পত্থম 13:2 - Chakma Bible

^2-4 অব্রামে জদবদে মাজন্‌ এলঅ। তার ভালোক্কুন য়েমান আর সনা রূবো এলঅ। পরেদি তে নেগেভত্তুন্‌ সুরি যাদে যাদে বৈথল সং গেলঅ। এধোক্ক্যেনগুরি তে বৈথেল আর অয়র সংমোধ্যে সে জাগানত্‌ যেইনে লুমিলো যিয়েনত্‌ তে আগেদি তাম্বুল তাঙেইয়্যে আর পত্তম ডালিপূজো বানেইয়্যে। সিয়েনত্‌ তে লগেপ্রভুরে তার যগাজ্যে সর্মান দিলো।

পত্থম 13:2 ပူးပေါင်းရင်းမြစ်များ

পত্থম 12:16

আর সারীত্যে ফরৌণে অব্রাম লগে গম বেবহার গরা ধুরিলো। তে অব্রামরে বোউত্‌ ভেড়া, গোরু, গাধা, গাধী উট আর চাগর-চাগরানী দিলো।

পত্থম 13:6

মাত্তর্ জাগায়ান্‌ এধোক্ক্যেন ন-এলঅ যেনে তারা দ্বিজনে এক্কান জাগাত্‌ বজত্তি গুরি পারন্‌। য়েমান আর তাম্বুল তারা দ্বিজনর এদক্‌ বেশ্ এলঅ, সিয়েনিলোই তারা এক্কান জাগাত্‌ থানা সম্ভব ন-অলঅ।

পত্থম 24:1

অব্রাহামে সেক্কে অমকদ বুড়ো ওই যেইয়্যে আর বয়জঅ তার বোউত্‌ ওইয়্যে। লগেপ্রভু তারে চেরোকিত্তেত্তুন্‌ বর্ দিলো।

পত্থম 24:35

মঅ গিরোজ্‌সোরে লগেপ্রভু বোউত্‌ বর্ দিয়্যে; এচ্চ্যে তে বোউত্‌ দাঙর্‌ মানুচ্‌। লগেপ্রভু তারে ভালোক্কুন্‌ গোরু-ভেড়া, সোনা-রূবো, চাগর-চাগরানী আর উট আর গাধা দিলো।

পত্থম 26:14

তার ভেড়া, গোরু আর চাগর-চাগরানী বোউত্ বাড়িলাক্‌, সিয়েন্‌ দেগিনে পলেষ্টীয়গুনে তারে ইংসে গরা ধুরিলাক্।

পত্থম 30:43

যাকোবে ইঙিরিনে অমকদ থাগোয়্যে অলঅ। তা য়েমানপালুন, উট, গাধা আর চাগর-চাগরানীগুন জনেদি বোউত্‌ বাড়িলাক্‌।

ইয়োব 1:10

তুই কি তা চেরোকিত্তে আর তা ঘরর্‌ আর তার্‌ যিয়েনি আঘে সিয়েনির্‌ চেরোকিত্তে ঘিরিনে ন-রাগাজ্‌? তুই দঅ তা কামত্‌ বর্‌ দুয়োজ্‌, সেনত্তেই তার্ এ্যমানপাল্লোই দেজ্‌ছান ভুরি যেইয়্যেগোই।

ইয়োব 1:3

তার্‌ সাত আজার্ ভেড়া ছাগল, তিন আজার্ উট, পাচশত্ জড়া বলদ গোরু আর পাচশত্ পাড়ি গাধা এলঅ আর চাগর্‌-চাগরানিয়ো এলাক্‌ ভালোক্কুন্‌। পূগ দেজর বেক্‌ মানুচ্চুনোত্তুন্‌ তে অলদে বেগত্তুন্‌ তাগোয়্যে।

গম্ উপদেজ্ 10:22

লগেপ্রভু যিবেরে বর্ দে তেয়ই তাগোয়্যে; সেই আশিদ্‌বাদত্ কনঅ দুঘ্ দরদ ন-থায়।

মথি লেখ্যে গম্ হবর্ 6:33

মাত্তর্ তুমি পত্তমে গোজেন রেজ্য পৌইদ্যেনে আর তা আওজ্ মজিম চলিবাত্তে মনান্ দুয়ো। সালে সেই বেক্ জিনিস্‌চানিয়ো তুমি পেবা। কেল্যেত্যে চিদে ন-গোজ্য;

দ্বি’লম্বর বিররণ 8:18

মাত্তর্‌ তুমি তমার্‌ গোজেন লগেপ্রভুর কধানি পুরি ন-ফেলেইয়ো; তেয়ই এদক্কানি গুরিবার্‌ খেমতা তমারে দিয়্যে, আর ইঙিরিনে তে তমার্‌ পুরোণি মানুচ্চুনো ইদু যে নিয়মর্‌ কধানি শমক্‌ খেইনে কোইয়্যে সিয়েনি তে ইক্কিনে পুরেই দের্‌।

১ তীমথিয় 4:8

কিয়্যেগানদি ব্যায়ামত্ কিজু লাভ অয় সত্য, মাত্তর্ গোজেন-ভোক্তিলোই বেক্কানিন্দি লাভ্ অয়; সিয়েনত্যে এ জিংকানিত্ আর পর জিংকানিত্যে আজা আঘে।

১ শমূয়েল 2:7

লগেপ্রভুই মান্‌জ্যরে তাগোয়্যে বা নাদা গরে; অয়, তেয়ই তলে ফেলায় আর তেয়ই উগুরে তুলে।