পত্থম 12:7 - Chakma Bible

⁷ পরেদি লগেপ্রভু অব্রামরে দেগা দিইনে কলঅ,“এ দেজ্‌চান্‌ মুই তঅ বংশবোরে দিম্‌।” যিবে তারে দেগা দিয়্যে সে লগেপ্রভুর্ নাঙে অব্রামে সেক্কে সিয়েনত্‌ এক্কো ডালিপূজো বানেল।

পত্থম 12:7 ပူးပေါင်းရင်းမြစ်များ

পত্থম 12:8

সে পরেদি সিয়েনত্তুন্‌ তে বৈথল শঅর পুগেদি মুড়ো-মুড়ি চাগালাত্‌ উজেই গেলঅ আর পোজিমে বৈথল আর পুগেদি অয় শঅর ভিদিরে এক্কান জাগাত্‌ তা তাম্বুলান তাঙেল। লগেপ্রভুর্ নাঙে সিয়েনত্‌অ তে এক্কো ডালিপূজো বানেল আর লগেপ্রভুরে তার পাওনা সর্মান দিলো।

পত্থম 13:15

যেদক্কানি জাগা তুই দেগিবে সিয়েনি মুই তরে আর তঅ বংশবোরে উমরত্তে দিম্‌।

পত্থম 13:17

গোদা দেজ্‌ছান তুই একপল্লা ঘুরি আয়, কিত্তে এ দেজ্‌ছান মুই তরে দিম্‌।”

পত্থম 13:18

সেক্কে অব্রামে তা তাম্বুলান তুলি নেযেল আর হিব্রোণ চাগালার্‌ মম্রি নাঙে এক্কো মান্‌জোর্‌ এলোন ঝার কুরে সিয়েন ঠাঙেল। সিয়েনত্‌অ তে লগেপ্রভুর নাঙে এক্কো ডালিপূজো বানেল।

পত্থম 15:18

লগেপ্রভু সেদিন্যে অব্রামত্তে ইয়ান্‌ কোইনে এক্কান্‌ সুদোম্‌ রোক্ষ্যে গুরিলো, “মিসর গাঙত্তুন্‌ ধুরি আরাম্ভ গুরিনে বড়্‌ গাঙ্‌ ইউফ্রেটিস সং বেক্‌ দেজ্‌ছান্‌ মুই তঅ বংশবোরে দিলুং।

পত্থম 17:1

অব্রাম বয়জ যেক্কে নিরেনোব্বোই বজর সেক্কে লগেপ্রভু তারে দেগা দিইনে কলঅ “মুয়ই বেগত্তুন্ খেমতাবলা গোজেন। তুই মঅ সমারে উদোলোলিগান্ রাগা আর মর্‌ আওজ্ মজিম্‌ আঢিবে।

পত্থম 17:3

সেক্কে অব্রামে মাদিত্‌ মাদা নিগিরি পড়িলো, আর গোজেনে তা লগে কধা কুয়ো ধুরিলো।

পত্থম 17:8

যে কনান দেজত্‌ তুই ইক্কিনে বিদেশী ওইনে বজত্তি গরর্‌ তার বেক্কানি উমরর্‌ সোম্বোত্তি ইজেবে মুই তরে আর তঅ বংশবোরে দিলুং। মুই তারার বেক্কুনোর্‌ গোজেন ওলুং।”

পত্থম 18:1

অব্রাহামে যেক্কে মম্রির্ এলোন ঝার কায়কুরে বজত্তি গুরিদো সেক্কে লগেপ্রভু একদিন্যে তাইধু দেগা দিলো। অব্রাহামে সেদিন্যে দিবুজ্যে রোদোত্‌ তা তাম্বুলো দোরানত্‌ বুয়োই এলঅ।

পত্থম 22:9

যে জাগায়ান কধা গোজেন অব্রাহামরে কোইয়্যে তারা সিয়েনত্‌ যেইনে লুমিলাক্‌। সিয়েনত্‌ লুমিনে অব্রাহামে এক্কো ডালিপূজো বানেইনে সিবে উগুরে দার্‌বো সাজেল। পরেদি ইস্‌হাকরে বানিনে তারে সে ডালিপূজোবো দার্‌বোগানি উগুরে রাগেল।

