পত্থম 18:10 - Chakma Bible

¹⁰ সেক্কে তারা ভিদিরেত্তুন একজনে কলঅ, “এজেত্তে বজর্‌ এ সময়োত্‌ মুই হামাক্কায়্‌ তইধু আরঅ এইম্‌। সেক্কে তঅ মোক্কো সারা করত্‌ এক্কো পুয়ো থেবঅ।” সারা অব্রাহাম পিজেন্দি তাম্বুলো দোরানত্তুন্‌ বেক্‌ কধানি শুন্যে।

পত্থম 18:10 ပူးပေါင်းရင်းမြစ်များ

পত্থম 16:10

তে তারে আরঅ কলঅ, “মুই তঅ বংশর্‌ মানুচ্চুনোরে এন্‌ গুরি বাড়েই দিম্‌, তারারে গুণিনে কুল্ ন-পেবে।”

পত্থম 17:16

মুই তারে বর্ দিইনে তা ভিদিরেদি তরে এক্কো মরদপুয়ো দিম্‌। মুই তারে আরঅ বর্ দিম্‌ যেনে তে ভালোক্কুন জাদর্‌ আর তারা রাজাগুনোর্‌ আগ মা অয়।”

পত্থম 17:19

সেক্কে গোজেনে কলঅ, “তঅ মোক্কো সারার হামাক্কায় পুয়ো অবঅ, আর তুই তা নাঙান্‌ রাগেবে ইস্‌হাক (যিয়েনর্‌ ভেদ্‌‌তান ‘আজানা’)। তার্‌ আর তা বংশর্‌ মানুচ্চোত্তে মুই মর্‌ উমরর্ সুদোমান চালু রাগেম্‌। মাত্তর্‌ ইশ্মায়েল পৌইদ্যেনে তুই যিয়েনি কোইয়োচ্‌ সিয়েনি মুই শুনিলুং।

পত্থম 17:21

মাত্তর্‌ ইস্‌হাকত্তে মুই মর্‌ সুদোমান চালু রাগেম্‌। এজেত্তে বজর্‌ এ সময়োত্‌ তে সারার্‌ করত্‌ এবঅ।”

পত্থম 18:9

তারা অব্রাহামরে পুযোর্‌ গুরিলাক্‌, “তঅ মোক্কো সারা কুদু?” তে কলঅ, “তাম্বুলো ভিদিরে আঘে।”

পত্থম 21:1

লগেপ্রভু তা কধা মজিম্‌ সারা ইন্দি মনযোগ দিলো আর তে তাত্তে যিয়েনি গুরিবো বিলি এগেম্ গোজ্যে সিয়েনি গুরিলো।

পত্থম 21:2

সেক্কে সারা পিদিলী অলঅ। অব্রাহামর বুড়ো বয়জত্‌ সারা পেদত্‌ তা পুয়োবোর্‌ জর্ম অলঅ। গোজেনে যে অক্তবো কধা কোইয়্যে সে অক্তবোত্‌ তার জর্ম অলঅ।

লূকে লেখ্যে গম্ হবর্ 1:13

স্বর্গদূত্তো তারে কলঅ, “সখরিয়, ন-দোরেচ্, কিয়া গোজেনে তঅ তবনাগান্ শুন্ন্যে। তঅ মোক্কো ইলীশাবেতর্ এক্কো পুয়ো অবঅ। তুই তা নাঙান্ রাগেবে যোহন।

গালাতীয় 4:23

স্বাভাবিক্ ভাবে সে চাগরাণিবোর্ পুয়োবো জোর্মেয়্যে, মাত্তর্ যে স্বাধীন এলঅ তার্ পুয়োবো গোজেনর্ এগেমান্দোই জোর্মেয়্যে।

গালাতীয় 4:28

ভেইলগ্, তুমি ইস্‌হাক ধোক্ক্যেন গোজেনর্ এগেম্বোই জোর্মেয়ো।