পত্থম 16:13 - Chakma Bible

¹³ এ কধাগান শুনিনে হাগারে মনে মনে কলঅ, “মুই কি সালে তারে হামাক্কায় দেগিলুং যিবের্‌ চোগো মুজুঙোত্‌ মুই আগং?” লগেপ্রভু, যে হাগার লগে কধা কোইয়্যে, তারে আওজ্ গুরিনে হাগারে সেক্কে কলঅ, “তুই গোজেন, যিবের্‌ চোগো মুজুঙোত্‌ মুই আগং।”

পত্থম 16:13 ပူးပေါင်းရင်းမြစ်များ

পত্থম 16:7

পদথ্‌ ধূল্যেচর-চাগালা ভিদিরে এক্কান্‌ পানি পয়নালা ইধু লগেপ্রভুর দূত্‌তো হাগাররে দেগিলো। পয়নালাবো অলদে শূর নাঙে এক্কান জাগাত্‌ যেবার পদথ্।

পত্থম 22:14

তে সে জাগায়ান নাঙান্‌ দিলো যিহোবা-যিরি (যিয়েনর ভেদ্‌তান্ “লগেপ্রভু যুগেই দে”)। সেনত্তে ইক্কিনিয়ো মান্‌জে কন্‌, “লগেপ্রভুর্‌ মুড়োবোত্‌ লগেপ্রভুই যুগেই দে।”

পত্থম 28:17

এ কধাগান্‌ ভাবিনে তা মনত্‌ দর্‌ এলঅ। তে কলঅ, “ কি দর্‌গরেপারা এ জাগায়ান! ইয়েন্‌ গোজেনর থেবার জাগা ছাড়া আর কিচ্ছু নয়; স্বর্গর্‌ দুঅরান ইয়োদোই।”

পত্থম 31:42

মর্‌ বাবর্‌ গোজেন, যিবে অব্রাহামর গোজেন আর ইস্‌হাকর্‌ ভক্তির গোজেন, তে যুদি মর্‌ লগে ন-থেদঅ সালে হামাক্কায়্‌ তুই‌ ইক্কিনে মরে সুদো আদে বিদেয়্‌ গুরিদে। গোজেনে মর্‌ দুঘ্ আর দুঘোত্ কাম্‌গরানাগানি দেক্ক্যে। সেনত্তে তে গেল্যে রেদোত্‌ ইয়েনর্‌ দোল-বিচের্‌ গোজ্যে।”

পত্থম 32:30

সেক্কে যাকোবে সে জাগান নাঙান রাগেল পনূয়েল (যিয়েনর্ ভেদ্‌তান্ “গোজেন মু”)। তে কলঅ, “মুই গোজেনরে মুজুঙো-মুজুঙি দেগিনেয়ো বাঁজি আগং।”

পত্থম 32:31

যাকোবে যেক্কে পনূয়েলত্তুন্‌ যাহ্ ধুরিলো সেক্কে বেলান উদি যেইয়্যে। তা উলুহুল্লো অবস্থাগান্‌দোই তে লেঙা ধোজ্যে।

যাত্রা 24:11

ইস্রায়েলীয়গুনোর্‌ এই বেক্‌ মাই-মুরুব্বীগুনে যুনিয়ো গোজেনরে দেগিলাক্‌ তো তে তারারে মারে ন-ফেলেল। তারা তারে দেগিলাক্ আর হানা-দানা গুরিলাক্।

গম্ উপদেজ্ 15:3

লগেপ্রভুর চোগ্‌কুন বেক্কানিত্ আঘে; সিয়েনি গম্-ভান্ন্যেই মানুচ্চুনো উগুরে খিয়েল্ আঘে।

গম্ উপদেজ্ 5:21

মানুচ্চুনোর্ আঢাউদো উগুরে লগেপ্রভু চোগ্ রাগেয়্যে; তারার বেক্ পথ্‌তানি তে পোরোক্ষ্যে গুরি দে।

বিচের গুরিয়্যেগুন 6:24

সেক্কে গিদিয়োনে সিয়েনত্‌ লগেপ্রভু নাঙে এক্কো ডালিপূজো বানেইনে সিবের্‌ নাঙান্‌ দিলো যিহোবা-শালোম (যিয়েনর্ ভেদ্‌তান্ “লগেপ্রভুই শান্তি”)। ডালিপূজোবো এজঅ সং অবীয়েষ্রীয়গুনোর অফ্রাতদ্‌ আঘে।