পত্থম 19:9 - Chakma Bible

⁹ মাত্তর্‌ তারা কলাক্, “যাহ্, যাহ্, পত্তানত্তুন্‌ সুরি যাহ্!” তারা আরঅ কলাক্, “মানুচ্চো আমা ইধু এচ্চ্যেদে বিদেশী ইজেবে, আর সে পরেত্তুন্‌ ধুরি আমা উগুরে বানা মুরুব্বী গিরি গুরি বেরার্‌। ইক্কিনে আমি তারাত্তুন্‌অ বেশ্‌ তঅ সমারে আরঅ বজং বেবহার্‌ গুরিবোং।” ইয়েন্‌ কোইনে তারা উজেই যেইনে ঘরর্‌ দোরান্‌ ভাঙি ফেলেবাত্তে‌ লোটরে অমকদ ঠিলি দিয়া ধুরিলাক।

পত্থম 19:9 ပူးပေါင်းရင်းမြစ်များ

পত্থম 11:6

তে কোইয়্যেদে,“ইগুনে একই জাদর মানুচ্‌ আর ইগুনোর কধায়ো এক; সেনত্তে এ কামত্‌ তারা আত্‌ দুয়োন। নিজোর ফন্দিগান্‌ আজিল্ গুরিবাত্তে ইয়েন পরেদি তারা আর কনঅ মানা ন-মানিবাক্‌।

পত্থম 13:12

অব্রামে কনান দেজত্‌ আর লোটে সে সংজাগানর্‌ শঅরানির্‌ সংমোধ্যে বজত্তি গরা ধুরিলো। লোটে সদোম শঅর ইধু তাম্বুলান ফেলেল।

যাত্রা 2:14

মানুচ্চো কলঅ, “কন্না তরে আমার্‌ নেতা আর শাজন্ গুরিয়্যে বানেয়্যে? সে মিসরীয়গুনো ধোক্ক্যেন মরেয়ো মারে ফেলেবাত্তে চাজ্‌ না কি?” এ কধাগান্‌ শুনিনে মোশি দোরেল। তে চিদে গুরিলো, হামাক্কায় বেপারান্‌ হবর্‌ পাহ্‌‌পি ওইয়্যে।

গম্ উপদেজ্ 14:16

জ্ঞানি মান্‌জ্যে ভান্ন্যেয়ানরে দোরেইনে সিয়েনত্তুন্ সুরি যান, মাত্তর্ জ্ঞান নেইয়্যে মান্‌জ্যে নিজো উগুরে বেশ্ বিশ্বেজ্ গুরিনে দুঘ্ সাহসী অন।

গম্ উপদেজ্ 17:12

যে কান্ড-জ্ঞান নেইয়্যে মানুচ্ ভুল্ কামত্ পড়ি আঘে তা সমারে দেগা অনাত্তুন্ ছঅ চুর্ ওইয়্যে ভালুগো সমারে দেগা অনা সিত্তুনো গম্।

গম্ উপদেজ্ 27:3

পাত্তরুন্ গুয়োর্ আর কোরোলীগানিয়ো গুয়োর্, মাত্তর্ বাজে মান্‌‌জ্যরে রাগ্ তুলি দিলে তে সেই দ্বিয়েনত্তুন্অ গুয়োর্ অবঅ।

উপদেশক 10:13

তা কধা কনার্ আরাম্ভত্ আগেদে ভুল্, যেরেদি আগেদে পুরোপুরি বিচেরবুদ্ধি নেইয়্যেগান্।

উপদেশক 9:3

বেলান তলেদি যিয়েনি ঘদে সিয়েনি ভিদিরে দুঘোর্ বেপারান্ অলঅ ইয়েন, বেক্কুনোর্ এক্কুই দজা ঘদে। ইয়েনিবাদেয়ো মান্‌জ্যর্ মনানি দুঘে ভরা আর যেদকদিন্ তে বাঁজি থায় সেদকদিন তা মনানত্ বিচের বুদ্ধি ন-থায়, আর সে পরেদি তে মুরি যায়।

