পত্থম 18:14 - Chakma Bible

¹⁴ লগেপ্রভু ইধু ন-পারে পারা কি কিজু আঘে? এজেত্তে বজর্‌ ঠিগ্ এ সময়োত্‌ মুই আরঅ তমা ইধু ফিরি এইম্‌ আর সেক্কে সারা করত্‌ এক্কো পুয়ো থেবঅ।”

পত্থম 18:14 ပူးပေါင်းရင်းမြစ်များ

পত্থম 17:16

মুই তারে বর্ দিইনে তা ভিদিরেদি তরে এক্কো মরদপুয়ো দিম্‌। মুই তারে আরঅ বর্ দিম্‌ যেনে তে ভালোক্কুন জাদর্‌ আর তারা রাজাগুনোর্‌ আগ মা অয়।”

পত্থম 17:21

মাত্তর্‌ ইস্‌হাকত্তে মুই মর্‌ সুদোমান চালু রাগেম্‌। এজেত্তে বজর্‌ এ সময়োত্‌ তে সারার্‌ করত্‌ এবঅ।”

পত্থম 18:10

সেক্কে তারা ভিদিরেত্তুন একজনে কলঅ, “এজেত্তে বজর্‌ এ সময়োত্‌ মুই হামাক্কায়্‌ তইধু আরঅ এইম্‌। সেক্কে তঅ মোক্কো সারা করত্‌ এক্কো পুয়ো থেবঅ।” সারা অব্রাহাম পিজেন্দি তাম্বুলো দোরানত্তুন্‌ বেক্‌ কধানি শুন্যে।

পত্থম 18:13

সেক্কে লগেপ্রভু অব্রাহামরে কলঅ, “সারা কিত্তে এ কধানি কোই কোই আজিলো, এ বুড়ো বয়জত্‌ হামাক্কায় কি তার পুয়ো অবঅ?

পত্থম 18:15

সারা সেক্কে দরে আজিবার্‌ কধাগান্‌ অস্বীগের্‌ গুরিনে কলঅ, “না, মুই দঅ ন আজং।” মাত্তর্‌ লগেপ্রভু কলঅ, “সিয়েন্‌ ঠিগ্ নয়্‌; তুই আজ্‌সোস্ দঅ!”

পত্থম 21:1

লগেপ্রভু তা কধা মজিম্‌ সারা ইন্দি মনযোগ দিলো আর তে তাত্তে যিয়েনি গুরিবো বিলি এগেম্ গোজ্যে সিয়েনি গুরিলো।

পত্থম 21:2

সেক্কে সারা পিদিলী অলঅ। অব্রাহামর বুড়ো বয়জত্‌ সারা পেদত্‌ তা পুয়োবোর্‌ জর্ম অলঅ। গোজেনে যে অক্তবো কধা কোইয়্যে সে অক্তবোত্‌ তার জর্ম অলঅ।

২ রাজাবলী 4:16

ইলীশায় কলঅ, “এজেত্তে বজর্‌ এ সময়োত্‌ তঅ করত্‌ এক্কো পুয়ো থেবঅ।” মিলেবো কলঅ, “না, ও মর্‌ গিরোজ্‌, ও গোজেন মানুচ্‌, তঅ চাগর্‌বোরে মিজে গুরিনে আজা ন-দিজ্।”

ইয়োব 36:5

গোজেনে খেমতাবলা, মাত্তর্ মান্‌জ্যরে তুচ্ছো ন-গরে; তে খেমতাবলা আর তা উদ্দেশ্যগান মাবর্।

ইয়োব 42:2

“মুই হবর্ পাং তুই বেক্কানি গুরি পারচ্; তর্ কনঅ সল্লা গরানাগান্ বাদ ন-যায়।

গীতসংহিতা 90:13

ও লগেপ্রভু, আর কয়দিন? এবেরা তুই ফিরি চাহ্, তর্ চাগরুনো উগুরে তুই মেয়্যে দেগা।

গীতসংহিতা 93:1

লগেপ্রভু রাজা; তে জোল্‌জোল্যে রাজ্‌পোজাক উজ্যে, তে বল্লোই কমর্‌বো বান্যে; পিত্‌থিমীগান দরমরগুরি থিদেবর্ ওইয়্যে; সিয়েন কনদিন্‌অ ন-লুড়িবো।

