পত্থম 18:30 - Chakma Bible

³⁰ অব্রাহামে কলঅ, “মর্‌ প্রভু যেনে মঅ কধালোই বেজার্‌ ন-অয়। আচ্চা, যুদি সিয়েনত্‌ ত্রিশজনরে পাহ্ যায়?” তে কলঅ, “যুদি মুই ত্রিশ জনরেয়ো সিয়েনত্‌ পাং সালে মুই সিয়েন্‌ ভস্ত ন-গুরিম্‌।”

পত্থম 18:30 ပူးပေါင်းရင်းမြစ်များ

পত্থম 18:29

অব্রাহামে তারে আরঅ কলঅ, “ধুরিচ্‌, যুদি সিয়েনত্‌ বানা চোল্লিশ্‌জন্‌ গম্‌ মানুচ্‌ পাহ্ যায়?” তে কলঅ, “সে চোল্লিশ্‌ জনত্তে মুই‌ সিয়েন্‌ ভস্ত ন-গুরিম্‌।”

পত্থম 18:31

অব্রাহামে কলঅ, “মুই যেক্কে সাহস গুরিনে প্রভুর লগে কধা কঙর্‌ সেক্কে আরঅ কঙর্‌, যুদি সিয়েনত্‌ কুড়ি জনরে পাহ্ যায়?” তে কলঅ, “সে কুড়িজনত্তে মুই সিয়েন্‌ ভস্ত ন-গুরিম্‌।”

পত্থম 44:18

সেক্কে যিহূদা যোষেফ ইধু উজেই যেইনে কলঅ, বাবু, তুই ফরৌণ জাগানত্‌ আগচ্‌, সেনত্তে তঅ চাগর্‌বোরে তঅ মুজুঙোত্‌ দু-এক্কান কধা কবাত্তে উগুম দে। তঅ চাগর্‌বো উগুরে তুই রাগ্‌ ন-গুরিচ্‌।

ইয়োব 40:4

“মুই দঅ অযোগ্য, মুই কেধোক্ক্যেন গুরিনে তরে জোব্ দিম? মর্ মুগান্ মুই আঢ্‌তোই চিবি দুয়োং।

গীতসংহিতা 10:17

ও লগেপ্রভু, নম্রগুনোর্ মন আওজর্ কধানি তুই শুন্যচ্; তুই তারারে সাহস দুয়োর্, তারার্ কানানিগানি তুই শুন্যচ্।

গীতসংহিতা 89:7

পবিত্র দূত্‌তুনোর তেম্মাঙত্ বেক্কুনে গোজেনরে দরান্ আহ্ ভোক্তি গরন্; তার চেরোকিত্যে বেক্কুনোত্তুন্ তেয়ই বেশ্ ভোক্তিবলা দর্ জাগায়।

গীতসংহিতা 9:12

কিয়া যিবে লো ঝরানার্ হেনা সুজে তে মারে ফেলেয়্যে মানুচ্চুনোরে ভুলি ন-যায়, দুঘি মানুচ্চুনোর্ কানানিগানি তে এলাফেলা ন-গরে।

যিশাইয় 6:5

সেক্কে মুই কলুং, “হায়, মুই ভস্ত ওই গেলুং, কিত্তে মঅ মুয়োন্ ফিবলা আর মুই এবাবোত্যে মান্‌জ্য ভিদিরে বজত্তি গরং যিগুনোর্ মুয়োনি ফিবলা। মুই নিজো চোগেদি রাজারে, বেগত্তুন্ খেমতাবলা লগেপ্রভুরে দেখ্যং।”

বিচের গুরিয়্যেগুন 6:39

সে পরেন্দি গিদিয়োনে গোজেনরে কলঅ, “মঅ উগুরে তুই রাগ ন-গুরিবে। মুই বানা আর একবার কোজোলি গুরিম্‌। ভেড়াছাগলর কেশ্‌ছানিলোই মরে আর একবার্‌ পোরোক্ষে গুরিবাত্তে দে। এবারত্‌ ভেড়াছাগলর কেশ্‌চানি শুগুনো থোক্‌ আর মাদি উগুরে শিরোপানিগান পোড়োক্‌।”