পত্থম 15:5 - Chakma Bible

⁵ পরেদি লগেপ্রভু অব্রামরে বারেদি নেযেইনে কলঅ,“আগাজন্দি চাহ্‌ আর যুদি পারচ্‌ সে তারাগুন্‌ গুণিনে শেজ্ গর্‌। তঅ বংশর্‌ মানুচ্চুনে সে তারাগুনো ধোক্ক্যেন গুনি ন পুরেইয়্যে অবাক্।”

পত্থম 15:5 ပူးပေါင်းရင်းမြစ်များ

পত্থম 12:2

তরে দিইনে মুই এক্কো দাঙর্‌ জাদ্ বানেই দিম্‌। মুই তরে বর্‌ দিম্‌ আর এবাবোত্তে গুরিম্‌ যেনে তর গম্‌ হবরান চেরোকিত্তে ছিদি পড়ে আর তঅ মাধ্যমে যেনে মান্‌জ্যে বর্ পান।

পত্থম 13:16

মুই তঅ বংশর মানুচ্চুনোরে পিত্‌থিমীর ধূল্যেচর-ধোক্ক্যেন গুণি ন-পুরেইয়্যে গুরিম। পিত্‌থিমীর ধূল্যেচরুন যুদি কনজনে গুণিনে শেজ্ গুরি পারন্‌ সালে তঅ বংশবোর মানুচ্চুনোরেয়ো গুণো যেবঅ।

পত্থম 16:10

তে তারে আরঅ কলঅ, “মুই তঅ বংশর্‌ মানুচ্চুনোরে এন্‌ গুরি বাড়েই দিম্‌, তারারে গুণিনে কুল্ ন-পেবে।”

পত্থম 17:2

তত্তে মুই মঅ সুদোমান উজু গোজ্যং আর তঅ বংশগুন বোউত্‌ বাড়েই দিম্‌।”

পত্থম 22:17

মুই ঘেচ্চেকগুরি তরে বোউত্‌ বর্ দিম্‌, আর আগাজ তারা ধোক্ক্যেন আর সাগর পার ধূল্যে চর ধোক্ক্যেন তমা বংশ মানুচ্চুনোরে গুণি ন-পুরেয়্যে গুরিম। তমা বংশ মানুচ্চুনে তারা শত্রুগুনোর শঅরানি জিদি নেযেবাক্,

পত্থম 26:4

মুই তঅ বংশর মানুচ্চুনোরে আগাজ তারা ধোক্ক্যেন ভালোক্কুন্‌ গুরিম আর এ দেজ্‌ছানি তারারে দিম্‌। তঅ বংশর ভিদিরেন্দি পিতথিমীর্‌ বেক্‌ জাদ্‌‌‌তুনে বর্ পেবাক্‌,

পত্থম 28:14

তঅ বংশর মানুচ্চুনে পিত্‌থিমীর ধূল্যেকণা ধোক্ক্যেন গুণি ন-ফুরেইয়্যে অবাক্। পূগ্-পোজিমে আর উত্তোর-দোগিণে তঅ বংশগুন ছিদি পরিবাক। পিত্‌থিমীর বেক্‌ জাদ্‌তুনে তর্‌ আর তঅ বংশবো ভিদিরেন্দি বর্ পেবাক।

পত্থম 32:13

যাকোবে সে রেদোত্‌ সিদু কাদেল। তার যিয়েনি এলঅ সিয়েনি ভিদিরেত্তুন্‌ তে তার্‌ ভেই এষৌত্তে এক্কান্‌ বোক্‌শিজ্ ঠিগ্‌ গুরি রাগেল।

১ রাজাবলী 3:8

ইয়েনত্‌ তর্‌ চাগর্‌ তর্‌ বেঈ নেযেয়্যে মানুচ্চুনো ভিদিরে আঘে। তারা এন্‌ এক্কো দাঙর্‌ জাদ্, তারারে গুণো ন-যায়।

১ বংশধর 27:23

দায়ূদে কুড়ি বা তাত্তুন্‌ কম্‌ বয়জ মানুচ্চুনোরে ন-গুণিলো, কিত্তে লগেপ্রভু ইস্রায়েলীয়গুনোরে আগাজ তারা ধোক্ক্যেন গুণি ন-পুড়েইয়্যে গুরিবো বিলিনে এগেম্ গোজ্যে।