গীতসংহিতা 95:3

লগেপ্রভুই দাঙর্ গোজেন; বেক দেব-দেবেদাগুনো উগুরে তেয়ই দাঙর্ রাজা।

যিশাইয় 50:2

মুই এজানার্ পরেদি কনজনে সিয়েনত্ ন-এলঅ কিত্তে? মুই ডাগানার্ পরেদি জোব্ দিবাত্তে কনজন ন-এলঅ কিত্তে? তমারে উদ্ধোর্ গুরিবাত্তে মঅ আঢ্‌‌‌তান কি বেশ্ বাদি? তমারে উদ্ধোর্ গুরিবাত্তে মর্ কি খেমতার্ অভাব ওইয়্যে? বানা ধমক্ দিইনে মুই সাগরান শুগেই ফেলাং আর গাঙানি ধূল্যেচর গুরি দুয়োং; সিদুগোর মাছ্‌‌‌‌চুন পানি অভাবে পুযি যান আর পানি তিরেজে মুরি যান।

যিরমিয় 32:17

‘ও প্রভু লগেপ্রভু, তুই তর্ দাঙর্ বল্লোই আর খেমতাবলা আঢ্‌তোই দেবাবো আর পিত্‌‌‌থিমীগান বানেয়োচ্। তঅ তপ্পে অাগাত্যে বিলিনে কিচ্চু নেই।

যিরমিয় 32:27

মুই লগেপ্রভু, বেক মানুচ্চুনোর গোজেন। কনঅ কিজু গরানা কি মঅ তপ্পে অাগাত্যে?

দানিয়েল 6:20

গাদ ইধু যেইনে তে রঅ গির্‌‌‌‌গিজ্যে গুরি দানিয়েলরে ডাগিনে কলঅ, “ও গোজেনর চাগর্ দানিয়েল, তুই নিত্য যিবের্ সেবা গরচ্ তর্ সেই গোজেনে কি তরে সিংহ মুয়োত্তুন্ রোক্ষ্যে গুরি পাজ্যে?”

মীখা 7:18

তঅ ধোক্ক্যেন গোজেন আর কনজন নেই যিবে তার বাঁজি থেইয়্যে মানুচ্চুনোর পাপ আর অন্যেয়ানি খেমা গুরি দে। তুই জিংকানিবর্ রাগ্‌কান পুষি ন-রাগেচ্ বরং তর্ গভীন কোচ্‌পানা দেগাদে হুজি ওচ্।

সখরিয় 8:6

ইয়েনি যে ঘুদিবো সিয়েনি এ জাদর্ বাঁজি থেইয়্যে মানুচ্চুনো ইধু অসম্ভব বিলি মনে ওই পারে, মাত্তর্ মইদু সিয়েনি অসম্ভব নয়। মুই বেগত্তুন্ খেমতাবলা লগেপ্রভু এ কধাগান কঙর্।

গণাণা 11:23

জোবত্‌ লগেপ্রভু মোশিরে কলঅ, “লগেপ্রভুর খেমতাগান কি এদক্‌ কম? মর্‌ কধাগান্‌ তইদু হামাক্কায়্‌ লাগিবো না-কি সিয়েন্‌ তুই এবারত্‌ দেগিবে।”

মথি লেখ্যে গম্ হবর্ 14:31

যীশু সেক্কে আঢ্ বাড়েইনে তারে ধুরিলো আর কলঅ, “কম্ বিশ্বেজি, কিত্তে সন্দেহ গুরিলে?”

মথি লেখ্যে গম্ হবর্ 19:26

যীশু তারা ইন্দি উজুগুরি রিনি চেইনে কলঅ, “মান্‌জ্যর্ পক্ষে ইয়েন্ অসম্ভব ঠিগ্, মাত্তর্ গোজেনর্ পক্ষে বেক্কানি সম্ভব।”

মথি লেখ্যে গম্ হবর্ 3:9

তুমি অব্রাহাম গুট্টির্ মানুচ্, ইয়েন নিজো মনত্ কোই পারিবার কধাগান চিন্তেয়ো ন-গোজ্য। মুই তমারে কঙর্, গোজেনে এ পাত্তরুনোত্তুন্ অব্রাহামর গুট্টি বানেই পারে।

মার্ক 10:27

যীশু তারা ইন্দি সোজা রিনি চেইনে কলঅ, “মান্‌‌‍জ্যর্ পক্ষে ইয়েন্ অসম্ভব ঠিগ্, মাত্তর্ গোজেনর পক্ষে অসম্ভব নয়; তা পক্ষে বেক্কানি সম্ভব।”

