পত্থম 14:7 - Chakma Bible

⁷ সে পরেদি এ রাজাগুনে ঘুরি যেইনে ঐনমিষ্পট, অত্তাৎ কাদেশত্‌ গেলাক তারা অমালেকীয়গুনোর পুরো দেজ্‌ছান্‌ জিদি নেযেয়োন্‌ আর হৎসসোন-তামর শঅরত্‌ যে ইমোরিয়োগুনে এলাক তারারে ওদেই দিলাক্।

পত্থম 14:7 ပူးပေါင်းရင်းမြစ်များ

পত্থম 16:14

সেনত্তে কাদেশ আর বেরদ ভিদিরে যে কূয়োবো আঘে সিবের্ নাঙান্‌ অলদে বের্‌-লহয়-রোয়ী (যিয়েনর ভেদ্‌তান্ “যিবে জেদা আর মরে দেক্ক্যে, তার কূয়ো”)।

পত্থম 20:1

পরেদি অব্রাহামে মম্রিত্তুন্‌ নেগেভ নাঙে দোগিণে ধূল্যেচর-চাগালা মোক্ক্যেন্দি গেলঅ। সিয়েনত্‌ তে কাদেশ শঅর আর শূরর সংমোধ্যে এক্কান জাগাত্‌ বজত্তি গরা ধুরিলো। সিয়েনত্তুন্‌ তে কয়েক দিনোত্তে গরার শঅরত্‌ যেইনে থেলঅ।

পত্থম 36:12

এষৌ পুয়ো ইলীফসর তিম্না নাঙে এক্কো লাঙনি এলঅ। তা পেদত্‌ অমালেকর জর্ম ওইয়্যে। ইগুন বেক্কুন এষৌর মোক্‌ আদার নাদিন্।

পত্থম 36:16

কোরহ, গয়িতম আর অমালেক। ইদোম দেজত্‌ তারা এলাক আদার পুয়ো ইলীফস বংশধর।

২ বংশধর 20:2

সেক্কে কয়েক্কো মানুচ্‌ এইনে যিহোশাফটরে কলাক্, “সাগর উকুলে অরাম দেজত্তুন্‌ এক্কো দাঙর্ সৈন্যদলে তঅ বিরুদ্ধে এজের্। তারা হৎসসোন-তামরত্‌, অত্তাৎ ঐন্‌-গদীত্‌ লুম্মোন্দি।”

যিহিষ্কেল 47:10

জাল্যেগুন গাঙ পারত্ থিয়্যেবাক্; ঐন্-গদীত্তুন্ ঐন্-ইগ্লয়িম সং জাল মিলি দিবার্ জাগা অবঅ। ভূমধ্য-সাগরর মাছ ধোক্ক্যেন সিয়েনতঅ নানান্ বাবোত্যে বোউত্ মাছ পাহ্ যেবঅ।

যিহিষ্কেল 48:28

গাদ ভাগর্ দোগিণো দুযিগান অলঅ দেজর্ দোগিণো দুযি। সিয়েন তামরত্তুন্ কাদেশর্ মরীবৎ পানিগান সং যেইনে মিসরর্ শুগুনো গাঙ সং ভূমধ্য সাগর সং যেবঅ।

গণাণা 13:26

সেই নেতাগুনে পারণ ধূল্যেচর চাগালার্ কাদেজত্‌ মোশি, হারোণ আর বেক্‌ ইস্রায়েলীয়গুনো ইদু ফিরি এলাক। তারা মোশি, হারোণ আর অন্য মানুচ্চুনোর ইদু বেক্‌ কধানি জানেলাক আর সেই দেজর্‌ গুলোগুলিগুন দেগেলাক।

গণাণা 14:43

সিদু তুমি অমালেকীয় আর কনানীয়গুনোর মুজুঙোত্‌ পড়িবা। তুমি লগেপ্রভুত্তুন্‌ সুরি যেইয়ো বিলি তে তমা সমারে ন-থেবঅ। সেক্কে তুমি যুদ্ধোত্‌ মুরি যেবা।”

গণাণা 14:45

তারারে দেগিনে সেই মুড়োমুরি চাগালার্ অমালেকীয় আর কনানীয়গুনে লামি এইনে তারারে আক্রমণ গুরিলাক্ আর হর্মা শঅর সং তারারে লোড়েই নেযেলাক্।

গণাণা 20:1

বজরর্‌ পত্তম মাজত্‌ বেক্‌ ইস্রায়েলীয়গুনে সীন ধূল্যেচর-চাগালাত্‌ লুমিনে কাদেশ ইদু যেইনে থেলাক। মরিয়মে সেই জাগানত্‌ মুরি গেলঅ আর তারে গোর্ দিয়্যে অলঅ।

গণাণা 24:20

অমালেকীয়গুনোরে দেগিনে বিলিয়মে গোজেনর্‌ দিয়্যে এ কধাগান কুয়ো ধুরিলো: “বেক্‌ জাদ্‌তুনো ভিদিরে অমালেকীয়গুনে দাঙর্ এলাক্‌, মাত্তর্‌ ভস্ত ওইনে শেজ্ অবাক্।”

দ্বি’লম্বর বিররণ 1:19

ইয়েনর্ পরেদি আমা গোজেন লগেপ্রভুর উগুমে আমি হোরেব মুড়োবো ছাড়িনে ইমোরীয়গুনোর্‌ মুড়োমুড়ি চাগালান্দি আদা মারিলোং। কেধোক্ক্যেন দাঙর্‌ আর কেধোক্ক্যেন দর্‌গরেপারা ধূল্যেচর-চাগালার ভিদিরেন্দি আমার্‌ যাহ্ পোজ্যে সিয়েন্‌ তুমি দেখ্য। এধোক্ক্যেনগুরি আমি কাদেশ-বর্ণেয়ত যেইনে লুমিলোং।

দ্বি’লম্বর বিররণ 1:46

এধোক্ক্যেনগুরি তুমি কাদেজত্‌ ভালোক দিন রোইয়ো আর সিয়োদোই তমার্‌ ভালোক দিন কাদা গেলঅ।

যিহোশূয় 15:62

নিব্‌শন, লবণ-নগর আর ঐন্‌-গদী। এ ছঅ‌গান শঅর্‌ আর ইয়েনির কায়-কুরে বেক্‌ আদামানি তারা পেইয়োন।