পত্থম 23:4 - Chakma Bible

⁴ “মুই অন্য দেজত্তুন্‌ এইনে বিদেশী ইজেবে তমা সমারে বজত্তি গরঙর্‌। সেনত্তে দোয়্যে গুরি গোর জাগা গুরিবাত্তে মরে তমা ভিদিরেত্তুন্‌ এক্কেনা জাগা ছাড়ি দুয়ো যেনে সিয়েনত্‌ মুই মর্‌ মোজ্যেদে মোক্কোরে গোর্ দি পারং।”

পত্থম 23:4 ပူးပေါင်းရင်းမြစ်များ

পত্থম 17:8

যে কনান দেজত্‌ তুই ইক্কিনে বিদেশী ওইনে বজত্তি গরর্‌ তার বেক্কানি উমরর্‌ সোম্বোত্তি ইজেবে মুই তরে আর তঅ বংশবোরে দিলুং। মুই তারার বেক্কুনোর্‌ গোজেন ওলুং।”

পত্থম 23:5

ইয়েন জোবত্‌ হিত্তীয়োগুনে কলাক্,

পত্থম 3:19

যে মাদিত্তুন্‌ তরে বানা ওইয়্যে সে মাদিত্‌ ফিরি ন-যানা সং মাঢার ঘাম্‌ টেঙত্‌ ফেলেনে তত্তুন্ হা-পুরিবো। তর এ ধুল্যার কিয়্যেগান্‌ ধুল্যাদই ফিরি যেবঅ।”

পত্থম 47:9

যাকোবে কলঅ, “এ পিত্‌তিমীত্‌ কয়েক্‌দিনোর্‌ মানুচ্‌ ইজেবে মর্‌ একশঅ ত্রিশ বজর্‌ গেলঅ। এ দিনুন্ খুব বেশ্‌ নয়, আর সেদিনুন্ দুঘে দুঘে কাদি যেইয়্যেগোই। মাত্তর্‌ কয়েক্‌দিনোর্‌ মানুচ্ ইজেবে মর্‌ চোদ্দো গুট্টিগুনে যেদকদিন্‌ কাদেই যেইয়োন্‌ মুই সেদকদিন্‌ কাদেই ন-পারিম।”

পত্থম 49:30

ইবে কনান দেজ মম্রি ইধু মক্‌পেলা ভূইয়োত্‌ সেই গাত্তো। গোর জাগা বানেবাত্তে অব্রাহামে ভূই সুমুত্ত এ গাত্তো হিত্তীয় ইফ্রোণত্তুন্‌ কিনি নেযেয়্যে।

পত্থম 50:13

তারা তা কিয়্যেগান্‌ কনান দেজত্‌ নেযেলাক্ আর মম্রি ইধু মক্‌পেলার্‌ ভূইয়ো গাত্তোত্‌ তারে গোর্ দিলাক্। গোর জাগা বানেবাত্তে ভুইয়ান্‌ সমুত্ত এ গাত্তো অব্রাহামে হিত্তীয় ইফ্রোণত্তুন্‌ কিনি নেযেল।

১ বংশধর 29:15

আমি তঅ চোগেন্দি আমা বেক্‌ পূরোণি মানুচ্চুনো ধোক্ক্যেন পরদেজর্‌ আদাম্মে। পিত্‌থিমীত আমা দিনুন্‌ ছাবা ধোক্ক্যেন, আমার্‌ কনঅ আজা নেই।

ইয়োব 30:23

মুই হবর্ পাং তুই মরে মরণ ইন্দি নেযর্, পুরো জেদা মানুচ্চুনোত্তে ঠিগ্ গোজ্যে জাগানত্ নেযর্।

গীতসংহিতা 119:19

মুই দঅ পিত্‌থিমীত বজত্তি গুরিয়্যে এক্কো বিদেশি; তঅ উগুমান মত্তুন্ লুগেই ন-রাগেচ্।

গীতসংহিতা 39:12

“ও লগেপ্রভু, তুই মর্ তবনাগান শুন; এজাল্ পেবাত্তে মর্ এ কানানিগান তুই শুন্; মর্ চোগো পানিগান দেগিনে তুই অলর্ গুরি ন-থেচ্; কিত্যে মর্ পূরোণি বুড়োবুড়িগুনে যেধোক্ক্যেন্ এলাক্ সেধোক্ক্যেন মুইয়ো পিত্‌থিমীত্ তর্ মুজুঙোত্ পরবাস্যে ধোক্ক্যেন্ আগং।

