পত্থম 15:14 - Chakma Bible

¹⁴ মাত্তর্‌ যে জাদ্‌তো তারারে চাগর্‌ বানে রাগেব সে জাদ্‌তোরে মুই সাজা-দিম্‌। পরেদি তারা বোউত্‌ ধন-সোম্বোত্তি নিইনে সে দেজত্তুন্‌ নিগিলি এবাক্‌।

পত্থম 15:14 ပူးပေါင်းရင်းမြစ်များ

পত্থম 48:21

সে পরেদি ইস্রায়েলে যোষেফরে কলঅ, “চাহ্, মর্‌ মরণর্‌ অক্ত প্রায় গোণেই এচ্চ্যে। মাত্তর্‌ গোজেনে তমা লগে থেবঅ আর তমা পুরোণি মানুচ্চুনো দেজত্‌ তমারে ফিরেই নেযেব।

পত্থম 50:24

পরেদি এক সময়ত্‌ যোষেফে তা ভেইয়ুনোরে কলঅ, “মর্‌ মুরিবার্‌ অক্ত ওই এচ্চ্যে, মাত্তর্‌ ইয়েন্‌ ঘেচ্চেকগুরি, গোজেনে তমারে দেগাশুনো গুরিবো। তে অব্রাহাম, ইসহাক আর যাকোবরে যে দেজ্‌সান্‌ দিবো বিলি শমক্‌ গোজ্যে সে দেজ্‌সানত্‌ তে তমারে ইয়োত্তুন্‌ নেযেব।”

গীতসংহিতা 105:42

তা চাগর অব্রাহাম ইদু তে যে পবিত্র এগেমান্ গোজ্যে সিয়েন তে ইদোত্ তুলিলো।

গীতসংহিতা 135:14

কিত্তে লগেপ্রভু তা মানুচ্চুনো উগুরে দোল্ বিচের গুরিবো, আর তা চাগরুনো উগুরে মেয়্যে গুরিবো।

গীতসংহিতা 135:9

ও মিসর, তে বুগোত্ ফরৌণ আর তার বেক কামগুরিয়্যেগুনোর বিরুদ্ধে তার চিহ্নো আর আমক্ অবার কামানি গোজ্যে।

গীতসংহিতা 51:4

তর্ বিরুদ্ধে, বানা তর্ বিরুদ্ধে মুই পাপ গোজ্যং আর তর্ চোগেন্দি যিয়েনি ভান্ন্যেই সিয়েনি গোজ্যং। সেনত্তেই তর্ রায়ান্ ঠিগ্, তর্ বিচেরান গম্।

যাত্রা 12:29

সে পরেদি চৌদ্দো তারিগোর্‌ রেত্‌ সম্বাগত্‌ লগেপ্রভু মিসর্‌ দেজর্‌ পত্তি ঘরর্‌ পত্তম পূয়োবোরে মারে ফেলেল। ইয়েনত্ রাজ-সিংহাসনর্‌ গিরোজ্ ফরৌণর্‌ পত্তম পুয়োবোত্তুন্‌ ধুরি জেলোত্‌ পোজ্যে মান্‌জ্যর্‌ পত্তম পূয়োগুন্‌ সং, এন্‌ কি, য়েমানুনোর্ পত্তম চেলা ছবুয়ো মুরি গেলঅ।

যাত্রা 3:10

সেনত্যে তুই ইক্কিনে যাহ্। মুই তরে ফরৌণ ইধু পাদাঙর্‌। তুই যেইনে মঅ মানুচ্চুনোরে, অত্তাৎ ইস্রায়েলীয়গুনোরে মিসর্‌ দেজত্তুন্‌ নিগিলেই আনিবে।”

প্রেরিত্‌ 7:7

গোজেনে আরঅ কলঅ, যে জাদ্‌তো তারারে চাগর্ বানেব সেই জাদ্‌তোরে মুই সাজা দিম্। যেরেদি তারা সেই দেজত্তুন্ নিগিলি এইনে এ জাগানত্ মর্ উবোসনা গুরিবাক্।

দ্বি’লম্বর বিররণ 4:20

মনত্‌ রাগেয়ো, লগেপ্রভু তমারে বেঈ লোইয়্যে আর লুয়ো গোলাইদে হাপর ধোক্ক্যেন যে মিসর দেজ্‌ছান সিয়েনত্তুন্‌ তমারে নিগিলেই আন্যে যেনে তুমি তার্‌ মানুচ্‌ ওই পারঅ, আর তুমি ইক্কিনে সেধোক্কেন্‌ ওইয়ো।

দ্বি’লম্বর বিররণ 6:22

লগেপ্রভু আমার্‌ চোগো মুজুঙোত্‌ ফরৌণ আর তা ঘরর্‌ বেক্কুনো উগুরে আর মিসর দেজঅ উগুরে দাঙর্‌ দাঙর্‌ আর দর্‌গরেপারা চিহ্নো আর আমক্‌ অবার্‌ কাম্‌ গোজ্যে।

যিহোশূয় 24:17

আমার্‌ গোজেন লগেপ্রভু নিজেই আমার আর আমার পূরেণিমানুচ্চুনোরে মিসর দেজত্তুন্‌, সে চাগরর্‌ দেজত্তুন্‌ নিগিলেই আন্যে আর আমার চোগো মুজুঙোত্‌ সে বেক্‌ দাঙর্‌ দাঙর্‌ আমক্‌ অবার্‌ কামানি গোজ্যে। আমার পুরো যেবার পদথ্‌ আর যিদুক্কুন্‌ জাদ ভিদিরেন্দি আমি এচ্ছ্যেই তারা আঢত্তুন্‌ তেয়ই আমারে বাজেই রাগেয়্যে।

১ শমূয়েল 12:8

যাকোবে মিসর দেজত্‌ গেলঅ, আর পরেন্দি যেক্কে তমার পুরোণি মানুচ্চুনে লগেপ্রভুর ইদু কানাকুদি গুরিলাক্ সেক্কে লগেপ্রভু মোশি আর হারোণরে পাধেই দিলো। তারা মিসর দেজত্তুন্‌ তমার পুরোণি মানুচ্চুনোরে নিগিলেই আনিলাক্ আর এই দেজত্‌ তারারে বজত্তি গুরিবার বেবস্থা গুরিলো।