পত্থম 19:12 - Chakma Bible

¹² পরেদি সে দ্বিজন মান্‌জে লোটরে পুযোর্‌ গুরিলাক, “এ শঅরত্‌ তর্‌ জামেই, পুঅ, ঝি-বা আর কনঅ কুদুম্মো আগন্‌ নাকি? তারা বেক্কুনোরে লোইনে এ জাগানত্তুন্‌ তুই নিগিলি যাহ্,

পত্থম 19:12 ပူးပေါင်းရင်းမြစ်များ

পত্থম 19:11

সে পরেদি তারা পহ্‌র গুরি ঝিমিলেনি দিলাক্, আর সেক্কে দোরান বারেন্দি ঠিয়েই রোইয়্যে গাবুজ্যে আর বুড়ো মানুচ্চুনে অদাতদ্‌ চোগেদি আর ন-দেগিলাক্‌। সেক্কে সে মানুচ্চুনে দোরান্‌ তগাদে তগাদে অরান্‌ ওই পড়িলাক্।

পত্থম 19:13

কিত্তে এ চাগালাগান্‌ ভস্ত গুরি ফেলেবাত্ত্যে আমি যুক্কোল ওই আগিই। এ চাগালার্‌ মানুচ্চুনো বিরুদ্বে লগেপ্রভু ইধু এদক্‌ বেশ্‌ গুরি রঅ রঅ অর্‌ যে, তে সিয়েন্‌ ভস্ত গুরিবাত্তে আমারে পাদেই দিয়্যে।”

পত্থম 19:14

সেক্কে লোটে বারেন্দি যেইনে যিগুনে তার জামেই অবাক্‌ তারারে কলঅ, “তুমি যাদিমাদি এ জাগাগান্‌ ছাড়ি যগোই কিত্তে লগেপ্রভু এ শঅরান্‌ ভস্ত গুরিবাত্তে যুক্কোল ওই আঘে।” মাত্তর্‌ তারা মনে গুরিলাক তে বিগিদি গরের্‌।

পত্থম 19:17

বেক্কুনোরে নিগিলে আনানার্‌ পরেদি সে দ্বিজনত্তুন্‌ একজনে কলঅ, “বাঁজিবার্‌ চেলে ধেই যঅ। পিজেন্দি ন-চেবা আর এ সংজাগানর্‌ কনঅ জাগাত্‌ ন থামেবা। মুড়ো উগুরে ধেই যঅ; সিয়েন্‌ ন-গুরিলে তমাত্তুনো মরা পুড়িবো।”

পত্থম 19:22

মাত্তর্‌ যাদিমাদি গুরি সিদু ধেই যাহ্। তুই সিদু ন-লুমোনা সং মুই কিচ্ছু গুরি ন-পারঙর্‌।” লোট কধালোই আদামান নাঙান্‌ অলঅ সোয়র (যিয়েনর্ ভেদ্‌‌তান্ “চিগোন্‌”)।

পত্থম 7:1

ইয়েন পরেদি লগেপ্রভু নোহরে আরঅ কলঅ, “তুই আর তঅ পরিবারর্ বেক্কুনে জাহাজত্‌ উদিবা। মুই দেগঙর্, এ মানুচ্চুনো ভিদিরে বানা তুয়ই গম্‌ মানুচ্‌ আগচ্‌।

যিরমিয় 32:39

মুই তারারে এমন মন আর স্বভাব দিম যিগুনে বানা মইন্দি এগামনে এগাচিত্তে থেবাক্; সেক্কে তারা নিজোর আর তারার পরেদি তারার ঝি-পুয়োগুনোর ভালেদিত্তে নিত্য মরে ভোক্তি গুরিনে দোরেবাক্।

যিরমিয় 51:45

ও মর্ মানুচ্চুন্, বাবিল ভিদিরেত্তুন্ নিগিলি এজঅ। তুমি পত্তিজনে নিজো জিংকানিগানি রোক্ষ্যে গরঅ। লগেপ্রভুর জ্বোল্‌‌‌‌‌‌‌‌‌জল্যে রাগত্তুন্ দাবা যেইনে ধেই যঅ।

গণাণা 16:26

মোশি ইস্রায়েলীয়গুনোরে কলঅ, “তুমি এই পাজি মানুচ্চুনোর্‌ তাম্বুলো কায়কুরেত্তুন্ সুরি যঅ। তারার কনঅ জিনিস তুমি ন-ধোজ্য; যুনি সিয়েন্‌ গরঅ সালে তারার্‌ পাবত্তে তমারেয়ো শেজ্ গুরি ফেলা অবঅ।”

২ পিতর 2:7

মাত্তর্ লোটরে তে বাজেয়্যে। লোটে গোজেনভক্ত মানুচ্ এলঅ। সিধুগোর্ সুদোম-অমান্যগুরিয়্যে মানুচ্চুনোর জঘন্য চালচলনত্ তে দুঘ্ পেদঅ।

২ পিতর 2:9

ইয়েনিত্তুন্ দেগা যেদঅ, যিগুনে প্রভুরে ভোক্তি গরন্ তারারে তে দজাত্তুন্ রোক্ষ্যে গুরি জানে। ইগুনবাদে যিগুনে গোজেনভক্ত নয়, বিশেজ্‌গুরি যিগুনে তারার্ পাপ-খাচ্চ্যদর্ ভান্ন্যেই আওজ্ মজিম চলন্ আর শাসনানি তুচ্চো গরন্, তে তারার্ সাজা পেবাত্যে বিচেরর্ দিন্নো সং থোই জানে।

ফগদাং পেইয়্যে 18:4

সিয়েন পরেদি মুই স্বর্গত্তুন্ আর একজনরে কধে শুনিলুং, “মঅ মানুচ্চুন, তুমি বাবিলোত্তুন্ নিগিলি এজঅ যেন তার্ পাপর ভাগীদার তুমি ন-অ, আর যেদক্কানি আঘাত্ তা উগুরে পড়িবো সিয়েনর্ কনগান যেন তমাত্তুন্ ভুগো ন-পড়ে।