পত্থম 14:2 - Chakma Bible

² এ চের্‌বো রাজা এক ওইনে একপল্লা সদোমর রাজা বিরা, ঘমোর রাজা বির্শা, অদ্‌মার রাজা শিনাব, সরোয়িমোর রাজা শিমেবর আর বিলার, অত্তাৎ সোয়র রাজার বিরুদ্ধে যুদ্ধো গুরিবাত্তে গেলাক্।

পত্থম 14:2 ပူးပေါင်းရင်းမြစ်များ

পত্থম 10:19

সীদোন শঅরত্তুন্‌ গরারত্‌ যেবার পদথ্‌ গাজা সং আর গাজাত্তুন্‌ সদোম, ঘমোরা, অদ্‌মা আর সবোয়ীমোত্‌ যেবার পদথ্‌ লাশা সং কনানীয়গুনোর দেজর্ দুযি এলঅ।

পত্থম 13:10

সেক্কে লোটে রিনি চেইনে দেগিলো যর্দনর্ বেক্ সংজাগানত্‌ বোউত্‌ পানি আঘে আর জাগায়ান্‌ চাদে পেরায় লগেপ্রভুর বাগান ধোক্ক্যেন, আর সিয়েন্‌ ন-অলেয়ো প্রায় সোয়রত্‌ যেবার পদত্‌ মিসর দেজছান ধোক্ক্যেন। সেক্কেয়ো লগেপ্রভু সদোম আর ঘমোরা শঅরান্‌ ভস্ত গুরি ন-ফেলায়।

পত্থম 13:12

অব্রামে কনান দেজত্‌ আর লোটে সে সংজাগানর্‌ শঅরানির্‌ সংমোধ্যে বজত্তি গরা ধুরিলো। লোটে সদোম শঅর ইধু তাম্বুলান ফেলেল।

যিশাইয় 15:5

মোয়াবত্তে মঅ মনান কানের্; তা মানুচ্চুনে সোয়র ইন্দি ইগ্লৎ-শলিশীয়া সং ধেই যাদন্। তারা কানদে কানদে লূহীতোর মুড়োমুড়ি পথ্‌তানত্ উদি যাদন্; তারার জাগানি ভস্ত ওইয়্যে বিলিনে তারা আবিলেচ্ গত্তে গত্তে হোরণয়িমর পধেদি যাদন্।

যিরমিয় 48:34

“তারার্ কানানি রঅগুন্ হিশ্‌‌‌‌‌‌‌‌বোনত্তুন ইলিয়ালী আর যহস সং, সোয়রত্তুন্ হোরোণয়িম আর ইগ্লৎ-শলিশীয়া সং লুম্মেগোই, কিত্তে নিম্রীমর পানিগানঅ শুগেই যার্।

হোশেয় 11:8

“ইফ্রয়িম, মুই কেধোক্ক্যেন্ গুরি তরে ছাড়ি যেইম? ইস্রায়েল, মুই কেধোক্ক্যেন গুরি তরে অন্য আঢত্ তুলি দিম? কিবাবোত্যেগুরি মুই তরে অদ্‌মার আর সবোয়িম ধোক্ক্যেন ভস্ত গুরিম? তত্তেই মঅ মনান্ পাগল্ অর্; মর্ বেক্ দোয়্যেগান জাগি উঠ্যে।

দ্বি’লম্বর বিররণ 29:23

পুরো দেজ্‌ছান নুন্দোই আর গন্ধরক্‌কোই পড়ি থেবঅ। সেক্কে কিচ্চু লাগা ন-অবঅ, কিচ্ছু ন-উদিবো আর কনঅ ঘাস বা ঝুপ্‌-ঝাড় সিয়েন উগুরে ন-থেবঅ। এ দেজর অবস্থা অবঅ সদোম, ঘমোরা, অদ্‌মা আর সবোয়িমো ধোক্ক্যেন, যিয়েন লগেপ্রভু তার অমকদ রাগে জুলি উদিনে ভস্ত গুরি দিয়্যে।

দ্বি’লম্বর বিররণ 34:3

ইয়েনবাদে তে তারে নেগেভ আর খেজুর-শঅর যিরীহো আর তার কায়-কুরে যর্দন গাঙর দোগিনোন্দি সং জাগাত্তুন সোয়ব সং বেক চাগালাগান্ দেগেল।

১ শমূয়েল 13:18

আর এক দল বৈৎ-হোরোণর ইন্দি গেলাক্ আর অন্য দল্লো গেলঅ সেই মুড়ো-মুড়ি চাগালাত্ যিয়েনত্তুন্‌ ধূল্যে-চর চাগালার্ সিবোয়িম কিঝিঙান্‌ দেগা যায়।