পত্থম 16:4 - Chakma Bible

⁴ অব্রামে হাগার ইধু গেলে পরেদি তে পিদিলী অলঅ। যেক্কে হাগারে বুঝি পারিলো, তে পিদিলী ওইয়্যে সেক্কে তে তা গিরোজ মোক্কোরে ইংসে-নিন্দে গরা ধুরিলো।

পত্থম 16:4 ပူးပေါင်းရင်းမြစ်များ

পত্থম 16:3

সেনত্তে কনান দেজত্‌ অব্রামর দশ বজর কাদানার্‌ পরেদি সারী তার মিসরীয় চাগরানী হাগার লগে অব্রামরে জড়া বানি দিলো।

পত্থম 16:5

সেক্কে সারী অব্রামরে কলঅ, “মঅ উগুরে তার এ কামানিত্তে আজলে তুয়ই দায়ী। মর্‌ এ চাগরানীবোরে মুই তঅ বিচ্ছোনত্‌ তুলি দুয়োং, মাত্তর্‌ ইক্কিনে পিদিলী ওইয়্যে হবর্‌ পেইনে তে মরে ইংসে গরা আরাম্ভ গুরিলো। সালে তর্‌ আর মঅ ভিদিরে কন্না দুষী সিয়েন্‌ ইক্কিনে লগেপ্রভু বিচের গোরোক্‌।”

পত্থম 19:31

পরেদি একদিন্যে দাঙর্‌ ঝিবো চিগোন্‌ ঝিবোরে কলঅ, “বাবাদঅ বুড়ো ওই যার্‌। এ চাগালাত্‌ এধোক্ক্যেন কনঅ মরদ্‌ নেই যিবে এইনে সংসার সুদোম মজিম্‌ আমারে মোক্‌ ইজেবে লোই পারন্‌।

পত্থম 21:9

সারা দেগিলোদে, মিশরীয় হাগার পেদত্‌ অব্রাহামর যে গুরোবো জর্মেয়্যে তে ইস্‌হাকরে নিইনে তামাজা গরের্‌।

পত্থম 30:4

ইয়েন্‌ কোইনে রাহেলে তা চাগরানী বিল্‌হার লগে যাকোবর্‌ মেলা গুরি দিলো, আর যাকোবেয়ো তাইধু গেলঅ।

২ শমূয়েল 6:16

লগেপ্রভুর সুন্দুক্কো যেক্কে দায়ূদ-শঅরত্‌ এইনে লুমিলো সেক্কে শৌলর ঝি মীখলে জানালান্দি সিবে চেইয়্যে। লগেপ্রভুর মুজুঙোত্‌ রাজা দায়ূদোরে ফাল্যেদে আর নাজদে দেগিনে তে মনে মনে তারে ইস্ গুরিলো।

গম্ উপদেজ্ 30:23

ঈচ্ গরা হেইয়্যে মিলে যেক্কেনে তে মোগোর্ অধিকার পায়, আর চাগরানিবো যেক্কেনে তে গিরোজ জাগায়ান পায়।

১ করিন্হীয় 4:6

ভেইলগ্, তমা উপকারত্যে মুই মর্ নিজোর আর আপল্লোর্ উদাহরণ দিইনে এ বেক্‌ কধানি কলুং, যেন তুমি আমাত্তুন্ শিগি পার যে, পবিত্র বোইবোত্ যিয়েন লেগা আঘে সিয়েনর্ বারেদি যানা উচিত্ নয়। সালে তুমি একজনরে ফেলেইনে আর একজনরে নিইনে বাড়্ ন-গুরিবা।