পত্থম 16:10 - Chakma Bible

¹⁰ তে তারে আরঅ কলঅ, “মুই তঅ বংশর্‌ মানুচ্চুনোরে এন্‌ গুরি বাড়েই দিম্‌, তারারে গুণিনে কুল্ ন-পেবে।”

পত্থম 16:10 ပူးပေါင်းရင်းမြစ်များ

পত্থম 13:16

মুই তঅ বংশর মানুচ্চুনোরে পিত্‌থিমীর ধূল্যেচর-ধোক্ক্যেন গুণি ন-পুরেইয়্যে গুরিম। পিত্‌থিমীর ধূল্যেচরুন যুদি কনজনে গুণিনে শেজ্ গুরি পারন্‌ সালে তঅ বংশবোর মানুচ্চুনোরেয়ো গুণো যেবঅ।

পত্থম 16:9

সেক্কে লগেপ্রভুর দূত্‌তো কলঅ, “তঅ গিরোজর্‌ মোক্কো ইধু ফিরি যেইনে আরঅ তা তলেদি থানাগান মানি লগোই।”

পত্থম 17:20

শুনিচ্‌, মুই তারেয়ো বর্ দিম্‌ আর ভালোক্কুন্‌ পুয়ো দিইনে তা বংশর্‌ মানুচ্চুনোরে বোউত্‌ বাড়েই দিম্‌। তেয়ো বারবো গুট্টি-নেতার্‌ আগ বাপ্‌ অবঅ আর তা ভিদিরেত্তুন্‌ মুই এক্কো দাঙর্‌ জাত্‌ বানেম্‌।

পত্থম 21:13

মাত্তর্‌ সেই চাগরানীবো পুয়োবোরে দিইনেয়ো মুই এক্কো জাদরে তুলিম, কিত্তে তেয়ো দঅ তর্‌ পুয়ো।”

পত্থম 21:16

সে পরেদি এক্কো শেল্‌ মারিলে যিদ্দুরোত্‌ যায় আন্দাজ গুরি তে সিদ্দুর্‌ দুরোত্‌ যেইনে রলঅ। “পুয়োবো মরণান যেনে মত্তুন্‌ দেগা ন-পড়ে,” মনে মনে এ কধাগান কোই কোই সিয়েনত্‌ বোইনে তে গুজুরি গুজুরি কানা ধুরিলো।

পত্থম 21:18

তুই উদিনে পুয়োবোরে তুলিতালাই জুরো গর্‌, কিত্তে মুই তারে দিইনে এক্কো দাঙর্‌ জাদ্ বানেম্‌।”

যিশাইয় 63:9

তারার বেক্ দুঘ্‌‌খানিত্ তেয়ো দুঘ্ পেলঅ আর তার্ হবর্ কোইয়্যেবো তারারে উদ্ধোর্ গুরিলো। তার কোচ্‌পানা আর দোয়্যেই তে তারারে উদ্ধোর্ গুরিলো; আগ কালত্ বেক্ দিনুনোত্ তে তারারে তুলিনে বুয়োই নিলো।‌‍‍‍‌‍‍‍

মালাখি 3:1

বেগত্তুন খেমতাবলা লগেপ্রভু কত্তে, “চঅ, মুই মর্ হবর্ কোইয়্যেবোরে পাদাঙর্; তে মঅ আগেদি যেইনে পধ্‌তান যুক্কোল্ গুরিবো। সে পরেদি যে প্রভুত্তে তুমি বাজ্জেই আগঅ তে অদাদৎ তা ঘরত্ এবঅ; সুদোম কামত্ সেই দূত্‌তো, যিবেরে তুমি চর্, তে এজের্।”

যোহন 1:18

গোজেনরে কেঅ কনদিন্অ ন-দেগন্। তা লগে থেইয়্যে সেই বানা এক্কো গুরি পুয়ো, যিবে নিজেই গোজেন, তেয়ই তারে ফগদাং গোজ্যে।

১ তীমথিয় 6:16

বানা গোজেনে মরণর্ অধীন নয়। তে এমন্‌ পহ্‌রত বজত্তি গরে যিয়েনত্ কনঅ মানুচ্‌ যেই ন-পারে। কনঅ মানুচ্‌ কনদিন্‌‌অ তারে নয়ো দেগন, নয়ো দেগিবাক্। সর্মান আর খেমতা উমরত্যে তার্। আমেন।

বিচের গুরিয়্যেগুন 6:11

একদিন্যে লগেপ্রভুর দূত্তো এইনে অফ্রা আদামর এলোন গাজছোর্‌ তলে বুযিলো। এই জাগায়ান অলঅ অবিয়েষ্রীয় বংশর যোয়াশর গজগত্। সিয়েনত্‌ তার পূঅ গিদিয়োনে মিদিয়নীয়গুনোত্তুন্‌ গম লুগেই থবাত্তে আংগুর মারিবার জাগানত্‌ সিগুন্‌ ঝাড়ের্‌।

বিচের গুরিয়্যেগুন 6:16

জোবত্‌ লগেপ্রভু কলঅ, “মুই তঅ লগে থেম্‌, আহ্‌ সেক্কে তুই বেক্‌ মিদিয়নীয়গুনোরে এক্কো মান্‌জ্য ধোক্ক্যেন্ গুরিনে ওদেই দিবে।”