পত্থম 15:3 - Chakma Bible

³ তুই কি মরে কনঅ ঝি-পুয়ো দুয়োচ্‌? সেনত্তে মঅ ঘরর্‌ এক্কো চাগরে দঅ মঅ পরেদি মর্‌ সোম্বোত্তির্‌ গিরোজ্ অবঅ।”

পত্থম 15:3 ပူးပေါင်းရင်းမြစ်များ

পত্থম 12:2

তরে দিইনে মুই এক্কো দাঙর্‌ জাদ্ বানেই দিম্‌। মুই তরে বর্‌ দিম্‌ আর এবাবোত্তে গুরিম্‌ যেনে তর গম্‌ হবরান চেরোকিত্তে ছিদি পড়ে আর তঅ মাধ্যমে যেনে মান্‌জ্যে বর্ পান।

পত্থম 13:16

মুই তঅ বংশর মানুচ্চুনোরে পিত্‌থিমীর ধূল্যেচর-ধোক্ক্যেন গুণি ন-পুরেইয়্যে গুরিম। পিত্‌থিমীর ধূল্যেচরুন যুদি কনজনে গুণিনে শেজ্ গুরি পারন্‌ সালে তঅ বংশবোর মানুচ্চুনোরেয়ো গুণো যেবঅ।

পত্থম 14:14

অব্রামে যেক্কে শুনিলো, তা কুদুম্মোবোরে সে রাজাগুনে ধুরি নেযেয়োন সেক্কে তে যুদ্ধোর শিক্ষ্যে পেইয়্যে তার তিনশ আদার জন চাগররে যুদ্ধোত্‌ লামেল আর দান শঅর্‌ সং শত্রুগুনোরে লোড়েই নেযেলাক্। এ চাগরুনে তা ঘরত্ জর্মেয়োন।

পত্থম 15:2

অব্রামে কলঅ, “ও লগেপ্রভু, মর্‌ প্রভু, তুই মরে কি দিবে? মর্‌দঅ কনঅ ঝি-পুয়ো নেই। মর্‌ মরাণার্‌ পরেদি দামেস্কর ইলিয়েষরে মঅ সোম্বোত্তির্ গিরোজ্ অবঅ।

গম্ উপদেজ্ 13:12

আজা পুরেবাত্তে দেরি অলে মনান্ ভাঙি পড়ে, মাত্তর্ আওজ্ পুরোনাগান জিংকানি গাজ ধোক্ক্যেন্।

গম্ উপদেজ্ 29:21

চিগোনত্তুন্ ধুরি যুনি কনঅ চাগররে আশ্‌কারা দিয়্যে অয়, যেরেদি তারে দোঙা ন-যায়।

গম্ উপদেজ্ 30:23

ঈচ্ গরা হেইয়্যে মিলে যেক্কেনে তে মোগোর্ অধিকার পায়, আর চাগরানিবো যেক্কেনে তে গিরোজ জাগায়ান পায়।

উপদেশক 2:7

মুই বোউত্ চাগর-চাগরানি কিনিলুং, আর বোউত্ চাগর-চাগরানি মঅ ঘরত্ জোর্মেয়োন্। মঅ আগেদি যিগুনে যিরূশালেমত্ এলাক্ তারাত্তুন্অ বোউত গোরু-ভেড়া এলাক্।

যিরমিয় 12:1

ও লগেপ্রভু, মুই যেক্কে তঅ বিরুদ্ধে কনঅ আবিত্তি গরং সেক্কে তুই যে নিদ্দুযি সিয়েনি নিত্য ফগদাং অয়। তো মুই তঅ বিচের পৌইদ্যেনে তঅ লগে কিজু কধা কোম্। পাজিগুনোর পথ্‌‍‍‌‌‌‌তান কেনে গম্ অয়? যিগুনে বেঈমানী গরন তারা কেনে আরামে বজত্তি গরন?