পত্থম 17:8 - Chakma Bible

⁸ যে কনান দেজত্‌ তুই ইক্কিনে বিদেশী ওইনে বজত্তি গরর্‌ তার বেক্কানি উমরর্‌ সোম্বোত্তি ইজেবে মুই তরে আর তঅ বংশবোরে দিলুং। মুই তারার বেক্কুনোর্‌ গোজেন ওলুং।”

পত্থম 17:8 ပူးပေါင်းရင်းမြစ်များ

পত্থম 12:7

পরেদি লগেপ্রভু অব্রামরে দেগা দিইনে কলঅ,“এ দেজ্‌চান্‌ মুই তঅ বংশবোরে দিম্‌।” যিবে তারে দেগা দিয়্যে সে লগেপ্রভুর্ নাঙে অব্রামে সেক্কে সিয়েনত্‌ এক্কো ডালিপূজো বানেল।

পত্থম 13:15

যেদক্কানি জাগা তুই দেগিবে সিয়েনি মুই তরে আর তঅ বংশবোরে উমরত্তে দিম্‌।

পত্থম 13:17

গোদা দেজ্‌ছান তুই একপল্লা ঘুরি আয়, কিত্তে এ দেজ্‌ছান মুই তরে দিম্‌।”

পত্থম 23:4

“মুই অন্য দেজত্তুন্‌ এইনে বিদেশী ইজেবে তমা সমারে বজত্তি গরঙর্‌। সেনত্তে দোয়্যে গুরি গোর জাগা গুরিবাত্তে মরে তমা ভিদিরেত্তুন্‌ এক্কেনা জাগা ছাড়ি দুয়ো যেনে সিয়েনত্‌ মুই মর্‌ মোজ্যেদে মোক্কোরে গোর্ দি পারং।”

পত্থম 26:24

সে রেদোত্‌ লগেপ্রভু তারে দেগা দিইনে কলঅ, “মুই তঅ বাপ্পো অব্রাহাম গোজেন। কিচ্ছু ন-দোরেবে, কিত্তে মুই তঅ সমারে আগং। মঅ চাগর্‌ অব্রাহামত্তে মুই তরে বর্ দিম্‌ আর তঅ বংশবো বাড়েই দিম্‌।”

পত্থম 28:4

যে বরান্ তে অব্রাহামরে গোজ্যে সে বরান্ তে তরে আর তঅ পরেদি তঅ বংশর্‌ মানুচ্চুনোরে গোরোক্‌। যে দেজচান গোজেনে অব্রাহামরে দিলো, যিয়েনত্‌ তুই ইক্কিনে বিদেশী ইজেবে আগচ্‌, সে দেজ্‌চান্‌ যেনে তইদু এজে।”

পত্থম 35:27

যেরেদি যাকোবে কিরিয়ৎ-অর্বর, অত্তাৎ হিব্রোণ ইধু মম্রি শহরত্‌ তা বাপ্পো ইস্‌হাক ইধু এলঅ। এ চাগালাত্ অব্রাহাম আর ইস্‌হাকে বজত্তি গুরিদাক্‌।

পত্থম 36:7

এষৌ আর যাকোবর য়েমান ধন এদক্‌ বেজ্ এলদে যে, তারার্ পক্ষে এক সমারে বজত্তি গরানা সম্ভব ন-অলঅ; তারা যিয়েনত্‌ এলাক সিয়েনত্‌ তারা দ্বিজনর্ য়েমান ঝাগকুন চোরেবাত্তে যগাজ্যে জাগা ন-এলঅ।

পত্থম 37:1

যাকোবে কনান দেজত্ বজত্তি গরা ধুরিলো। তা বাবেয়ো সিধু বজত্তি গুরিদো।

পত্থম 48:4

তে মরে কোইয়্যেদে, মুই তরে ভালোক্কুন্‌ পুয়োর্‌ বাব্‌ অবার্‌ খেমতা দিলুং আর তঅ বংশর্‌ মানুচ্চুনোরে বাড়েই দিম। মুই তঅ ভিদিরেত্তুন্‌ ভালোক্কুন্‌ গুট্টির্‌ জাদ্ বানেম, আর তঅ পরেদি এ দেজ্‌ছান্‌ মুই উমরর্‌ সোম্বোত্তি ইজেবে তঅ বংশর্‌ মানুচ্চুনোরে দিম।

