পত্থম 21:18 - Chakma Bible

¹⁸ তুই উদিনে পুয়োবোরে তুলিতালাই জুরো গর্‌, কিত্তে মুই তারে দিইনে এক্কো দাঙর্‌ জাদ্ বানেম্‌।”

পত্থম 21:18 ပူးပေါင်းရင်းမြစ်များ

পত্থম 16:10

তে তারে আরঅ কলঅ, “মুই তঅ বংশর্‌ মানুচ্চুনোরে এন্‌ গুরি বাড়েই দিম্‌, তারারে গুণিনে কুল্ ন-পেবে।”

পত্থম 16:7

পদথ্‌ ধূল্যেচর-চাগালা ভিদিরে এক্কান্‌ পানি পয়নালা ইধু লগেপ্রভুর দূত্‌তো হাগাররে দেগিলো। পয়নালাবো অলদে শূর নাঙে এক্কান জাগাত্‌ যেবার পদথ্।

পত্থম 17:20

শুনিচ্‌, মুই তারেয়ো বর্ দিম্‌ আর ভালোক্কুন্‌ পুয়ো দিইনে তা বংশর্‌ মানুচ্চুনোরে বোউত্‌ বাড়েই দিম্‌। তেয়ো বারবো গুট্টি-নেতার্‌ আগ বাপ্‌ অবঅ আর তা ভিদিরেত্তুন্‌ মুই এক্কো দাঙর্‌ জাত্‌ বানেম্‌।

পত্থম 21:13

মাত্তর্‌ সেই চাগরানীবো পুয়োবোরে দিইনেয়ো মুই এক্কো জাদরে তুলিম, কিত্তে তেয়ো দঅ তর্‌ পুয়ো।”

পত্থম 22:11

এ অক্তত্‌ লগেপ্রভুর দূত্তো স্বর্গত্তুন্‌ তারে ডাগিলো, “অব্রাহাম, অব্রাহাম!” অব্রাহামে জোব্ দিলো, “এইয়্যে দঅ মুই।”