পরাণি, মর্ কবো, মর্ খাটি সেই মানুচ্চো, মরে দোরান্ হুলি দে। শিরোপানিলোই মঅ মাঢাবো ভিজি যেইয়্যে, রেদো কুয়ো পানিলোই ভিজি যেইয়্যে মঅ চুলান্।”