২ শমূয়েল 23:5

গোজেন ইদু কি মর্‌ বংশবো সেধোক্ক্যেন নয়? মত্তে তে দঅ এক্কান্‌ উমরত্যে সুদোম্ গোজ্যে। সে সুদোমানর্‌ বেক্‌ কধানি দোলেডালে সাজেয়্যে আর গমে রাগা ওইয়্যে। মঅ উদ্ধোরান্ তে গমেডালে গুরিবো, মঅ অাওজ্‌চান তে পুরেই দিবো।

১ বংশধর 16:18

তে কোইয়্যেদে, “মুই তরে কনান্‌ দেজ্‌ছান্‌ দিম্‌, সিয়েনই অবঅ তর্‌ পাওনা সোম্বোত্তি।”

গীতসংহিতা 103:17

মাত্তর্ যিগুনে লগেপ্রভুর ভক্ত, যিগুনে তার সুদোমানি মানি চলন্ আর তার সুদোম মজিম চলেদে ইন্দি খিয়েল রাগান্, তারা উগুরে তার অমকদ কোচ্‌পানা আর তার বিশ্বেজছান্ উমরত্যে থেবঅ, বংশর পর বংশ ধুরি থেবঅ।

গীতসংহিতা 105:11

তে কোইয়্যেদে, “মুই তরে কনান দেজ্‌ছান দিম, সিয়েনই অবঅ তর্ পাওনা সোম্বোত্তি।”

গীতসংহিতা 105:9

সেই সুদোমান্ তে অব্রাহামত্তে থিদেবর্ গোজ্যে আর ইস্‌হাক ইদু শমক্ হেইয়্যে।

যাত্রা 13:11

লগেপ্রভু তমারে আর তমার্‌ পুরোণি মানেইয়ুনো ইধু শমক্‌ হেইনে যে এগেম্ গোজ্যে সেই এগেম্ মজিম তে যেক্কে কনানীয়গুনোর্‌ দেজত্‌ তমারে নেযেইনে অধিকার্‌ ইজেবে সিয়েন তমারে দিবো,

যাত্রা 21:6

সেক্কে তা গিরোজ্‌সো তারে গোজেন ইদু আঝি‌ল্ গুরিবো। সে পরেন্দি দোর্‌ বা দোরানর্‌ ফ্রেমান ইদু তারে নেযেইনে ড্রিল্ মেশিন্দোই তার্‌ কানান্‌ ফুদো গুরি দিবো। সেক্কে তে সারা জীংকানিবর্‌ তার্‌ গিরোজসোর্‌ চাগর্‌ ওই থেবঅ‌।

যাত্রা 29:45

মুই ইস্রায়েলীয়গুনোর্‌ গোজেন ওইনে তারা ইদু বজত্তি গুরিম।

যাত্রা 32:13

তঅ চাগর্‌ অব্রাহাম, ইস্‌হাক আর ইস্রায়েলর কধা মনত্‌ তুল্। তুই নিজোর্‌ নাঙে শমক্‌ খেইনে তারারে কোইয়োচ্‌, তারার্‌ বংশধরুনোরে আগাজ তারা ধোক্ক্যেন গুণি ন-পুড়েইয়্যে গুরি তুলিবে আর তর্‌ শমক্‌ খেইয়্যে দেজ্‌চান পুরো বেক্কানই উমরর্ অধিকার ইজেবে তারার্‌ বংশধরুনোরে দিবে।

যাত্রা 40:15

সে পরেদি তারার বাব্‌‌পো ধোক্ক্যেন গুরি তারারেয়ো অভিষেগ গুরিবে যেনে তারা ধর্মগুরু ওইনে মরে সেবা গুরি পারন। এই অভিষেক্কান্দোই‌ যে ধর্মগুরু-পদর সৃট্টি অবঅ‌ সিয়েন বংশর পর বংশ ধুরিনে থেবঅ।

