পত্থম 17:19 - Chakma Bible

¹⁹ সেক্কে গোজেনে কলঅ, “তঅ মোক্কো সারার হামাক্কায় পুয়ো অবঅ, আর তুই তা নাঙান্‌ রাগেবে ইস্‌হাক (যিয়েনর্‌ ভেদ্‌‌তান ‘আজানা’)। তার্‌ আর তা বংশর্‌ মানুচ্চোত্তে মুই মর্‌ উমরর্ সুদোমান চালু রাগেম্‌। মাত্তর্‌ ইশ্মায়েল পৌইদ্যেনে তুই যিয়েনি কোইয়োচ্‌ সিয়েনি মুই শুনিলুং।

পত্থম 17:19 ပူးပေါင်းရင်းမြစ်များ

পত্থম 16:11

তে তারে আরঅ কলঅ, “চাহ্‌, তুই পিদিলী ওইয়োচ্‌। তর্‌ এক্কো পুয়ো অবঅ। আর সে পুয়োবোর নাঙান্‌ তুই ইশ্মায়েল (যিয়েনর্‌ ভেদ্‌তান্ ‘গোজেনে শুনে’) রাগেবে, কিত্তে তর্‌ দুঘোর্‌ কানানিগান লগেপ্রভু কান্‌ পাত্যে।

পত্থম 17:16

মুই তারে বর্ দিইনে তা ভিদিরেদি তরে এক্কো মরদপুয়ো দিম্‌। মুই তারে আরঅ বর্ দিম্‌ যেনে তে ভালোক্কুন জাদর্‌ আর তারা রাজাগুনোর্‌ আগ মা অয়।”

পত্থম 17:18

পরে অব্রাহাম গোজেনরে কলঅ, “আহ্‌, ইশ্মায়েলে যেনে তর্‌ দোয়েলোই বাঁজি থায়!”

পত্থম 17:21

মাত্তর্‌ ইস্‌হাকত্তে মুই মর্‌ সুদোমান চালু রাগেম্‌। এজেত্তে বজর্‌ এ সময়োত্‌ তে সারার্‌ করত্‌ এবঅ।”

পত্থম 17:7

এ সুদোমান বানা তর্‌ আর মঅ ভিদিরে চুলিবো সিয়েন নয়; সিয়েন্‌ চুলিবো তর্‌ পুয়ো-ছাগুনোর আর মঅ ভিদিরে বংশর পর্‌ বংশ ধুরি। ইবে অবঅ এক্কো উমরর্‌ সুদোম। এ সুদোমত্‌ মুই তর্‌ আর তঅ পরেদি তঅ বংশর্‌ মানুচ্চুনোরঅ গোজেন ওলুং।

পত্থম 21:6

সারা কলঅ, “গোজেনে মর্‌ মুয়োনত্‌ আজি ফুদেই দিলো, আর সে কধাগান শুনিনে অন্যগুনো মুয়োদ্‌অ আজি ফুদিবো।”

পত্থম 26:2

সেক্কে লগেপ্রভু ইস্‌হাকরে দেগা দিইনে কলঅ, “তুই মিসরত্ ন-যেচ্‌। মুই তরে যে দেজচান কধা কোম্‌ সে দেজত্ থেচ্‌।

পত্থম 26:3

ইক্কিনে এ দেজত্‌ তুই কয়েক দিনোত্তে বজত্তি গুরিবে। মুই নিজে তঅ সমারে থেইনে তরে বর্ দিম। এ দেজ্‌ছানি মুই তরে আর তঅ বংশর্‌ মানুচ্চুনোরে দিম্‌। ইয়েন বাদে মুই তঅ বাব্‌ অব্রাহাম ইধু যে শমত্তান্‌ গোজ্যং সিয়েনঅ অদে অদে রাগেম্‌।

পত্থম 9:16

মেঘঅ ভিদিরে যেক্কে সে রান্‌জোনিগান্ দেগা দিবো সেক্কে মুই সিয়ান্‌ দেগিনে পিত্‌থিমীর বেক্‌ পরান্‌‌‌‌‌বলাগুনোত্তে মর্‌ এ উমরর্ সুদোমর কধানি মনত্‌ রাগেম্‌ ।”

ইব্রীয় 11:11

যুনিয়ো সারার পুয়ো অবার্ বয়জ্‌চান পার্ ওই যেইয়্যে তো বিশ্বেজর্ কারনে তে অব্রাহামর্ পুয়োবো পেদত্ ধুরিবার খেমতা পেয়্যে, কিয়া তে বিশ্বেজ্ গোজ্জ্যেদে, যিবে এগেম্ গোজ্জ্যে তে বিশ্বেজ্‌বলা।