পত্থম 15:7 - Chakma Bible

⁷ লগেপ্রভু অব্রামরে কলঅ, “মুই লগেপ্রভু। এ দেজচানর্‌ গিরোজ অবাত্তে মুয়ই তরে কল্‌দীয়গুনোর ঊর শঅরত্তুন্‌ নিগিলেই আন্যং।”

পত্থম 15:7 ပူးပေါင်းရင်းမြစ်များ

পত্থম 12:1

পরেদি লগেপ্রভু অব্রামরে কলঅ, তুই তর্‌ নিজো দেজচান, তঅ কুদুম্মোগুন্‌ আর তঅ বাবর্ ঘর-দুয়োর্‌ ছাড়িনে মুই যে দেজ্‌চান দেগেই দিম্‌ সে দেজচানত্‌ যাহ্।

পত্থম 12:7

পরেদি লগেপ্রভু অব্রামরে দেগা দিইনে কলঅ,“এ দেজ্‌চান্‌ মুই তঅ বংশবোরে দিম্‌।” যিবে তারে দেগা দিয়্যে সে লগেপ্রভুর্ নাঙে অব্রামে সেক্কে সিয়েনত্‌ এক্কো ডালিপূজো বানেল।

পত্থম 28:4

যে বরান্ তে অব্রাহামরে গোজ্যে সে বরান্ তে তরে আর তঅ পরেদি তঅ বংশর্‌ মানুচ্চুনোরে গোরোক্‌। যে দেজচান গোজেনে অব্রাহামরে দিলো, যিয়েনত্‌ তুই ইক্কিনে বিদেশী ইজেবে আগচ্‌, সে দেজ্‌চান্‌ যেনে তইদু এজে।”

পত্থম 50:24

পরেদি এক সময়ত্‌ যোষেফে তা ভেইয়ুনোরে কলঅ, “মর্‌ মুরিবার্‌ অক্ত ওই এচ্চ্যে, মাত্তর্‌ ইয়েন্‌ ঘেচ্চেকগুরি, গোজেনে তমারে দেগাশুনো গুরিবো। তে অব্রাহাম, ইসহাক আর যাকোবরে যে দেজ্‌সান্‌ দিবো বিলি শমক্‌ গোজ্যে সে দেজ্‌সানত্‌ তে তমারে ইয়োত্তুন্‌ নেযেব।”

গীতসংহিতা 105:11

তে কোইয়্যেদে, “মুই তরে কনান দেজ্‌ছান দিম, সিয়েনই অবঅ তর্ পাওনা সোম্বোত্তি।”

গীতসংহিতা 105:42

তা চাগর অব্রাহাম ইদু তে যে পবিত্র এগেমান্ গোজ্যে সিয়েন তে ইদোত্ তুলিলো।

গীতসংহিতা 105:44

তে অন্য জাদ্‌তুনোর দেজ্‌ছানি ইস্রায়েলীয়গুনোরে দিলো আর সে জাদ্‌তুনোর কামর্ ফল তা মানুচ্চুনোরে নিবাত্তে দিলো,

যাত্রা 32:13

তঅ চাগর্‌ অব্রাহাম, ইস্‌হাক আর ইস্রায়েলর কধা মনত্‌ তুল্। তুই নিজোর্‌ নাঙে শমক্‌ খেইনে তারারে কোইয়োচ্‌, তারার্‌ বংশধরুনোরে আগাজ তারা ধোক্ক্যেন গুণি ন-পুড়েইয়্যে গুরি তুলিবে আর তর্‌ শমক্‌ খেইয়্যে দেজ্‌চান পুরো বেক্কানই উমরর্ অধিকার ইজেবে তারার্‌ বংশধরুনোরে দিবে।

গণাণা 33:53

পরেদি তুমি সেই দেজ্‌চান্‌ গজক্ গুরি নেযেইনে সিয়েনত্‌ বজত্তি গুরিবা কিত্যে গজক্ গুরিবাত্তে দেজ্‌চান মুই তমারে দুয়োং।

রোমীয় 4:13

অব্রাহাম আর তা গুট্টিগুনো ইধু গোজেনে এগেম্ গোজ্জ্যেদে, এ পিত্‌থিমীগান্ অব্রাহামর্ অবঅ। রীদি-সুদোম পালানার্ কারনে এ এগেমান্ তা ইধু গরা ন-অয়, মাত্তর্ তার বিশ্বেজর্ মাধ্যমে তারে নিদ্দুজি বিলি মানি লুয়ো ওইয়্যে আর সেনত্তে সেই এগেমান্ গরা ওইয়্যে।

দ্বি’লম্বর বিররণ 3:18

সে পরেন্দি মুই তারারে কলুং, তমার গোজেন লগেপ্রভু এ জাগায়ান তমারে গজক্ গুরিবাত্তে দিয়্যে। মাত্তর্‌ তমা ভিদিরে যিগুনোর্‌ কিয়্যেত্‌ গং আঘে সেই বেক্‌ মানুচ্চুনোরে যুদ্ধোত্তে যুক্কোল্‌ ওইনে ইস্রায়েলীয় ভেইয়ুনোর্‌ আগে আগে গাঙান্‌ পার্‌ ওইনে যাহ্ পুরিবো।

দ্বি’লম্বর বিররণ 9:5

ধার্মিক বা গম্‌ বিলিনেই যে তুমি তারার্‌ দেজ্‌ছান্‌ গজক্ গুরিবাত্তে যর্‌ সিয়েন্‌ নয়, বরং তমার্‌ গোজেন লগেপ্রভু তমা পুরোণি মানুচ্‌ অব্রাহাম, ইসহাক আর যাকোব ইদু যে কধাগান্‌ এগেম্ গুরিনে কোইয়্যে সিয়েনি ছিড়েবাত্তে তে এ বেক্‌ জাদর্‌ ভান্ন্যেয়ানির্‌ কারনে তমা মুজুঙোত্তুন্‌ তারারে ধাবেই দিবো।