যাত্রা 6:4

মুই তারাত্যে মর্‌ সুদোমান থিদেবর্ গোজ্যং। সে সুদোমত্‌ মুই কোয়োংগে, তারা বিদেশী ইজেবে যিয়েনত্‌ বজত্তি গুরিদাক্‌ সে কনান্‌ দেজ্‌চান্‌ মুই তারারে দিম।

যাত্রা 6:7

সে পরেদি মর্‌ নিজোর্‌ মানুচ্ ইজেবে মুই তমারে মানি লোম আর তমার্‌ গোজেন ওম্‌। সেক্কে তুমি জানি পারিবাদে, মুয়ই লগেপ্রভু তমার্‌ গোজেন, আর মিসরীয়গুনোর্‌ অমকদ চাগর্ কাদানাত্তুন্ মুয়ই তমারে নিগিলেই আন্যং।

যিরমিয় 25:5

তারা লগেপ্রভুর এ কধাগান কোইয়োন, তুমি পত্তিজনে ইক্কিনে তমা ভান্ন্যেই পধত্তুন আর ভান্ন্যেই কামানিত্তুন্ ফিরো, সেক্কে যে দেজ্‌চান মুই তমার্ ‌আর তমা পুরোণিমানুচ্চোরে দুয়োং সেই দেজত্ তুমি জিংকানিবর্ থেই পারিবে।

যিরমিয় 31:1

লগেপ্রভু কোইয়্যেদে, “সে অক্তত্ মুই ইস্রায়েলর বেক গুট্টিগুনোর গোজেন ওম্, আর তারা মর্ মানুচ্ অবাক্।”

যিহিষ্কেল 11:20

সেক্কে তারা মঅ সুদোম মজিম্ চলিবাক্ আর মর্ রীদি-সুদোমানি যত্তন্ গুরি পালেবাক্। তারা মঅ মানুচ্ অবাক্ আর মুই তারার্ গোজেন ওম।

যিহিষ্কেল 33:24

ও মান্‌‌‌‌‌‌‌‌‌জ্যর পুয়োবো, ইস্রায়েল দেজর্ ভস্ত ওইয়্যে জাগানত্ যিগুনে বজত্তি গত্তন্ তারা কদন্, অব্রাহামে বানা এক্কো মানুচ্ ওইনেয়ো দেজর্ অধিকার পেইয়্যে। মাত্তর্ আমি দঅ ভালোকজন; সেনত্তে দেজ্‌‌‌‌‌‌‌‌‌‌চান ঘেচ্চেকগুরি আমা অধিকারত্তে দিয়্যে ওইয়্যে।

লেবীয় 14:34

যে কনান দেজ্‌চান্‌ সোম্বোত্তি ইজেবে মুই তমারে দিবাত্তে যাঙর্‌ সে দেজত্‌ তুমি চোমেবার্‌ পরেদি সে জাগানর্‌ কনঅ ঘরত্‌ মুই যুনি ছিদি পোজ্যে ক্ষয়-গোজ্যে ফারাঙি সাজুরিবার্‌ বেবস্থা গরঙ্‌,

লেবীয় 16:34

ইবে অবঅ তমাত্তে এক্কান্‌ থিদেবর্ গোজ্যে সুদোম। বজরত্‌ একবার্‌ গুরি ইস্রায়েলীয়গুনোর্‌ বেক্‌ পাপ্পানিত্তে এ পাপ ঢাগি দিবার্‌ অনুষ্ঠানান্‌ গরা পুরিবো। মোশিরে দিয়্যে লগেপ্রভুর উগুম মজিম বেক্কানি গরা ওইয়্যে।

লেবীয় 26:12

মুই তমা সমারে আদাউদো গুরিম আর তমার্‌ গোজেন ওম্‌ আরঅ তুমি মর্‌ নিজোর্‌ মানুচ্‌ অবা।

সখরিয় 8:8

যিরূশালেমত্ বজত্তি গুরিবাত্তে মুই তারারে ফিরেই আনিম। তারা মঅ মানুচ্ অবাক্ আর মুই তারার্ গোজেন ওম্; মুই তারা উগুরে বিশ্বেজি আর ন্যায়বান থেইম্।