পত্থম 24:7

স্বর্গর গোজেন লগেপ্রভু মরে মঅ বাবঅ ঘর-ভিদে আর মর্‌ জর্মেয়্যে জাগাত্তুন্‌ নিগিলেই আনিলো। তে মঅ লগে কধা কোইয়্যে আর শমত্‌ খেইনে কোইয়্যেদে, এ দেজ্‌সান্‌ তে মঅ বংশবোরে দিবো। তে তঅ আগেন্দি তা দূত্তোরে সিদু পাদেই দিবো যেনে মঅ পুয়োবোর্‌ মোক্‌ অবাত্তে তুই সিয়েনত্তুন্‌ এক্কো মিলে আনি পারচ্‌।

পত্থম 26:25

সেক্কে ইস্‌হাকে সিয়েনত্‌ এক্কো ডালিপূজো বানেল আর লগেপ্রভুরে যগাজ্যে সর্মান দিলো। সিয়েনত্ তে তা তাম্বুলান তাঙেল আর তা চাগরুনে এক্কো কূয়ো খুড়িলাক্‌।

পত্থম 26:3

ইক্কিনে এ দেজত্‌ তুই কয়েক দিনোত্তে বজত্তি গুরিবে। মুই নিজে তঅ সমারে থেইনে তরে বর্ দিম। এ দেজ্‌ছানি মুই তরে আর তঅ বংশর্‌ মানুচ্চুনোরে দিম্‌। ইয়েন বাদে মুই তঅ বাব্‌ অব্রাহাম ইধু যে শমত্তান্‌ গোজ্যং সিয়েনঅ অদে অদে রাগেম্‌।

পত্থম 28:13

আর লগেপ্রভু সিয়েন উগুরে ঠিয়েইনে কলঅ, “মুই লগেপ্রভু। মুই তঅ পুরোণি মানুচ্‌ অব্রাহামর গোজেন আর ইস্‌হাকরঅ গোজেন। তুই যিয়েনত্‌ ঘুম যর্‌ সে দেজ্‌চান মুই তরে আর তঅ বংশর্‌ মানুচ্চুনোরে দিম্‌।

পত্থম 28:4

যে বরান্ তে অব্রাহামরে গোজ্যে সে বরান্ তে তরে আর তঅ পরেদি তঅ বংশর্‌ মানুচ্চুনোরে গোরোক্‌। যে দেজচান গোজেনে অব্রাহামরে দিলো, যিয়েনত্‌ তুই ইক্কিনে বিদেশী ইজেবে আগচ্‌, সে দেজ্‌চান্‌ যেনে তইদু এজে।”

পত্থম 32:30

সেক্কে যাকোবে সে জাগান নাঙান রাগেল পনূয়েল (যিয়েনর্ ভেদ্‌তান্ “গোজেন মু”)। তে কলঅ, “মুই গোজেনরে মুজুঙো-মুজুঙি দেগিনেয়ো বাঁজি আগং।”

পত্থম 33:20

সিয়েনত্‌ তে এক্কান ডালিঘর বানেইনে সিয়েন নাঙান দিলো এল্‌-ইলোহে-ইস্রায়েল (যিয়েনর্‌ ভেদ্‌‌তান “ইস্রায়েলর্ গোজেনে আজল্ গোজেন”)।

পত্থম 35:12

যে দেজ্‌ছান্‌ মুই অব্রাহামরে আর ইস্‌হাকরে দুয়োং সে দেজ্‌ছান্‌ মুই তরে দিম। সে দেজ্‌ছান্‌ মুই তঅ পরেদি তঅ বংশর্‌ মানুচ্চুনোরে দিম্‌।”

পত্থম 35:7

সিদু তে এক্কো ডালিপুজো বানেল। তে সেই জাগায়ান নাঙান দিলো এল্‌-বৈথেল (যিয়নর্ ভেদ্‌তান্ “বৈথেলর গোজেন”), কিত্তে ভেইয়ুনো কায়-কুরেত্তুন্‌ ধেই এবার্‌ অত্তত্ গোজেনে সিধু তা মুজুঙোত্ নিজোরে ফগদাং গোজ্যে।