লূকে লেখ্যে গম্ হবর্ 1:13

স্বর্গদূত্তো তারে কলঅ, “সখরিয়, ন-দোরেচ্, কিয়া গোজেনে তঅ তবনাগান্ শুন্ন্যে। তঅ মোক্কো ইলীশাবেতর্ এক্কো পুয়ো অবঅ। তুই তা নাঙান্ রাগেবে যোহন।

লূকে লেখ্যে গম্ হবর্ 1:18

সেক্কে সখরিয় স্বর্গদূত্‌তোরে কলঅ, “কেধোক্ক্যেনগুরি মুই সিয়েন বুঝিম্? মুই দঅ বুড়ো ওই যেইয়োং আর মঅ মোক্কোর্ বয়জ্অ বোউত্ বেশ্ ওই যেইয়্যে।”

লূকে লেখ্যে গম্ হবর্ 1:37

গোজেন ইধু অসম্ভব বিলি কনঅ কিজু নেই।”

লূকে লেখ্যে গম্ হবর্ 8:50

এ কধাগান্ শুনিনে যীশু যায়ীররে কলঅ, “ন-দোরেচ্; বানা বিশ্বেজ্ গর্, সিয়েন্দোই তে বাঁজিবো।”

রোমীয় 4:21

অব্রাহামে পুরোপুরি এ বিশ্বেজ্‌চান গুরিদো যে, গোজেনে যিয়েন এগেম্ গোজ্জ্যে সিয়েন গুরিবার্ খেমতায়ো তার্ আঘে।

ইফিষীয় 3:20

আমা মনত্ গোজেনর্ যে খেমতাগান কাম্ গরের্ সেই খেমতা অনুসারে তে আমার চানা আর চিন্তেত্তুন্‌অ বোউত্ বেশ্ গুরি পারে।

দ্বি’লম্বর বিররণ 30:3

সেক্কে লগেপ্রভু বোন্দীদজাত্তুন উদ্ধোর্ গুরিনে তমারে ফিরেই আনিবো। তে তমা উগুরে দোয়্যে গুরিবো আর যিদুক্কুন জাদ ভিদিরে তমারে ছিদি দিবো তারা ভিদিরেত্তুন তে আরঅ তমারে তোগেই আনিবো।

দ্বি’লম্বর বিররণ 7:21

তুমি তারারে ন-দোরেয়ো, কিত্যে তমা গোজেন লগেপ্রভু যিবে তমা ভিদিরে আঘে, তে দাঙর্‌ আর ভোক্তিলোই ভোজ্যে দর্‌ জাগেয়্যে গোজেন।

ফিলিপীয় 3:21

তে আমার বল্‌পোজ্জ্যেলোই ভরা কিয়্যেগান বুদুলিনে তার্ মহিমালোই ভরা কিয়্যে ধোক্ক্যেন গুরিবো। যে খেমতাগান্দোই তে বেক্কানি নিজো অধিনে আনে সেই খেমতাগান্দোই তে এই কামান্ গুরিবো।

ফিলিপীয় 4:13

যে মরে বল্ দান গরে তার্ মাধ্যমে মুই বেক্কানি গুরি পারং।

ইব্রীয় 11:19

অব্রাহামে তারে উৎসর্ব গুরিবাত্যে রাজী অলঅ, কিয়া তে বিশ্বেজ্ গুরিদো গোজেনে মরা মান্‌‍জ্যরে জেদা গুরি পারে। আর কধে কি, অব্রাহামে দঅ মরণ দুয়োরত্তুন্ ইস্‌হাকরে ফিরি পেইয়্যে।

বিচের গুরিয়্যেগুন 13:3

লগেপ্রভুর দূত্তো তা মোক্কোরে দেগা দিইনে কলঅ, “তুই ভাঝ্‌ বিলিনে তর্‌ কনঅ ঝি-পূঅ ন-অন্‌, মাত্তর্‌ তুই পিদিলী অবে আর তর্‌ এক্কো পূঅ অবঅ।

১ শমূয়েল 14:6

যোনাথনে তার বন্দুক বোইয়্যে গাবুজ্যেবোরে কলদে, “আদঅ, আমি উই পারত্‌ সেই চুনুগুলোবো তনা ন-গোজ্যে মানুচ্চুনোর তাম্বুলোত্‌ যেই। অয়ত লগেপ্রভু আমাত্তে কিজু গুরিবো, কিত্যে তে তার নিজোর মনে মন্‌‌জক্কাগুরি কম মানুচ্চোই ওক্‌ বা বেশ্‌ মানুচ্চোই ওক্‌ জিদি যেই পারে।”