পত্থম 13:16 - Chakma Bible

¹⁶ মুই তঅ বংশর মানুচ্চুনোরে পিত্‌থিমীর ধূল্যেচর-ধোক্ক্যেন গুণি ন-পুরেইয়্যে গুরিম। পিত্‌থিমীর ধূল্যেচরুন যুদি কনজনে গুণিনে শেজ্ গুরি পারন্‌ সালে তঅ বংশবোর মানুচ্চুনোরেয়ো গুণো যেবঅ।

পত্থম 13:16 ပူးပေါင်းရင်းမြစ်များ

পত্থম 15:5

পরেদি লগেপ্রভু অব্রামরে বারেদি নেযেইনে কলঅ,“আগাজন্দি চাহ্‌ আর যুদি পারচ্‌ সে তারাগুন্‌ গুণিনে শেজ্ গর্‌। তঅ বংশর্‌ মানুচ্চুনে সে তারাগুনো ধোক্ক্যেন গুনি ন পুরেইয়্যে অবাক্।”

পত্থম 16:10

তে তারে আরঅ কলঅ, “মুই তঅ বংশর্‌ মানুচ্চুনোরে এন্‌ গুরি বাড়েই দিম্‌, তারারে গুণিনে কুল্ ন-পেবে।”

পত্থম 17:16

মুই তারে বর্ দিইনে তা ভিদিরেদি তরে এক্কো মরদপুয়ো দিম্‌। মুই তারে আরঅ বর্ দিম্‌ যেনে তে ভালোক্কুন জাদর্‌ আর তারা রাজাগুনোর্‌ আগ মা অয়।”

পত্থম 17:2

তত্তে মুই মঅ সুদোমান উজু গোজ্যং আর তঅ বংশগুন বোউত্‌ বাড়েই দিম্‌।”

পত্থম 17:20

শুনিচ্‌, মুই তারেয়ো বর্ দিম্‌ আর ভালোক্কুন্‌ পুয়ো দিইনে তা বংশর্‌ মানুচ্চুনোরে বোউত্‌ বাড়েই দিম্‌। তেয়ো বারবো গুট্টি-নেতার্‌ আগ বাপ্‌ অবঅ আর তা ভিদিরেত্তুন্‌ মুই এক্কো দাঙর্‌ জাত্‌ বানেম্‌।

পত্থম 17:6

মুই তর্‌ বংশবোরে বোউত্‌ বাড়েই দিম্‌। তঅ ভিদিরেত্তুন্‌ মুই বোউত্‌ জাদ বানেই দিম্‌, আর তঅ ভিদিরেত্তুন্‌ বোউত্‌ রাজার জর্ম অবাক্।

পত্থম 18:18

অব্রাহাম আর তা বংশর্‌ মানুচ্চুনো ভিদিরেত্তুন দঅ এক্কো দাঙর্‌ খেমতাবলা জাদ অবঅ আর সে জাদ ভিদিরেন্দি দঅ পিত্‌থিমীর্‌ বেক্‌ জাদতুনে বর্ পেবাক্।

পত্থম 21:13

মাত্তর্‌ সেই চাগরানীবো পুয়োবোরে দিইনেয়ো মুই এক্কো জাদরে তুলিম, কিত্তে তেয়ো দঅ তর্‌ পুয়ো।”

পত্থম 22:17

মুই ঘেচ্চেকগুরি তরে বোউত্‌ বর্ দিম্‌, আর আগাজ তারা ধোক্ক্যেন আর সাগর পার ধূল্যে চর ধোক্ক্যেন তমা বংশ মানুচ্চুনোরে গুণি ন-পুরেয়্যে গুরিম। তমা বংশ মানুচ্চুনে তারা শত্রুগুনোর শঅরানি জিদি নেযেবাক্,

পত্থম 26:4

মুই তঅ বংশর মানুচ্চুনোরে আগাজ তারা ধোক্ক্যেন ভালোক্কুন্‌ গুরিম আর এ দেজ্‌ছানি তারারে দিম্‌। তঅ বংশর ভিদিরেন্দি পিতথিমীর্‌ বেক্‌ জাদ্‌‌‌তুনে বর্ পেবাক্‌,

পত্থম 28:14

তঅ বংশর মানুচ্চুনে পিত্‌থিমীর ধূল্যেকণা ধোক্ক্যেন গুণি ন-ফুরেইয়্যে অবাক্। পূগ্-পোজিমে আর উত্তোর-দোগিণে তঅ বংশগুন ছিদি পরিবাক। পিত্‌থিমীর বেক্‌ জাদ্‌তুনে তর্‌ আর তঅ বংশবো ভিদিরেন্দি বর্ পেবাক।

