পত্থম 14:18 - Chakma Bible

¹⁸ শালেমর রাজা মল্কীষেদকে অব্রামত্তে পিদে আর আংগুর-রস আনিলো। তে এলদে দাঙর্ গোজেনর ধর্মগুরু।

পত্থম 14:18 ပူးပေါင်းရင်းမြစ်များ

২ শমূয়েল 2:5

সেক্কে তে মানুচ্‌ পাদেইনে যাবেশ-গিলিয়দর মানুচ্চুনোরে এ কধাগান কলঅ, “তুমি যে তমার গিরোজ্‌ শৌলরে গোর্ দিইনে তা উগুরে বিশ্বেজ্‌চান্ দেগেয়ো সেনত্যেই লগেপ্রভু যেনে তমারে বর্ দে।

গীতসংহিতা 104:15

আংগুর-রস যিয়েনে মান্‌জ্যর মনানিরে হুজি গরে, তেল যিয়েন তার মুয়োনরে জোল্‌জোল্যে গরে, আর রুটি যিয়েনে তা মনানত্ বল্ আনে।

গীতসংহিতা 110:4

লগেপ্রভু শমক্ খেইয়্যেদে, “তুই উমরত্যে মল্কীষেদক ধোক্ক্যেন ধর্মগুরু।” এ পৌইদ্যেনে তে তাহ্ মনান ন-বোদোলেব।

গীতসংহিতা 50:14

গোজেন ইদু তর্ ভালেদিগানই তর্ উৎসর্ব ওক্; সেই দাঙর্‌বো ইদু তর্ বেক্ মান্যেগানি পূরোণ গুরি থেচ্।

গীতসংহিতা 57:2

মুই দাঙর্ গোজেনরে ডাগিম; যিবে মরে দিয়্যে তার বেক্ কধানি রোক্ক্যে গরে মুই তারে ডাগিম।

গীতসংহিতা 7:17

লগেপ্রভু ন্যায়বিচের্ গরে, সেনত্তে মুই তারে ভালেদি জানেম; মুই দাঙর্ লগেপ্রভুর্ নাঙ্ গিনেদে-গান গেইম।

গীতসংহিতা 76:2

শালেমত্ তার থেবার-ঘরান্ আর সিয়োনত্ তার থেবারজাগা আঘে।

গীতসংহিতা 76:3

তে সিদু বেক্ জোল্‌জোল্যে সেলুন ভাঙি ফেলেয়্যে, ভাঙি ফেলেয়্যে ঢালানি, তলোয়ার আর যুদ্ধোর আত্যেরানি।

দানিয়েল 4:31

কধানি তা মুয়োত্ থাগদে থাগদে স্বর্গত্তুন্ কনঅ একজনে কলঅ, “ও রাজা নবূখদ্‌নিৎসর, তরে কুয়ো অত্তে যে, তঅ রেজ্যগানি তত্তুন্ নেযা ওইয়্যে।

মীখা 6:6

মুই কিলোই লগেপ্রভুর মুজুঙোত্ যেইম্ আর স্বর্গর্ গোজেনর্ উবোসনা গুরিম? মুই কি পুজ্যে-উৎসর্বত্তে এক বোজোজ্যে কয়েক্কো গোরু ছঅলোই তা মুজুঙোত্ যেইম্?

গণাণা 18:28

তুমি অন্য ইস্রায়েলীয়গুনোত্তুন্‌ তারার্ আয়র্ যে দশ ভাগর একভাগ পেবা সে ভিদিরেত্তুন্‌ এধোক্ক্যেনগুরি তমাত্তুনো লগেপ্রভুর নাঙে কিজু উৎসর্ব গরা পুরিবো। এই দশ ভাগর এক ভাগত্তুন্‌ লগেপ্রভুর ভাক্কো তুমি ধর্মগুরু হারোণর আদত্‌ দিবা।

গণাণা 24:16

যে মানুচ্চো গোজেনর্‌ কধানি শুন্যে আর দাঙর্‌ গোজেনর্‌ ইত্তুন্‌ জ্ঞান পার্‌, যে বেগত্তুন্ খেমতাবলা গোজেনর্‌ দিয়্যে জ্ঞানান্ দেখ্যে, যে মাদি উগুরে আদু পাড়িনে পোজ্যে, আর যিবের্‌ চোগো পাদা খুলি যেইয়্যে, তে এই কধাগান কত্তে:

প্রেরিত্‌ 16:17

সেই মিলেবো পৌল আর আমা পিজেদি যাদে যাদে রঅ ছাড়িনে কদঅ, “এ মানুচ্চুনে দাঙর্ গোজেনর্ চাগর্। কেধোক্ক্যেন্ গুরিনে পাপত্তুন্ উদ্ধোর্ পাহ্ যায়, ইগুনে সিয়েনই তমা ইধু কদন্।”

প্রেরিত্‌ 7:48

মাত্তর্ দাঙর্ গোজেনে মান্‌জ্যর্ বানেয়্যে ঘরত্ ন-থায়। ভাববাদীবো কোইয়্যেদে যে,

গালাতীয় 6:10

জু পেলে আমি যেন বেক্কুনোর্, বিশেষ গুরিনে গোজেন পরিবারর্ মানুচ্চুনোরে উপকার গুরিই।

ইব্রীয় 5:10

গোজেনে তারে মল্কীষেদক ধোক্ক্যেন দাঙর্ ধর্মগুরু বিলি ফগদাং গুরিলো।

ইব্রীয় 5:6

সেধোক্ক্যেন গুরি গোজেনে আর এক জাগাত্ কোইয়্যেদে, তুই উমরত্যে মল্কীষেদক ধোক্ক্যেন ধর্মগুরু।

ইব্রীয় 6:20

যীশুই আমার্ ওইনে আমা আগেদি সেই জাগানত্ যেয়্যে। তে উমরত্যে মল্কীষেদক ধোক্ক্যেন দাঙর্ ধর্মগুরু ওইয়্যে।

ইব্রীয় 7:1

এই মল্কীষেদকে শালেমর্ রাজা আর দাঙর্ গোজেনর্ ধর্মগুরু এলঅ। অব্রাহামে যেক্কে রাজাগুনোরে ওদেই দিইনে ফিরি এজের্ সেক্কে তা সমারে এ মল্কীষেদকর্ দেগা ওইয়্যে। মল্কীষেদকে অব্রাহামরে বর্ দিয়্যে,

রূত 3:10

জোবত্‌ বোয়সে কলঅ, “লগেপ্রভুর তরে আশিদ্‌বাদ গোরোক। এদকদিন সং তুই যে বিশ্বেজ্‌চান্ দেগেয়োচ্‌ তাত্তুন বেশ্‌ এবেরা আরঅ বেশ্‌ বিশ্বেজ্ দেগেলে, কিত্যে থাগোয়্যে-নাদা কনঅ গাবুজ্যের্ পিজেন্দি তুই ন-যাচ্‌।