যাত্রা 2:22

সিপ্পোরার এক্কো পুয়ো অনার্‌ পরেদি মোশি তা নাঙান্‌ রাগেল গের্শোম, কিত্তে তে কোইয়্যেদে, “মুই পরদেজর্‌ পর্‌ভাস্যে ওই আগং।”

উপদেশক 12:5

সে অক্তত্ অজল্ জাগানত্ আর পধেদি যাদে তে দোরেব। সেক্কে বাদাম্ গাজত্ ফুল ধুরিবাক্, ফিরিঙুনে লাম্বা টেঙোই আঢিবাক্ আর কামনা-বাসনা আর্ উত্তেজিত ন-অবঅ। সে পরেদি তে যেবগোই তা উমর ঘরত্, আর আবিলেচ্ গুরিয়্যেগুনে পধে পধে ঘুরিবাক্।

উপদেশক 12:7

মাদিগান্ মাদিত্ ফিরি যেবঅ, আর যে আত্মাগান্ গোজেনে দিয়্যে সে আত্মাগান্ তাইদু ফিরি যেবঅ।

উপদেশক 6:3

কনঅ মান্‌জ্যর্ একশ জন ঝি-পুয়ো থেই পারন্ আর তে ভালোক্ দিন বাঁজি থেই পারে, মাত্তর্ তে যুনি জিংকানিত্ সুগ্ ন-পায় আর গমেডালে গোর্ ন-পায় সালে যেদক্ বজর সং তে বাঁজি থেদঅ সাৎ মুই কোম্বে তাত্তুন্ বরং মরা-পুয়ো পুদোনা বোউত্ গম্ এলঅ।

লেবীয় 25:23

উমরত্তে কারঅ‌ ভূই বেজানা ন-চলিবো, কিত্যে বেক্‌ ভূইয়ানি মর্‌ আরঅ মঅ মুজুঙোত্ তুমি সিয়েনত্‌ পরবাস্যে ওইনে বজত্তি গুরিবা।

প্রেরিত্‌ 7:16

তারার কিয়্যেগানি শিখিমোত্ আনিনে গোর্ দিয়্যে অলঅ। এ গোর জাগায়ান অব্রাহামে শিখিম শঅরর্ হমোর পুয়োগুনোত্তুন্ রুবো দিইনে আগেদি কিন্ন্যে।

প্রেরিত্‌ 7:5

নিজোর অধিকারত্যে গোজেনে অব্রাহামরে সিয়েনত্ কিচ্চু ন-দিলো, এক্কান ঠেং রাগাইদ্যে ধোক্ক্যেন ভূইয়ো নয়। মাত্তর্ গোজেনে তাইধু এগেম্ গোজ্যেদে যে, তারে আর সে পরেদি তা গুট্টিগুনোত্ত্যে অধিকার ইজেবে তে সেই দেশ্‌চান দিবো। মাত্তর্ সেক্কে অব্রাহামর কনঅ পুয়ো-ছা ন-এলঅ।

ইব্রীয় 11:9

গোজেনে যে দেশ্‌চান অব্রাহামরে দিবার এগেম্ গোজ্জ্যে তে বিশ্বেজত্যে বিদেশী ইজেবে সিধু বজত্তি গোজ্জ্যে। তা সমারে যিগুনে সেই একই এগেমর্ আশিদ্‌বাদর্ ভাগী এলাক্ সেই ইস্‌হাক আর যাকোব ধোক্ক্যেন গুরি তেয়ো তাম্বুলোত্ বজত্তি গুরিদো;

১ পিতর 2:11

কোচ্‌‌পেইয়্যে সমাজ্জ্যেগুন, এ পিত্‌থিমীত তুমি বিদেশী আর পরদেজত্ কয়েকদিন বজত্তি গুরিয়্যে বিলিনে মুই তমারে বিশেষ গুরিনে কোজোলী গরঙত্তে, তুমি পাপ-খাচ্চ্যদর্ কামনা-বাসনাত্তুন্ দূরোত্ থাগঅ,