পত্থম 19:5 - Chakma Bible

⁵ তারা লোটরে ডাগিনে কলাক্, এচ্চ্যে রেদোত্‌ যে দ্বিজন মানুচ্‌ তমা ইধু এচ্চ্যন্‌ তারা কুদু? তারারে নিগিলেনে আমা ইধু আন। আমি সে দ্বিজন মরত্‌ পুয়ো সমারে বেশ্যেমি গুরিবোং।

পত্থম 19:5 ပူးပေါင်းရင်းမြစ်များ

পত্থম 19:6

সেক্কে লোটে দোরান বারেন্দি মানুচ্চুনো মুজুঙোত্‌ গেলঅ আর তা পিজেন্দি দোরান্‌ বানি দিইনে কলঅ,

১ রাজাবলী 14:24

এন্‌ কি, তারার্‌ দেজত্‌ মরদ্‌ মন্দির-বেশ্যেয়ো এলাক্‌। যে জাত্তুনোরে লগেপ্রভু ইস্রায়েলীয়গুনোর্‌ মুজুঙেত্তুন্‌ দূর্‌ গুরি দিয়্যে তারার্‌ বেক্‌ ঈচ্ গরেদে কামানি যিহূদার মানুচ্চুনে গরা ধুরিলাক্‌।

১ রাজাবলী 22:46

তা বাপ্পো আসার রাজাগিরির্‌ পরেন্দিয়ো যিদুক্কুন্‌ মরদ্‌ মন্দির-বেশ্যে বাগি রোইয়োন্‌ তে দেজত্তুন্‌ তারারে দূর্‌ গুরি দিলো।

যিশাইয় 1:9

বেগত্তুন্ খেমতাবলা লগেপ্রভু আমাত্তে যুনি কয়েক জনরে জেদা ন-রাগেদ সালে আমা অবস্থা সদোম আর ঘমোরা শঅর ধোক্ক্যেন্ অদঅ।

যিশাইয় 3:9

তারা মুয়ো চেঙারাগানিয়ে তারা বিরুদ্ধে স্বাক্ষি দে; তারা সদোম ধোক্ক্যেন্ তারার্ পাপ কামানি ফগদাং গরন, ন-ঢাগন্। হায়, সেই মানুচ্চুন! তারা নিজো উগুরে ভস্ত অনাগান্ ডাগি আন্যন্।

যিরমিয় 3:3

ইয়েনত্তে ঝরানরে থামা ওইয়্যে আর বসন্তকালত্ ঝর্‌অ ন-পড়ে। তো তঅ চোগেদি আঘেদে বেশ্যের বেগেয়্যে রিনি চানা; তর্ কনঅ লাজ্ নেই।

যিরমিয় 6:15

তারা কি তারার সেই জঘন্য কামানিত্তে লাজ্ ন-পান? না, তারার কনঅ লাজ্ নেই; তারা লাজে রাঙা ওই ন-জানন্। সেনত্তে তারা সিগুনো ভিদিরে পড়িবাক্ যিগুনে যিগুনে সাজা পেবাক্। মুই যেক্কে তারারে সাজা দিম সেক্কে তারারে মাঢা লোঙেই দিয়্যে অবঅ। মুই লগেপ্রভু এ কধাগান কঙর্।”

যিহিষ্কেল 16:49

তর্ বোন্নো সদোমর পাপ্পানি ইয়েনি-তে আর তা ঝিগুনে এলাক্ বাড়্‌বো, কিত্যে তারার্ বোউত্ হানা এলঅ আর তারা গমেডালে বজত্তি গুরিদাক্, মাত্তর্ তারা নাঢা আর অভাবীগুনোরে সাহায্য ন-গুরিদাক্।

যিহিষ্কেল 16:50

তারা এলাক্ বাড়্‌বো আর মঅ মুজুঙোত্ জঘন্য কাম গুরিদাক্। সেনত্তে তুই যেবাবোত্যে দেখ্যস্ সেবাবোত্যে মুই তারারে দূর্ গুরি দুয়োং।

যিহিষ্কেল 16:51

তুই যেদক্কানি পাপ গোজ্যস্ তার্ অদ্দেক্‌অ শমরিয়া ন-গরে। তুই তারাত্তুন বেশ্ আরঅ জঘন্য জঘন্য কাম গোজ্যস্। তুই ইয়েনি যেদক্কানি কাম গোজ্যস্ সিয়েনি দেগিনে তর্ বোনুনোরে বরং ধার্মিক মনে ওইয়্যে।