পত্থম 50:24

পরেদি এক সময়ত্‌ যোষেফে তা ভেইয়ুনোরে কলঅ, “মর্‌ মুরিবার্‌ অক্ত ওই এচ্চ্যে, মাত্তর্‌ ইয়েন্‌ ঘেচ্চেকগুরি, গোজেনে তমারে দেগাশুনো গুরিবো। তে অব্রাহাম, ইসহাক আর যাকোবরে যে দেজ্‌সান্‌ দিবো বিলি শমক্‌ গোজ্যে সে দেজ্‌সানত্‌ তে তমারে ইয়োত্তুন্‌ নেযেব।”

পত্থম 8:20

সে পরেদি নোহ লগেপ্রভুর্ নাঙে এক্কো ডালিপূজো বানেল আর পত্তি জাদর গম্‌ য়েমান্‌ আর পেগত্তুন্ কয়েক্কো নেযেনে সে ডালিপূজোবো উগুরে পুজ্যে-উৎসর্বর অনুষ্ঠান গুরিলো।

২ শমূয়েল 24:25

সে পরেন্দি তে সিদু লগেপ্রভুর নাঙে এক্কান ডালিপূজো বানেল আর পূজ্যে-উৎসর্ব আর উদোলোলি-উৎসর্বর অনুষ্ঠানান্‌ গুরিলো। এবাবোত্যেগুরি দেজত্তে তবনা গরা অলে লগেপ্রভু সিয়েন শুনিলো আর ইস্রায়েল দেজর্‌ ভানাগানি থামেল।

১ রাজাবলী 18:32

সে পাত্তরুন্দোই এলিয় লগেপ্রভুর নাঙে ইক্কো ডালিপুজো বানেল আর সিবের্‌ চেরোকিত্তে এমন্‌ নালা কাবিলো যিবের্‌ ভিদিরে বার কেজি বীজিলোই ভোজ্যে ইক্কো থৈল্যে বজা যায়।

১ বংশধর 16:16

সে সুদোমানি তে অব্রাহামত্তে থিদেবর্ গুরি দিয়্যে আর ইস্‌হাক ইদু শমক্‌ গোজ্যে।

১ বংশধর 16:18

তে কোইয়্যেদে, “মুই তরে কনান্‌ দেজ্‌ছান্‌ দিম্‌, সিয়েনই অবঅ তর্‌ পাওনা সোম্বোত্তি।”

২ বংশধর 20:11

গজক্ গোজ্যে ইজেবে যে সোম্বোত্তিগান্‌ তুই আমারে দুয়োচ্‌ ইক্কিনে রিনি চাহ্, সিয়েনর্‌ বদলে তারা কেধোক্ক্যেন গুরিনে সিয়োত্তুন্‌ আমারে ধাবেই দিবাত্তে এত্তন্‌।

২ বংশধর 20:7

ও আমার্‌ গোজেন, তঅ মানুচ্‌ ইস্রায়েলীয়গুনোর মুজুঙেত্তুন্‌ এ দেজর্‌ আদাম্মেগুনোরে ধাবেই দিইনে তুই সিয়েন্‌ তঅ সমাজ্যে অব্রাহাম বংশর মানুচ্চুনোরে উমরত্তে দুয়োচ্‌।

ইষ্রা 3:2

সে পরেদি যোষাদকর্ পুয়ো যেশূয় আর তা সমাজ্যে ধর্মগুরুগুন আর শল্টীয়েলর্ পুয়ো সরুব্বাবিল আর তা সমাজ্যেগুনে পূজ্যে-উৎসর্বর অনুষ্ঠানত্যে গোজেনর্ মানুচ্ মোশির রীদি-সুদোমর লেগা মজিম্ ইস্রায়েলর্ গোজেনর্ পূজোবো বানেলাক্।

যাত্রা 17:15

পরেদি মোশি এক্কান ডালিপূজো বানেইনে তার্‌ নাঙান্‌ দিলো যিহোবা নিঃষি (যিয়েনর্ ভেদ্‌তান্ “লগেপ্রভুই মর্‌ বাবতা”)।