পত্থম 28:3

বেগত্তুন্‌ খেমতাবলা গোজেনে তরে বর্ দুয়োক্‌ আর তরে ভালোক্কুন্‌ ঝি-পুয়োর বাব্‌ অবার্‌ খেমতা দুয়োক্‌। তে তঅ বংশর্‌ মানুচ্চুনোরে জনেদি বাড়েই দোক্। সেক্কেনে তারা অবাক্‌ এক্কো ভালোক্‌ গুট্টির্‌ জাদ্।

পত্থম 32:12

মাত্তর্‌ তুই দঅ কোইয়োচ্‌, মুই হামাক্কায়্‌ তরে ভালেদ্ গুরিম আর তঅ বংশর্‌ মানুচ্চুনোরে সাগর পার ধুল্যেচর ধোক্ক্যেন গুরিম্‌ যিগুন্‌ গুণিনে শেজ্ গরা ন-যায়।

পত্থম 32:13

যাকোবে সে রেদোত্‌ সিদু কাদেল। তার যিয়েনি এলঅ সিয়েনি ভিদিরেত্তুন্‌ তে তার্‌ ভেই এষৌত্তে এক্কান্‌ বোক্‌শিজ্ ঠিগ্‌ গুরি রাগেল।

পত্থম 35:11

গোজেন তারে আরঅ কলঅ, “মুয়ই বেগত্তুন্‌ খেমতাবলা গোজেন। তুই ভালোক্কুন্‌ পুয়ো-ছার্ বাপ্‌ ওইনে জনেদি বাড়ি উদ্। তঅ ভিদিরেত্তুন্‌ এক্কো জাদ্ উদিবো, আর উদিবো এক্কো ভালোক্ গুট্টির্‌ জাদ্। তঅ বংশত্‌ ভালোক্কুন্‌ রাজার্‌ জর্ম অবঅ।

পত্থম 46:3

গোজেনে কলঅ, “মুই গোজেন, তঅ বাবপোর্‌ গোজেন। মিসর দেজত্‌ যাদে ন-দোরেস্‌, কিত্তে মুই সিধু তমা ভিদিরেত্তুন্‌ এক্কো দাঙর্‌ জাদ্ বানেই দিম।

১ রাজাবলী 3:8

ইয়েনত্‌ তর্‌ চাগর্‌ তর্‌ বেঈ নেযেয়্যে মানুচ্চুনো ভিদিরে আঘে। তারা এন্‌ এক্কো দাঙর্‌ জাদ্, তারারে গুণো ন-যায়।

১ রাজাবলী 4:20

যিহূদা আর ইস্রায়েলর মানচ্চুন অলাক্কে সাগর পার ধূল্যেচর ধোক্কেন্‌ গুণি ন-পুড়েইয়্যে।

২ রাজাবলী 13:23

মাত্তর্‌ লগেপ্রভু অব্রাহাম, ইস্‌হাক আর যাকোবত্তে যে সুদোমান্‌ থিদেবর্ গোজ্যে সেনত্তেই তে ইস্রায়েলীয়গুনো উগুরে দোয়্যে বা মেয়্যে গুরিলো আর তারান্দি মন্‌ দিলো। এজঅ সং তারারে ভস্ত গুরি ফেলাদে বা নিজো মুজুঙেত্তুন্‌ দূর্‌ গুরি দিবাত্তে তে নঅ-চায়।

১ বংশধর 21:5

যিগুনে তলোয়ার চালেই জানন্‌ তারা কুদুক্কুন্‌ তে দায়ূদোরে জানেল-সিগুন্‌ অলাক্‌ গদা ইস্রায়েলত্‌ এগার লাখ্‌ আর যিহূদাত্‌ চের্‌ লাখ্‌ সত্তুর্‌ আজার্।

১ বংশধর 27:23

দায়ূদে কুড়ি বা তাত্তুন্‌ কম্‌ বয়জ মানুচ্চুনোরে ন-গুণিলো, কিত্তে লগেপ্রভু ইস্রায়েলীয়গুনোরে আগাজ তারা ধোক্ক্যেন গুণি ন-পুড়েইয়্যে গুরিবো বিলিনে এগেম্ গোজ্যে।

২ বংশধর 1:9

ও গোজেন লগেপ্রভু, মঅ বাপ্পো দায়ূদো ইদু তুই যে এগেমান্‌ গোজ্যস্‌ ইক্কিনে সিয়েন্‌ পূরোণ গর্‌, কিত্তে তুই এমন্‌ এক্কো জাদ‌ উগুরে মরে রাজা বানেয়োচ্‌ যিগুনে পিত্‌থিমীর ধূল্যে ধোক্ক্যেন গুণি ন-পুরেইয়্যে।