লেবীয় 18:22

মিলে সমারে কিয়্যেদি মিজেইদ্যে ধোক্ক্যেন গুরি মরদ সমারে মরদর্‌ কিয়্যেদি মিজেনাগান ন-চলিবো। ইয়েন্‌ এক্কান্‌ জঘন্য কাম।

লেবীয় 20:13

মিলেমান্‌জ্য সমারে কিয়্যেদি মিজেইদে ধোক্ক্যেন গুরি যুনি কনজনে মরদ সমারে মিজেই সালে সিয়েন্‌ দ্বিজনর্‌ পক্ষে এক্কান জঘন্য বেপার। তারারে মারে ফেলা পুরিবো। তারা নিজোর্‌ মরণানত্তে নিজেরাই দায়ী।

১ করিন্হীয় 6:9

যিগুনে অন্যেয় গরন্ সিগুনে যে গোজেন রেজ্যর্ অধিকারী ন-অবাক্, সিয়েন কি তুমি কোই ন-পারঅ? তুমি ভুল্ ন-গোজ্জ্য। যিগুনোর্ খাচ্চ্যত্ ভান্ন্যেই, যিগুনে মূর্ত্তি পুজো গরন্, যিগুনে বেগেয়্যে গরন্, যিগুনে মরদ-বেগেয়্যে, যে মরদ্‌তুনে মরদ্‌অ সমারে বেগেয়্যে গরন্,

দ্বি’লম্বর বিররণ 23:17

কনঅ ইস্রায়েলীয় মিলে যেনে মন্দির-বেশ্যে ন-অয়; কনঅ ইস্রায়েলীয় মরদঅ যেনে মন্দির-বেশ্যে জীংকানি ন-কাদায়।

১ তীমথিয় 1:10

যিগুনে সিনেলী গরন, যিগুনে সমকামী, যিগুনে চাগর বেবসা গরন্, যিগুনে মিজে কধা কন্ আর মিজে সাক্ষি দুয়োন, আর যিগুনে সত্য শিক্ষ্যের বিরুদ্ধে অন্য কনঅ কাম্ গরন।

২ তীমথিয় 3:13

মাত্তর্ পাজি মানুচ্চুনে আর ফক্করুনে দিন দিন আরঅ বজং অবাক্। তারা অন্যগুনোরে ভুল্ পধেদি নেযেবাক্ আর নিজেয়ো ভুল্ পধেদি চলিবাক্।

২ পিতর 2:2

ভালোকজনে তারারে দেগিনে কামানি বেঙেবাক্। তারাত্যে মানুচ্চুনে সত্য পধ্‌থানরে বদনাঙ্ গুরিবাক্।

২ পিতর 2:7

মাত্তর্ লোটরে তে বাজেয়্যে। লোটে গোজেনভক্ত মানুচ্ এলঅ। সিধুগোর্ সুদোম-অমান্যগুরিয়্যে মানুচ্চুনোর জঘন্য চালচলনত্ তে দুঘ্ পেদঅ।

যিহূদা 1:7

সদোম, ঘমোরা আর তারার্ কায়কুরে বেক্‌ শঅরর্ মানুচ্চুনেয়ো ঠিগ তারা ধোক্ক্যেন পর্‌‌‌‌পাগোল্যে, এন্‌ কি, অমকদ পর্‌‌‌‌পাগোল্যে এলাক্। যিগুনে উমরর্ আগুনোত্ পুড়ি যেবার সাজা পেবাক্ ইগুনে সিগুনোর্ চিহ্নো ওই আঘন্।

বিচের গুরিয়্যেগুন 19:22

ইঙিরিনে যেক্কে তারা সুন্‌যুগ্‌ গুরিনে সময় কাদাদন্‌ সেক্কে শঅরর্‌ কয়েক্কো বজং মানুচ্‌ এইনে ঘরান্‌ ঘিরিলাক্‌। তারা দোরানত্‌ লাদি মারদে মারদে ঘরঅ গিরোজ্‌সো সে বুড়ো মানুচ্চোরে কলাক্‌, “যে মানুচ্চো তঅ ঘরত্‌ এচ্চ্যে তারে নিগিলেই দে। আমি তা লগে সিনেলী গুরিবোং।”