যাত্রা 24:4

লগেপ্রভু যেদক্কানি কধা কোইয়্যে মোশি সিয়েনি লিগি রাগেল। তার্‌ কেল্যে মোশি বেন্যেপোত্যে উদিনে মুড়োবোর্‌ তলে এক্কো ডালিপূজো বানেল আর ইস্রায়েলীয় বারবো গুট্টির্‌ কধা মনত্‌ গুরিনে বারবো পাত্তরর্‌ খুদো বানেল।

যাত্রা 32:13

তঅ চাগর্‌ অব্রাহাম, ইস্‌হাক আর ইস্রায়েলর কধা মনত্‌ তুল্। তুই নিজোর্‌ নাঙে শমক্‌ খেইনে তারারে কোইয়োচ্‌, তারার্‌ বংশধরুনোরে আগাজ তারা ধোক্ক্যেন গুণি ন-পুড়েইয়্যে গুরি তুলিবে আর তর্‌ শমক্‌ খেইয়্যে দেজ্‌চান পুরো বেক্কানই উমরর্ অধিকার ইজেবে তারার্‌ বংশধরুনোরে দিবে।

যাত্রা 33:1

সে পরেদি লগেপ্রভু মোশিরে কলঅ‌, “তর্‌ যে মানুচ্চুনোরে তুই মিসর দেজত্তুন্‌ নিগিলেই আন্যচ্‌ তারারে নেযেইনে তুই এই জাগায়ান্‌ ছাড়িনে মর্‌ এগেম্ গোজ্যে দেজত্‌ যাহ্‌। সেই দেজ্‌ছান পৌইদ্যেনে মুই অব্রাহাম, ইস্‌হাক আর যাকোব ইদু এই এগেমান্‌ গোজ্যং, মুই তারার্‌ বংশধরুনোরে সিয়েন্‌ দিম।

যাত্রা 6:3

বেগত্তুন্‌ খেমতাবলা গোজেন ইজেবে মুই অব্রাহাম, ইস্‌হাক আর যাকোবরে দেগা দিদুং, মাত্তর্‌ লগেপ্রভু ইজেবে মুই যে কন্না, সিয়েন্‌ তারা ইধু ফগদাঙ্‌ ন-গুরিদুঙ্‌।

যাত্রা 6:4

মুই তারাত্যে মর্‌ সুদোমান থিদেবর্ গোজ্যং। সে সুদোমত্‌ মুই কোয়োংগে, তারা বিদেশী ইজেবে যিয়েনত্‌ বজত্তি গুরিদাক্‌ সে কনান্‌ দেজ্‌চান্‌ মুই তারারে দিম।

যিরমিয় 3:18

সে অক্তত্ যিহূদার মানুচ্চুনে ইস্রায়েল মানুচ্চুনো সমারে মিলিবাক্ আর মুই যে দেজ্‌‌‌চান অধিকার ইজেবে তমা পুরোণি মানুচ্চুনোরে দুয়োং সেই দেজত্ তারা এক সমারে উত্তোরেদি দেজত্তুন্ ফিরি এবাক্।‌‌‌

গণাণা 26:53

“গুণি নেযেয়ে মানুচ্চুনোর সোংখ্যে মজিম দেজ্‌চান্‌ ভাগ গুরি দিয়া পুরিবো যেনে তারা সিয়েনর গিরোজ্‌ অন্‌।

গণাণা 32:11

যে দেজ্‌চান্‌ দিবার্‌ কধা মুই অব্রাহামরে, ইস্‌হাকরে আর যাকোব ইদু শমক্‌ খেইনে এগেম্ গোজ্যং মিশরত্তুন্‌ নিগিলি এচ্চ্যে কুড়ি বা তাত্তুন্‌ বেশ্‌ বয়জর্‌ মানুচ্চুনো ভিদিরে কনজনে সিয়েন্‌ ন-দেগিবাক্, কিত্যে তারা মর্‌ কধানি পুরোপুরি মানি ন-চলন্।