গণাণা 10:29

ইয়েনর পরেদি মোশি তাঁর শুয়োর্‌বো মিদিয়োনীয় রূয়েলর পূঅ হোববকররে কলদে, “লগেপ্রভু যে দেজ্‌চান্‌ আমারে দিবো বিলি শমক্‌ গোজ্যে আমি সেই দেজ্‌চানন্দি যাহ্ ধুরির্। তুমি আমা লগে এজঅ। আমি তমার ভালেদি চেই, কিত্যে লগেপ্রভু ইস্রায়েলীয়গুনোরে বোউত্‌ ভালেদি গুরিবো বিলি শমক্‌ গোজ্যে।” (গর্বা মাদানা)

গণাণা 25:13

তে তার্‌ গোজেনর্ পাওনা ভোক্তিগান পৌইদ্যেনে আওজী ওইনে ইস্রায়েলীয়গুনোর পাপ্পানি নাঢি দিবার্‌ কামান গোজ্যে বিলি মুই তাত্তে এধোক্ক্যেন সুদোম থিদেবর্ গোজ্যং যেনে ধর্মগুরুবোর্ পদ্‌তান্‌ তার্‌ আর তার্‌ বংশধরুনো ভিদিরে উমরত্যে ধুরি থায়।”

গণাণা 27:12

ইয়েনর্ পরেদি লগেপ্রভু মোশিরে কলঅ, “তুই অবারীম মুড়োমুরির্‌ সংমধ্যে এই মুড়োবোত্‌ উদিনে যে দেজ্‌চান্‌ মুই ইস্রায়েলীয়গুনোরে দুয়োং সিয়েন্‌ চেই লঅ।

প্রেরিত্‌ 7:5

নিজোর অধিকারত্যে গোজেনে অব্রাহামরে সিয়েনত্ কিচ্চু ন-দিলো, এক্কান ঠেং রাগাইদ্যে ধোক্ক্যেন ভূইয়ো নয়। মাত্তর্ গোজেনে তাইধু এগেম্ গোজ্যেদে যে, তারে আর সে পরেদি তা গুট্টিগুনোত্ত্যে অধিকার ইজেবে তে সেই দেশ্‌চান দিবো। মাত্তর্ সেক্কে অব্রাহামর কনঅ পুয়ো-ছা ন-এলঅ।

দ্বি’লম্বর বিররণ 14:2

তুমি তমার গোজেন লগেপ্রভুর নাঙে এক্কো ফারক্‌ গোজ্যে জাদ। পিত্‌থিমীর বেক্‌ জাদ্‌তুনো ভিদিরেত্তুন্‌ লগেপ্রভু তমারে বেঈ লোইয়্যে যেনে তুমি তার নিজোর বিশেজ্ সোম্বোত্তি অ।

দ্বি’লম্বর বিররণ 26:18

আর লগেপ্রভুয়ো এচ্চ্যে ফগদাং গোজ্যেদে, তার এগেম্ মজিম তুমি তারই মানুচ্‌ আর তার্‌ নিজোর সোম্বোত্তি ওইয়ো। তার বেক্‌ উগুমানি তমাত্তুন মানি চলা পড়িবো।

দ্বি’লম্বর বিররণ 29:13

লগেপ্রভু এচ্চ্যে সিয়েন থিদেবর্ গোজ্যে যেনে তমার পুরোণি মানুচ্‌ অব্রাহাম, ইস্‌হাক আর যাকোবর্‌ ইদু গোজ্যে শমক্‌ আর তমা ইদু গোজ্যে এগেম্ মজিম তে তমার গোজেন ওই পারে আর এচ্চ্যে দিনোত্‌ যদবদে গুরিনে তমারে তার নিজোর মানুচ্‌ বিলিনে নেযেই পারে।

দ্বি’লম্বর বিররণ 32:49

“তুই যিরীহোর উগুদোন্দি মোয়াব দেজর অবারীম মুড়োমুড়ি ভিদিরে নবো মুড়োবোত্‌ উঠ্যই আর সোম্বোত্তি ইজেবে যে কনান দেজ্‌চান মুই ইস্রায়েলীয়গুনোরে দুয়োঙর্ সিয়েন একবার চেই নেযা।

