পত্থম 18:16 - Chakma Bible

¹⁶ ইয়ান পরেদি সে তিনজনে সিয়েনত্তুন্‌ উদিলাক্‌ আর তলে সদোম ইন্দি রিনি চেলাক্‌। অব্রাহামে তারারে উজেই দিবাত্তে তারা সমারে কিজু দূরোত্‌ গেলঅ।

পত্থম 18:16 ပူးပေါင်းရင်းမြစ်များ

পত্থম 18:15

সারা সেক্কে দরে আজিবার্‌ কধাগান্‌ অস্বীগের্‌ গুরিনে কলঅ, “না, মুই দঅ ন আজং।” মাত্তর্‌ লগেপ্রভু কলঅ, “সিয়েন্‌ ঠিগ্ নয়্‌; তুই আজ্‌সোস্ দঅ!”

পত্থম 18:2

এন্‌ সময়োত্‌ তে চোখ তুলিনে রিনি চেলঅ, তা মুজুঙোত্তুন্‌ কিজু দুরোত্‌ তিন্নো মানুচ্ ঠিয়্যেই আগন্‌। তারারে দেগানার লগে লগে তে তাম্বুলো দোরানত্তুন্ দাবা যেইনে মাদিত্‌ মাঢা নিগিরিনে তারারে সালাম গুরিনে কলঅ, “চঅ, যুদি লবাদোস্যে ন-অয়্‌ সালে দোয়্যে গুরিনে তর্‌ এ চাগর্‌বোরে পাশ্‌ কাবিনে আঢি ন-যেবে।

পত্থম 18:22

সেক্কে অন্য দ্বিজনে ঘুরিনে সদোম ইন্দি আঢি যাদন্‌ আর অব্রাহামে লগেপ্রভু মুজুঙোত্ ঠিয়েই রলঅ।

পত্থম 19:1

সেদিন্যে সাজোন্যে অক্তত্‌ সে দ্বিজন স্বর্গদূত্‌ সদোম শঅরত্‌ যেইনে লুমিলাক্। লোটে সেক্কে শঅর গেট্টো কুরে বুয়োই আঘে। তারারে দেগিনে তে উদিনে ঠিয়েল আর মাঢা নিগিরিনে জু জু জানেইনে কলঅ,

প্রেরিত্‌ 15:3

আন্তিয়খিয়া মন্ডলী তারার্ যেবার্ বেবস্থা গুরি দিলাক্। ফৈনিকিয়া আর শমরিয়া রেজ্যর্ ভিদিরেদি যেবার্ অক্তত্ পৌল আর বার্ণবা মানুচ্চুনোরে জানেলাক্, অযিহূদীগুনে কেধোক্ক্যেন গুরি গোজেন ইন্দি ফিজ্জ্যন্। এ হবরান্ শুনিনে বিশ্বেজি ভেইয়ুন বেক্কুনে অমকদ হুজি অলাক্।

প্রেরিত্‌ 20:38

পৌলর্ মুয়োন্ আর্ তারা ন-দেগিবাক্, বিশেষ গুরিনে এ কধাগানত্যে তারা অমকদ মনত্ দুঘ্ পেলাক্। ইয়েনর্ পরেদি তারা তা লগে লগে জাহাজ্‌চান সং গেলাক্।

প্রেরিত্‌ 21:5

মাত্তর্ সেই দিনুন্ বিদি গেলে পরেদি আমি তারারে ফেলেইনে আমা পধ্‌থানদি লদ্ দিলোং। বেক্ শিচ্চ্যগুন আর তারা মোগ্‌কুন আহ্ ঝি-পুয়োগুনে আমা লগে লগে শঅর বারেদি এলাক্। যেরেদি সাগর পারত্ আমি আঢু পাড়িনে তবনা গুরিলোং।

রোমীয় 15:24

সেনত্তে ইক্কিনে স্পেইন দেজত্ যেবার্ পধত্ মুই তমা ইধু যেবাত্তে চাঙর্। মুই আজা গরং, সেই পধেদি যেবার্ অক্তত্ তমা ইধু যেই পারিম্ আর তমা সমারে খানক্‌কন্ হুজীয়ে কাদানার্ পরেদি তুমি মরে স্পেইন দেজত্ যেবার্ বেবস্থা গুরি দিবা।

৩ যোহন 1:6

মন্ডলীর বেক্কুনো মুজুঙোত্ তারা তর্ কোচ্‌পানার কধা কোইয়োন। গোজেনে যেনে হুজি অয় সেবাবোত্যেগুরি তুমি তারার্ যানার্ বেবস্থা গুরি দিলে গম অবঅ।