প্রেরিত্‌ 7:5

নিজোর অধিকারত্যে গোজেনে অব্রাহামরে সিয়েনত্ কিচ্চু ন-দিলো, এক্কান ঠেং রাগাইদ্যে ধোক্ক্যেন ভূইয়ো নয়। মাত্তর্ গোজেনে তাইধু এগেম্ গোজ্যেদে যে, তারে আর সে পরেদি তা গুট্টিগুনোত্ত্যে অধিকার ইজেবে তে সেই দেশ্‌চান দিবো। মাত্তর্ সেক্কে অব্রাহামর কনঅ পুয়ো-ছা ন-এলঅ।

রোমীয় 9:8

ইয়েনর্ অত্তগান্ অলঅ, ইস্রায়েল জাদঅ ভিদিরে জর্ম ওইয়্যে বিলি কেঅ যে গোজেনর্ পুয়ো সিয়েন্ নয়, মাত্তর্ গোজেনর্ এগেম্ মজিম যিগুনোর্ জর্ম ওইয়্যে তারারে অব্রাহাম গুট্টির্ বিলিনে ধরা অবঅ।

গালাতীয় 3:16

অব্রাহাম আর তার্ গুট্টিগুনো ইধু গোজেনে এগেম্ গোজ্জ্যে। পবিত্র বোইবো ন-কয়, “গুট্টিগুনো ইধু,” অত্তাৎ ভালোক্ গুট্টি ইধু, বরং কোইয়্যেদে, “তর্ গুট্টিগুনো ইধু,” অত্তাৎ এক্কো গুট্টি ইধু, আর সেই গুট্টিগুনোর্ বংশ অলঅ খ্রীষ্ট।

গালাতীয় 4:28

ভেইলগ্, তুমি ইস্‌হাক ধোক্ক্যেন গোজেনর্ এগেম্বোই জোর্মেয়ো।

দ্বি’লম্বর বিররণ 1:8

চঅ‌, মুই সেই জাগায়ানি তমারে দি ফেল্যং। মুই লগেপ্রভু তমার্‌ পুরোণিমানুচ্‌ অব্রাহাম, ইসহাক, যাকোব আর তারার্‌ পরেন্দি তারার্‌ বংশধরুনোরে যে দেজ্‌ছান দিবাত্তে শমক্‌ খেইয়োং তুমি সিয়েনত্‌ যেইনে সেই দেজ্‌ছান গজক্ গরঅ।

দ্বি’লম্বর বিররণ 34:4

সে পরেন্দি লগেপ্রভু তারে কলঅ, “ইয়েনই সেই দেজ্‌চান যিয়েন অব্রাহাম, ইসহাক আর যাকোব ইদু শমক্ গুরি কোইয়োং, ‘দেজ্‌চান মুই তর বংশধরুনোরে দিম্‌।’ দেজ্‌চান মুই তরে নিজোর চোগেদি চেবার সুযোগ দিলুং, মাত্তর গাঙ্‌ পার ওইনে তর্‌ সিয়েনত্‌ যেই ন-পারিবো।”

দ্বি’লম্বর বিররণ 6:10

তমার পুরোণি মানুচ্‌ অব্রাহাম, ইস্‌হাক আর যাকোব ইদু তমা গোজেন্‌ লগেপ্রভু তমারে যে দেজ্‌ছান দিবার্‌ কধা শমক্‌ খেইনে কোইয়্যে সিদু তে তমারে নেযেব। সিদু আগেদে এন্‌ দোল্‌ আর দাঙর্‌ দাঙর্‌ শঅর্‌ যিয়েনি তুমি নিজেই ন-বানঅ,

দ্বি’লম্বর বিররণ 9:5

ধার্মিক বা গম্‌ বিলিনেই যে তুমি তারার্‌ দেজ্‌ছান্‌ গজক্ গুরিবাত্তে যর্‌ সিয়েন্‌ নয়, বরং তমার্‌ গোজেন লগেপ্রভু তমা পুরোণি মানুচ্‌ অব্রাহাম, ইসহাক আর যাকোব ইদু যে কধাগান্‌ এগেম্ গুরিনে কোইয়্যে সিয়েনি ছিড়েবাত্তে তে এ বেক্‌ জাদর্‌ ভান্ন্যেয়ানির্‌ কারনে তমা মুজুঙোত্তুন্‌ তারারে ধাবেই দিবো।