দ্বি’লম্বর বিররণ 32:8

দাঙর্‌ গোজেনে যেক্কে নানান্‌ জাদরে সোম্বোত্তি ভাগ গুরি দিলো, আর মানুচ্চুনোরে নানান্‌ জাদত্‌ ভাগ গুরিলো, সেক্কে ইস্রায়েল জাদর মান্‌জ্যর্‌ সোংখ্যে মনত্‌ রাগেইনে তে অন্য জাদ্‌তুনোর্ দুযি ঠিগ্ গুরি দিলো।

দ্বি’লম্বর বিররণ 34:4

সে পরেন্দি লগেপ্রভু তারে কলঅ, “ইয়েনই সেই দেজ্‌চান যিয়েন অব্রাহাম, ইসহাক আর যাকোব ইদু শমক্ গুরি কোইয়োং, ‘দেজ্‌চান মুই তর বংশধরুনোরে দিম্‌।’ দেজ্‌চান মুই তরে নিজোর চোগেদি চেবার সুযোগ দিলুং, মাত্তর গাঙ্‌ পার ওইনে তর্‌ সিয়েনত্‌ যেই ন-পারিবো।”

দ্বি’লম্বর বিররণ 4:37

তে তমার পুরোণি মানুচ্চুনোরে কোচ্‌পেদঅ আর তারার্‌ পরেন্দি তারার্‌ বংশধরুনোরে বেঈ লোইয়্যে। সেনত্তে তে নিজে আঝিল্ ওইনে তার্‌ দাঙর্‌ বলান্দোই মিসর দেজত্তুন্‌ তমারে নিগিলেই আন্যে।

দ্বি’লম্বর বিররণ 9:5

ধার্মিক বা গম্‌ বিলিনেই যে তুমি তারার্‌ দেজ্‌ছান্‌ গজক্ গুরিবাত্তে যর্‌ সিয়েন্‌ নয়, বরং তমার্‌ গোজেন লগেপ্রভু তমা পুরোণি মানুচ্‌ অব্রাহাম, ইসহাক আর যাকোব ইদু যে কধাগান্‌ এগেম্ গুরিনে কোইয়্যে সিয়েনি ছিড়েবাত্তে তে এ বেক্‌ জাদর্‌ ভান্ন্যেয়ানির্‌ কারনে তমা মুজুঙোত্তুন্‌ তারারে ধাবেই দিবো।

ইব্রীয় 9:15

গোজেনে যিগুনোরে ডাগিনে উমরত্যে অধিকার দিবার্ এগেম্ গোজ্জ্যে তারা যেন সিয়েন পান্ সেনত্যে খ্রীষ্ট এক্কান নূয়ো বেবস্থাগানর্ উগিল্ ওইয়্যে। এই অধিকারান পানা মান্‌জ্যত্যে সম্ভব ওইয়্যে, কিয়া পত্তম বেবস্থা অদেঅদে থেবার সময়োত্ মান্‌জ্যে যেদক্কানি পাপ গোজ্জ্যন সেই বেক্ পাপর্ আঢত্তুন্ মান্‌জ্যরে উদ্ধোর্ গুরিবার দাম ইজেবে খ্রীষ্ট পরাণান্ দিয়্যে।

যিহোশূয় 1:2

মঅ চাগর্‌ মোশি মুরি যেইয়্যে। সেনত্তে ইক্কিনে তুই আর বেক্‌ ইস্রায়েলীয়গুনে যর্দন গাঙান্‌ পার ওই যেবাত্তে যুক্কোল্‌ অ আর যে দেজ্‌চান মুই ইস্রায়েলীয়গুনোরে দিবাত্তে যাঙর্‌ সিয়েনত্‌ যঅ‌।

ফগদাং পেইয়্যে 21:7

যে জিদিবো তে ইয়েনি বেক্কানির অধিকারী অবঅ। মুই তার্ গোজেন ওম্ আর তে মর্ পুয়ো অবঅ।