পত্থম 14:11 - Chakma Bible

¹¹ যে রাজাগুনে জিত্ত্যন্‌ তারা সদোম আর ঘমোরার বেক্‌ ধন-সোম্বোত্তিগানি আর হানা-জিনিসছানি লুদেই নেযেয়োন্‌।

পত্থম 14:11 ပူးပေါင်းရင်းမြစ်များ

পত্থম 12:5

তে তার মোক্‌ সারী আর ভেইপুত্‌ লোটরে লোইনে নিগিলিলো। নিজোর্‌ বেক্কানি নেযেইনে আর যিদুক্কুন চাগর-চাগরানীরে তারা হারণত্‌ পেইয়োন্‌ তারারে লোইনে তে কনান দেজ মোক্ক্যে যেইনে লুমিলোগোই।

পত্থম 14:10

সিদ্দীম কলগত্‌ মাত্যে তেল্লোই ভরা বোউত্‌ গাত্‌ এলাক্। যেক্কে সদোম আর ঘমোরা রাজাগুনে ধেই যাদন্‌ সেক্কে তারা মানুচ্চুনো ভিদিরে কয়েকজনে সে মাত্যেতেলর্ গাদ্‌‌তোত্‌ পড়ি যেইয়োন্‌, আর অন্যগুনে মুড়ো-মুড়ি মোক্কে ধেই গেলাক্।

পত্থম 14:12

অব্রাম ভেইপুত্‌ লোটে সেক্কে সদোমত্‌ বজত্তি গুদিদো। সে রাজাগুনে লোটর বেক্‌ ধন-সোম্বোত্তিগানি সুমুত্তো তারেয়ো ধুরি নেযেলাক্।

পত্থম 14:16

লুদেয়্যে বেক্‌ পযাপিরানি তে ফিরেই আনিলো আর তা ভেইপুত্‌ লোটরে তার ধন-সোম্বোত্তি সুমুত্তো উদ্ধোর গুরিলো। সে লগে বেক্‌ মিলেগুনোরে আর অন্য মানুচ্চুনোরেয়ো উদ্ধোর গুরি আনিলো। মল্কীষেদকে অব্রামরে বর্ দিলো।

পত্থম 14:21

পরেদি সদোম রাজাবো অব্রামরে কলঅ, তুই ধন-সোম্বোত্তি বেক্কানি রাগা মাত্তর্‌ মানুচ্চুন্‌ মরে ফিরেই দে।

দ্বি’লম্বর বিররণ 28:31

তমার চোগো মুজুঙোত্‌ তমা গোরুগুন কাবা অবঅ, মাত্তর্‌ তার্‌ এক ভাগ য়েরায়ো তমার পেদত্‌ ন-যেবঅ। তমার গাধাবোরে জোর্‌ গুরিনে তমা ইত্তুন নেযা অবঅ, মাত্তর্‌ সিয়েনত্তুন আর ফিরেই দিয়্যে ন-অবঅ। তমার ভেড়াগুন তমার শত্রুগুনোর আদত্‌ যেইনে পড়িবাক; আর এই বিপদত্ তমারে উদ্ধোর গুরিবাত্তে কনজনে উজেই ন-এবাক।

দ্বি’লম্বর বিররণ 28:35

লগেপ্রভু তমার আদুগুনোত্‌ আর টেঙত্‌ এধোক্ক্যেন বিষফোড়া দিইনে দুখ্‌ দিবো যিবে কনদিনঅ গম্‌ ন-অবঅ। সে ফোড়াগুন্‌ তমার টেঙর্‌ তলেত্তুন্‌ ধুরি মাদাবোর্‌ তাল্লো সং বেক্‌ জাগানিত্‌ অবঅ।

দ্বি’লম্বর বিররণ 28:51

তারা তমার য়েমান ছঅ্‌গুন আর ক্ষেদর ফলুন হেই ফেলেবাক আর যেরেন্দি তুমি শেজ্‌ ওই যেবা। তারা তমাত্তে কনঅ ফল, নুয়ো আংগুরো-রস বা তেল বা গোরুর ছঅ বা ভেড়ার ছঅ বাগি ন-রাগেবাক, আর যেরেন্দি তুমি শেজ্‌ ওই যেবা।