ইব্রীয় 11:13

এই মানুচ্চুনে বিশ্বেজ্ গুরিনে জিংকানি কাদেইনে মুরি যেইয়োন। গোজেনে তারারে যিয়েন দিবার এগেম্ গোজ্জ্যে সিয়েন তারা ন-পান্, মাত্তর্ দূরোত্তুন্ সিয়েন দেক্ক্যন আর হুজিয়ো ওইয়োন। এই পিত্‌থিমীত্ যে তারা বিদেশী আর পরদেজত্ বজত্তি গুরিয়্যে সিয়েন তারা স্বীগের্‌অ গোজ্জ্যন্।

ইব্রীয় 11:8

গোজেনে যেক্কে অব্রাহামরে ডাক্ক্যে সেক্কে বিশ্বেজত্যে তে গোজেনর্ কধার্ বাধ্য ওইয়্যে আর সোম্বোত্তি ইজেবে যে জাগায়ান তার্ পেবার্ কধা এলঅ সেই জাগানত্ তে যেয়্যে। যুনিয়ো সেক্কে বুঝি ন-পারে তে কুধু যার্ তো তে লদ্ দিয়্যে।

যিহোশূয় 1:6

“তুই বলী অ, মনত্‌ বল্‌ বান্‌, কিত্তেই যে দেজ্‌চান দিবার্‌ কধা মুই এ মানুচ্চুনোর পূরোণি মানুচ্চুনো ইদু শমক্‌ খেইনে কোইয়োং, সে দেজ্‌চান এ মানুচ্চুনোর অধিকার ইজেবপান্ তত্তুনোই ভাগ গুরি দিয়্যে পুরিবো।

যিহোশূয় 22:10

সে পরেন্দি তারা কনান দেজর যর্দন চাগালাত্‌ লুমিনে গাঙানর্‌ কায়কুরে বেক্কুনোর চোগোত্‌ পড়েদে ধোক্ক্যেন্‌ দাঙর্‌ এক্কো পূজো যুক্কোল্‌ গুরিলাক্‌।

যিহোশূয় 8:30

ইয়েনর্ পরেন্দি ইস্রায়েলীয়গুনো ইদু দিয়্যে লগেপ্রভুর চাগরবো মোশির উগুম মজিম যিহোশূয় এবল মুড়োবো উগুরে ইস্রায়েলীয়গুনোর গোজেন লগেপ্রভুর নাঙে এক্কো পূজো বানেল। মোশির রীদি-সুদোমর্ বোইবোত্‌ যেধোক্ক্যেন লেগা আঘে সে মজিম তে সিয়েন বানেল। পূজোবো বানাদে কনঅ পাত্তর্‌ কাবি নেযা ন-অয় আর সিবে উগুরে কনঅ‌ লুয়োর যন্ত্রপাতিয়ো বেবহার গরা ন-অয়। সে পূজোবো উগুরে ইস্রায়েলীয়গুনে লগেপ্রভুর নাঙে পুজ্যে আর উদোলোলি-উৎসর্বর অনুষ্ঠান গুরিলাক্‌।

বিচের গুরিয়্যেগুন 6:24

সেক্কে গিদিয়োনে সিয়েনত্‌ লগেপ্রভু নাঙে এক্কো ডালিপূজো বানেইনে সিবের্‌ নাঙান্‌ দিলো যিহোবা-শালোম (যিয়েনর্ ভেদ্‌তান্ “লগেপ্রভুই শান্তি”)। ডালিপূজোবো এজঅ সং অবীয়েষ্রীয়গুনোর অফ্রাতদ্‌ আঘে।

১ শমূয়েল 7:17

সে পরেন্দি তে রামাত্‌ তা ঘরত্‌ ফিরি গেলঅ। তে সিয়েনত্‌অ ইস্রায়েলীয়গুনোরে শাজন্ গুরিদো। সিদু লগেপ্রভুর নাঙে তে এক্কো পূজো বানেয়্যে।