পত্থম 17:23 - Chakma Bible

²³ গোজেন কধা মজিম্‌ অব্রাহামে সেদিন্যে ইশ্মায়েল চুনুগুলোবোর্ মাদাগান তনা গুরি দিলো। সে লগে তে তার্‌ কিন্যে বা ঘরত্‌ জোর্মেয়ে বেক্‌ চাগরুনোরে, অত্তাৎ তা ঘরর্‌ পত্তি মরদরে চুনুগুলোগুন তনা গুরি দিলো।

পত্থম 17:23 ပူးပေါင်းရင်းမြစ်များ

পত্থম 14:14

অব্রামে যেক্কে শুনিলো, তা কুদুম্মোবোরে সে রাজাগুনে ধুরি নেযেয়োন সেক্কে তে যুদ্ধোর শিক্ষ্যে পেইয়্যে তার তিনশ আদার জন চাগররে যুদ্ধোত্‌ লামেল আর দান শঅর্‌ সং শত্রুগুনোরে লোড়েই নেযেলাক্। এ চাগরুনে তা ঘরত্ জর্মেয়োন।

পত্থম 17:9

গোজেনে অব্রাহামরে আরঅ কলঅ, “এ সুদোমত্‌ তর্‌ যিয়েনি গুরিবার্‌ আঘে সিয়েনি অলঅ: তুই আর তর্‌ বেক্‌ পুয়োগুনে বংশর পর বংশ ধুরিনে এ সুদোমান মানি চলিবাক্‌।

পত্থম 18:19

মুই লগেপ্রভু এ আশালোই তারে বেঈ নেযেয়োং যেনে তে তার পুয়ো আর ঘরর্‌ অন্য বেক্কুনোরে গম্‌ আহ্ দোল্ কাম্‌ গুরিনে মর্‌ আওজ্ মজিম মানি চুলিবার্‌ উবদেজ্ দে। যুদি তারা অব্রাহাম কধা শুনিনে সেধোক্ক্যেন গুরি চলন্‌, সালে মুই লগেপ্রভু অব্রাহাম পৌইদ্যেনে যিয়েনি কোইয়োং সিয়েনি বেক্কানি গুরিম্‌।”

পত্থম 34:24

সেক্কে শঅর মরদ্‌ পুয়োগুনে বেক্কুনে হমোর আর তা পুয়ো শিখিমো কধালোই রাজি অলাক, আর তারা বেক্কুনে চুনুগুলো গুনোর্ মাদাগুন কাবিলাক্।

গীতসংহিতা 119:60

তুই যে উগুমানি দুয়োচ্ সিয়েনি মুই যাদিমাদি পালন গোজ্যং, দেরি ন-গরং।

গম্ উপদেজ্ 27:1

এজেত্তে কেল্যে পৌইদ্যেনে বাড়্‌বো ন-গোজ্য, কিত্তে কন্ দিন কি অবঅ সিয়েন তুই হবর্ ন-পাজ্।

উপদেশক 9:10

তঅ আঢত্ যে কনঅ কাম্ এদঅ সাৎ সিয়েনি তর্ বেক্ খেমতালোই গুরিবে, কিত্তে তুই যে জাগানত্ যর্ সে গোর জাগানত্ কনঅ কাম্, সল্লা গরানা, বুদ্ধি বা জ্ঞান বিলিনে কিচ্চু নেই।

প্রেরিত্‌ 16:3

পৌল তীমথিয়রে সমারে নিবাত্তে চেইয়্যে বিলি তারে সুন্নত গোরেল, কিয়া সেই জাগানিত্ যে যিহূদীগুনে থেদাক্ তারা কোই পারিদাক্ তীমথিয় বাপ্পো এক্কো গ্রীক।

গালাতীয় 5:6

কিয়া যিগুনে খ্রীষ্ট যীশুর্, তারা ইধু চুনু মাঢা কাবানা বা ন-কাবানার্ কনঅ দাম নেই, বরং যে বিশ্বেজ্‌চান কোচ্‌পানার মাধ্যমে কাম গরে সেই বিশ্বেজ্‌চানই আজল জিনিচ্‌।

গালাতীয় 6:15

চুনু মাঢা কাবানা বা ন-কাবানার্ কনঅ দাম নেই, খ্রীষ্টর্ মাধ্যমে নুয়ো সৃট্টি ওইনে উদোনা অলঅ দাঙর্ কধা।