পত্থম 17:5 - Chakma Bible

⁵ তরে অব্রাম (যিয়েনর্‌ ভেদ্‌‌তান ‘দাঙর্‌ বাপ্‌’) বিলিনে আর ডাগা ন-অবঅ, মাত্তর্‌ ইক্কেত্তুন্‌ ধুরি তঅ নাঙান্‌ অবঅ অব্রাহাম (যিয়েনর ভেদ্‌‌তান ‘বোউত্‌ মান্‌জোর্‌ বাপ্‌’); কিত্তে মুই তরে ভালোক্কুন জাদর্‌ আগ বাপ্‌ বানেই রাগেয়োং।

পত্থম 17:5 ပူးပေါင်းရင်းမြစ်များ

পত্থম 17:15

গোজেনে অব্রাহামরে আরঅ কলঅ, “তঅ মোক্কো সারীরে আর্ সারী বিলিনে ন-ডাগিবে। তা নাঙান্‌ অবদে সারা।

পত্থম 32:28

মানুচ্চো কলঅ, “তুই গোজেন আর মান্‌জ্য লগে যুদ্ধো গুরিনে জিত্যস্ বিলিনে তঅ নাঙান আর্ যাকোব ন-থেবঅ, তঅ নাঙান অবঅ ইস্রায়েল (যিয়েনর্ ভেদ্‌তান্ ‘যিবে গোজেন লগে যুদ্ধো গরে’)।”

পত্থম 32:29

যাকোবে তারে কলঅ, “কোজোলী গরং, তুই কঅ তঅ নাঙান্‌ কি?” তে কলঅ, “তুই মঅ নাঙান্‌ কিত্তে পুযোর্‌ গরর্‌?” এ কধাগান কোইনে তে যাকোবরে বর্ দিলো।

নহিমিয় 9:7

তুয়ই লগেপ্রভু গোজেন। তুই অব্রামরে বেঈ লোইনে কল্‌দীয়গুনোর দেজ্‌ছান্‌ ঊরত্তুন্‌ নিগিলেনেই লোই এচ্ছ্যস্‌ আর তা নাঙান্‌ রাগেয়োচ্ছে অব্রাহাম।

যিশাইয় 65:15

মর্ বেঈ লোইয়্যে মানুচ্চুনে কাররে নিন্দে গুরিবাত্তে তমা নাঙানি বেবহার গুরিবাক্। প্রভু লগেপ্রভু তমারে মারে ফেলেব, মাত্তর্ তা চাগরুনোরে তে আর এক্কান নাঙ্ দিবো।

যিরমিয় 20:3

তার কেল্যে পশ্‌হূরে সেই বান্যেগানত্তুন্ যিরমিয়রে খুলি আনিলো। সেক্কে যিরমিয় তারে কলঅ, “লগেপ্রভুর দিয়্যে তঅ নাঙান পশ্‌হূর নয় বরং মাগোর-মিষাবীব (যিয়েনর্ ভেদ্‌তান্ ‘চেরোকিত্তে অমকদ দর্’),

যিরমিয় 23:6

তা সময়োত্ যিহূদা রোক্ষ্যে পেবঅ আর ইস্রায়েলে গমেডালে বজত্তি গুরি পারিবো। তারে লগেপ্রভু আমার উদ্ধোর্ গুরিয়্যে বিলিনে ডাকা অবঅ।

গণাণা 13:16

মোশি এই মানুচ্চুনোরে কনান দেজর্‌ খোঁজ-খবর লোই আনিবাত্তে পাদেয়্যে। তে নূনোর পূঅ হোশেয়র নাঙান দিয়্যেদে যিহোশূয়ো।

যোহন 1:42

আন্দ্রিয় শিমোনরে যীশু ইধু আনিলো। যীশু শিমোন ইন্দি রিনি চেইনে কলঅ, “তুই যোহন পুয়ো শিমোন, মাত্তর্ তরে কৈফা বিলি ডাগা অবঅ।” এ নাঙানর্ অত্ত পিতর, অত্তাৎ পাত্তর্।

রোমীয় 4:17

পবিত্র বোইবোত্ যেবাবোত্যে লেগা আঘে, “মুই তরে ভালোক্ জাদর্ পূরোণিবাপ বানেয়োং,” সেই মজিম্ গোজেন চোগেদি অব্রাহামে আমার্ বেক্কুনোর্ বাপ্। যিবে মরা মান্‌জ্যরে জিংকানি দে আর যিয়েন নেই সিয়েন আঘে বিলিনে ফগদাং গরে সেই গোজেনরে অব্রাহামে বিশ্বেজ্ গোজ্জ্যে।

ফগদাং পেইয়্যে 2:17

যিবের্ শুনিবার কান্ আঘে তে শুনোক্, পবিত্র আত্মাগানে মন্ডলীগুনোরে কি কর্। যে জিদিবো তারে মুই লুগেইয়্যে মান্নাগানত্তুন্ কিজু মান্না আর এক্কো ধূব্ পাত্তর্ দিম। সেই পাত্তর্‌‌বো উগুরে এমন এক্কান নুয়ো নাঙ্ লেগা থেবঅ যিয়েন কেঅ কোই ন-পারন; বানা যে সিয়েনি পেবঅ তেয়ই সিয়েন কোই পারিবো।