নহিমিয় 9:23

আগাজ তারা ধোক্কেন্‌ তুই তারারে বোউত্‌ পূঅ-ছা দুয়োজ্‌ আর তুই তারারে সে দেজত্‌ নেযেয়োজ্‌ যে দেজ্‌ছানত্‌ সুমিনে সিয়েন্‌ গজক্‌ গুরিবার্‌ কধা তুই তারার্‌ পূরোণিমানুচ্চুনোরে কোইয়োচ্‌।

ইয়োব 35:5

আগাজ ইন্দি একপল্লা রিনি চাহ্; চাহ্, মেঘকান কদক্ উগুরে আঘে।

গীতসংহিতা 147:4

তে তারাগুনোরে গণে, তারার বেক্কুনোর্ নাঙানি ধুরিনে ডাগে।

যাত্রা 32:13

তঅ চাগর্‌ অব্রাহাম, ইস্‌হাক আর ইস্রায়েলর কধা মনত্‌ তুল্। তুই নিজোর্‌ নাঙে শমক্‌ খেইনে তারারে কোইয়োচ্‌, তারার্‌ বংশধরুনোরে আগাজ তারা ধোক্ক্যেন গুণি ন-পুড়েইয়্যে গুরি তুলিবে আর তর্‌ শমক্‌ খেইয়্যে দেজ্‌চান পুরো বেক্কানই উমরর্ অধিকার ইজেবে তারার্‌ বংশধরুনোরে দিবে।

যিশাইয় 51:2

তমা বাব্‌পো অব্রাহাম আর তমারে যে জর্ম দিয়্যে সেই সারা ইন্দি রিনি চঅ। মুই যেক্কেনে তারে ডাক্যং সেক্কে তে অলদে একজন, আর মুই তারে বর্ দিইনে জনেদি ভালোক্কুন্ গুরিলুং।

যিরমিয় 33:22

মর্ চাগর দায়ূদোর বংশধরুনোত্তে আর যে লেবীয়গুনে মঅ মুজুঙোত্ থিয়্যেইনে সেবা-কাম্ গরন তারারে মুই আগাজ তারা ধোক্ক্যেন বাড়েই দিম্ আর সাগর-পার কোরোলী ধোক্ক্যেন গুরিম, যিগুন গণা ন-যায়।”

রোমীয় 4:18

যেক্কে বাপ্ অবার্ কনঅ আজা ন-এলঅ সেক্কেয়ো অব্রাহামে গোজেন উগুরে আজা গুরিনে বিশ্বেজ্ গোজ্জ্যে। গোজেনে তারে কোইয়্যেদে, “তর্ গুট্টিগুনে আগাজ তারা ধোক্ক্যেন গুণি ন-পুরেইয়্যে অবাক্।” আর সেই কধামজিম অব্রাহামে ভালোক্ জাদর্ বাপ্ ওইয়্যে।

দ্বি’লম্বর বিররণ 1:10

তমার গোজেন লগেপ্রভু তমা মানুচ্চুনোরে এদক বাড়েই দিয়্যেদে যে, এইচ্ছ্যে তুমি আগাজ তারা ধোক্ক্যেন গুণি ন পুড়েইয়্যে ওই উঠ্য।

দ্বি’লম্বর বিররণ 10:22

তমার্‌ যে পুরোণি মানুচ্চুনে মিসরত্‌ যেইয়োন তারা সোংখ্যেন্দি এলাক্কে বানা সত্তুরজন আর ইক্কিনে তমার গোজেন লগেপ্রভু তমারে জনেদি গুরি দিয়্যে আগাজর্‌ তারাগুনো ধোক্ক্যেন গুণি ন-পুড়েইয়্যে।

ইব্রীয় 11:12

ইয়েনত্যে বয়জর্ কারনে অকেজো কিয়্যেলোই অব্রাহামে আগাজ তারা ধোক্ক্যেন আর সাগর পারর্ কোড়োলি ধোক্ক্যেন ভালোক্কুন্ পুয়ো-ছার্ বাপ্ ওইয়্যে।

যিহোশূয় 24:3

মাত্তর্‌ মুই তমার পূরোণি মানুচ্‌ অব্রাহামরে গাঙর্‌ উইপারত্তুন্‌ লোই আনিনে কনান দেজর বেক্‌ জাগানিত্‌ ঘুরেলুং আর তা বংশবো বোউত্‌ বাড়েই দিলুং। মুই তারে ইস্‌হাকরে দান গুরিলুং,