পত্থম 24:10 - Chakma Bible

¹⁰ ইয়েন পরেদি সে চাগর্‌বো তা গিরোজ উটো ঝাগত্তুন্‌ দোশ্‌ছুয়ো উট নেযেল। পরেদি গিরোজর্ বেক্‌ পযাপিরানিত্তুন্‌ কিজু কিজু নেযেইনে তে অরাম-নহরয়িম দেজ ইন্দি যাহ্ ধুরিলো। সে জাগানর্‌ যে শঅরানত্‌ নাহোরে বজত্তি গুরিদো তে সিদু গেলঅ।

পত্থম 24:10 ပူးပေါင်းရင်းမြစ်များ

পত্থম 11:26

তেরহ সত্তুর বজর বয়জ পরেদি তার পুয়ো অব্রাম, নাহোর আর হারণর জর্ম ওইয়্যে।

পত্থম 11:29

অব্রাম আর নাহোর দ্বিজনে মোক্‌ লোইয়োন্। অব্রাম মোক্কো নাঙান্‌ এলঅ সারী আর নাহোর মোক্কো নাঙান্‌ এলদে মিল্‌কা। মিল্‌কা আর যিষ্কা অলঅ হারণ ঝি।

পত্থম 11:31

অব্রাম, লোট আর সারীরে নেযেইনে তেরহ কনান দেজত্‌ যেবাত্তে কল্‌দীয় দেজ ঊর শঅরত্তুন্‌ যাহ্ ধুরিলাক্‌। অব্রাম অলদে তেরহ পুয়ো, লোটে এলদে তেরহ নাদিন্‌, অত্তাৎ হারণর পুয়ো, আর সারী অলদে তেরহ পূদবো অব্রামর মোক্‌। পোইল্যাদি তারা হারণ নাঙে এক্কান শঅর্‌ সং গেলাক্ আর সিধু বজত্তি গরা ধুরিলাক্ ।

পত্থম 11:32

তেরহ দ্বিশঅ পাচ্ বজর বয়জত্‌ হারণ শঅরত্ মুরি গেলঅ।

পত্থম 22:20

এ ঘটনাগানির্‌ পরেদি অব্রাহামে শুনিলোদে, এ ভিদিরে তা ভেই নাহোর মোক্ মিল্‌কার কয়েক্কো পুয়ো ওইয়োন।

পত্থম 24:2

ঘরর্‌ বেগত্তুন্‌ পূরোণ গাবুর্‌বো উগুরে তার বেক্কানির ভারান্‌ এলঅ তারে তে একদিনে কলঅ, “তঅ আত্‌থান্‌ মঅ দামানাগানিত্‌ তলে রাগা।

পত্থম 24:22

উট্‌তুনোরে পানি হাবানা থুম্‌ গরানার্‌ পরেদি তে প্রায় ছয় গ্রাম গুয়োর্ এক্কো সোনার্‌ নাক্‌ফুল আর দ্বিয়েন আদত্তে একশঅ কুড়ি গ্রাম গুয়োর্‌ দ্বিয়েন সোনার্‌ হারু নিগিলেনে রিবিকারে দিইনে কলঅ,

পত্থম 24:53

সে পরেদি তে সোনা আর রুবোর্‌ অলংকার আর কাবড়-চুগোড় নিগিলেনে রিবিকারে দিলো, আর রিবিকার ভেই আহ্‌ মাবোরেয়ো বোউত্‌ মংগা মংগা পযাপিরা দিলো।

পত্থম 27:43

সেনত্তে বাবা, তুই মঅ কধাগান শুন। তুই হারণ শঅরত্‌ মর্‌ ভেই লাবন ইধু ধেই যাহ্ আর তঅ ভেইবোর্‌ রাগকান্ ন-কমানা সং তাইধু থাক্কোই।

পত্থম 29:1

পরেদি যাকোবে যাদে যাদে পূগেদি দেজ মানুচ্চুনোর জাগাত্‌ যেইনে লুমিলোগোই।

পত্থম 29:2

সিয়েনত্‌ চেরোকিত্তে রিনি চেইনে তে মাদঅ ভিদিরে এক্কো কূয়ো দেগিলো। সে কূয়োবো ইধু তিন্‌নো ভেড়া পালে ঘুম্‌ যাদন্‌। য়েমান্‌ চোড়েয়্যেগুনে সিয়োত্তুন্‌ তারারে পানি হাবেদাক্। কূয়োবো মুয়োনত্‌ অমকদ দাঙর্‌ এক্কো পাত্তর্‌ বোজেয়্যে এলঅ।

১ বংশধর 19:6

অম্মোনীয়গুনে যেক্কে বুঝি পারিলাক্‌, তারা দায়ূদোর ইদু নিজোরে ফেলা যেইয়্যে মান্‌জ্য ধোক্ক্যেন গোজ্যন্‌, সেক্কে হানূনে আর অম্মোনীয়গুনে অরাম-নহরয়িম, অরাম-মাখা আর সোবাত্তুন্‌ রথ আর রথ চালেয়্যেগুনোরে ভাড়া গুরি আনিবাত্তে ঊনচোল্লিশ আজার্ কেজি রূবো পাধেই দিলো।

প্রেরিত্‌ 2:9

পার্থীয়, মাদীয়, এলমীয় মানুচ্‌ আর মেসোপতেমিয়াত্ বজত্তি গুরিয়্যে মানুচ্চুন, যিহূদীয়া আর কাপ্পাদকিয়া, পন্ত আর এশিয়া রেজ্যত্,

দ্বি’লম্বর বিররণ 23:4

মিসর দেজত্তুন্‌ নিগিলি এজানার্‌ পরেন্দি তমার যেবার্‌ পদথ্‌ তারা হানা আর পানি লোইনে তমা ইদু উজেই ন-এজন, মাত্তর্‌ তমারে অভিশাব দিবাত্তে তারা অরাম-নহরয়িম দেজর্‌ পথোর শঅরত্তুন্‌ বিয়োরর পূঅ বিলিয়মরে টেঙা দিইনে লোই এচ্চ্যন।