যিশাইয় 65:5

তারা কন্, দূরোত্ থাগ; মইদু ন-এইচ্, কিত্তে মুই তত্তুন্ বেশ্ সুদ্ধো-সাংগ। সেই মানুচ্চুনে মঅ নাক্কোর্ ধূমো আর সারা দিন জুলি থেইয়্যে আগুন।

যিরমিয় 3:3

ইয়েনত্তে ঝরানরে থামা ওইয়্যে আর বসন্তকালত্ ঝর্‌অ ন-পড়ে। তো তঅ চোগেদি আঘেদে বেশ্যের বেগেয়্যে রিনি চানা; তর্ কনঅ লাজ্ নেই।

যিরমিয় 6:15

তারা কি তারার সেই জঘন্য কামানিত্তে লাজ্ ন-পান? না, তারার কনঅ লাজ্ নেই; তারা লাজে রাঙা ওই ন-জানন্। সেনত্তে তারা সিগুনো ভিদিরে পড়িবাক্ যিগুনে যিগুনে সাজা পেবাক্। মুই যেক্কে তারারে সাজা দিম সেক্কে তারারে মাঢা লোঙেই দিয়্যে অবঅ। মুই লগেপ্রভু এ কধাগান কঙর্।”

যিরমিয় 8:12

তারা কি তারার সেই জঘন্য কামানিত্তে লাজান্? না, তারার কনঅ লাজ্ নেই; তারা লাজে রাঙা অবাত্তে ন-জানন্। সেনত্তে তারা সিগুনো ভিদিরে পড়িবাক্ যিগুনে সাজা পেবাক্। মুই যেক্কে তারারে সাজা দিম সেক্কে তারারে মাঢা লোঙেই দিয়্যে অবঅ। মুই লগেপ্রভু এ কধাগান কঙর্। ”

যিহিষ্কেল 16:49

তর্ বোন্নো সদোমর পাপ্পানি ইয়েনি-তে আর তা ঝিগুনে এলাক্ বাড়্‌বো, কিত্যে তারার্ বোউত্ হানা এলঅ আর তারা গমেডালে বজত্তি গুরিদাক্, মাত্তর্ তারা নাঢা আর অভাবীগুনোরে সাহায্য ন-গুরিদাক্।

মথি লেখ্যে গম্ হবর্ 7:6

যিয়েন পবিত্র সিয়েন কুগুরোরে ন-দুয়ো। শুগোরো মুজুঙোত্ তমা মুক্তাবো ন-ছিত্য। অয়ত তারা সিগুন তারার্ টেঙত্ তলে ঊরিবাক্ আর ফিরিনে তমারে কট্টা কট্টা গুরি ছিনি ফেলেবাক্।

১ শমূয়েল 17:44

তে দায়ূদরে আরঅ কলঅ, “উজেই আয়; মুই তর্‌ কিয়্যের্‌ য়েরাগান আগাজর্‌ পেক্কুনোরে আর ঝারর্‌ য়েমানুনোরে হেবাত্তে দিম্‌।”

১ শমূয়েল 2:16

সেই মানুচ্চো যুনি কদঅ, “পত্তমে তেলানি পুড়ো পুরিবো, সে পরেন্দি তুই তর্‌ আওজ্‌‌ মজিম য়েরা নেযেচ্‌,” তো তে কদঅ, “না, ইক্কিনেই সিয়েন দিয়্যে পুরিবো; ন-দিলে মুই জোর গুরিনে নেযেম।”

১ শমূয়েল 25:17

ইক্কিনে তুই কি গুরিবে সিয়েন ভাবি চাহ্, কিত্যে আমা গিরোজ্‌ আর তার বেক্‌ মানুচ্চুনোরে অমকদ ক্ষেতি গুরিবার সল্লা গরা অর্‌। মাত্তর্‌ আমা গিরোজ্‌সো এমন্‌ এক্কো রমচক্র মানুচ্‌, তে কারঅ কধা ন-শুনে।”