ইয়োব 5:25

তুই হবর্‌ পেবে, তর্‌ ভালোক্কুন্‌ ঝি-পূঅ অবাক্‌ আর তঅ গুট্টিগুন মাদঅ ঘাজঅ‌ ধোক্ক্যেন্ বোউত্‌ অবাক্।

যাত্রা 1:7

মাত্তর্‌ ইস্রায়েলীয়গুনোর্‌ বংশবাড়েবার্‌ খেমতা কম ন-এলঅ; তারা জনেদি বেশ্‌ ওইনে চেরোকিত্তে ছিদি পড়িলাক্‌ আর অমকদ বোলিবন্দ ওই উদিলাক্, আর তারাল্লোই মিসর দেজ্‌ছান্‌ ভুরি গেলঅ।

যাত্রা 32:13

তঅ চাগর্‌ অব্রাহাম, ইস্‌হাক আর ইস্রায়েলর কধা মনত্‌ তুল্। তুই নিজোর্‌ নাঙে শমক্‌ খেইনে তারারে কোইয়োচ্‌, তারার্‌ বংশধরুনোরে আগাজ তারা ধোক্ক্যেন গুণি ন-পুড়েইয়্যে গুরি তুলিবে আর তর্‌ শমক্‌ খেইয়্যে দেজ্‌চান পুরো বেক্কানই উমরর্ অধিকার ইজেবে তারার্‌ বংশধরুনোরে দিবে।

যিরমিয় 33:22

মর্ চাগর দায়ূদোর বংশধরুনোত্তে আর যে লেবীয়গুনে মঅ মুজুঙোত্ থিয়্যেইনে সেবা-কাম্ গরন তারারে মুই আগাজ তারা ধোক্ক্যেন বাড়েই দিম্ আর সাগর-পার কোরোলী ধোক্ক্যেন গুরিম, যিগুন গণা ন-যায়।”

গণাণা 23:10

যাকোবর্ বংশধরুনে ধূল্যেকণা ধোক্ক্যেন গুণি ন-পুড়েইয়্যে, কন্না তারারে গুণিই পারে? ইস্রায়েলের্‌ চের্‌ভাগর্‌ একভাগঅ কি কারঅ পক্ষে গুণোনা সম্ভব? উই গম মানুচ্চুনো ধোক্ক্যেন যেন মর্‌ মরন্‌ অয়; মর্‌ থুমান যেন অয় তারা ধোক্ক্যেন।”

দ্বি’লম্বর বিররণ 1:10

তমার গোজেন লগেপ্রভু তমা মানুচ্চুনোরে এদক বাড়েই দিয়্যেদে যে, এইচ্ছ্যে তুমি আগাজ তারা ধোক্ক্যেন গুণি ন পুড়েইয়্যে ওই উঠ্য।

ইব্রীয় 11:12

ইয়েনত্যে বয়জর্ কারনে অকেজো কিয়্যেলোই অব্রাহামে আগাজ তারা ধোক্ক্যেন আর সাগর পারর্ কোড়োলি ধোক্ক্যেন ভালোক্কুন্ পুয়ো-ছার্ বাপ্ ওইয়্যে।

ফগদাং পেইয়্যে 7:9

ইয়েনর্ পরেদি মুই পত্তি জাত্, গুট্টি, দেশ আর ভাষা ভিদিরেত্তুন্ এদক্ মান্‌জ্যর ভিড় দেগিলুং, তারারে কেঅ গুণি ন-পারিলাক্। ধুব্ কাবড় উরিনে তারা সেই সিংহাসন আর ভেড়া-ছবুয়ো মুজুঙোত্ খাজোর্ পাদা আঢত্ গুরিনে থিয়্যেই এলাক্।

বিচের গুরিয়্যেগুন 6:3

ইস্রায়েলীয়গুনে যেক্কে তারার্‌ ভূইয়ানিত্‌ বিজ্‌ ফেলেদাক্‌ সেক্কে মিদিয়নীয়গুনে, অমালেকীয়গুনে আর পূগেন্দি দেজর্‌ মানুচ্চুনে এইনে তারার্‌ দেজ্‌চান আক্রমণ গুরিদাক্‌।

বিচের গুরিয়্যেগুন 6:5

তারা তারার্‌ য়েমান পালুন্‌ আর তাম্বুলানি লোইনে পংগপালুনোর ঝাগঅ ধোক্কেন্‌ এদাক্‌; তারার্‌ মানুচ্চুন আর উট্‌তুন্‌ গুণি ন-পুড়েইয়্যে। তারা দেজ্‌চান শেজ্‌ গুরি দিবার আজালোই এদাক্‌।