পত্থম 11:31 - Chakma Bible

³¹ অব্রাম, লোট আর সারীরে নেযেইনে তেরহ কনান দেজত্‌ যেবাত্তে কল্‌দীয় দেজ ঊর শঅরত্তুন্‌ যাহ্ ধুরিলাক্‌। অব্রাম অলদে তেরহ পুয়ো, লোটে এলদে তেরহ নাদিন্‌, অত্তাৎ হারণর পুয়ো, আর সারী অলদে তেরহ পূদবো অব্রামর মোক্‌। পোইল্যাদি তারা হারণ নাঙে এক্কান শঅর্‌ সং গেলাক্ আর সিধু বজত্তি গরা ধুরিলাক্ ।

পত্থম 11:31 ပူးပေါင်းရင်းမြစ်များ

পত্থম 10:19

সীদোন শঅরত্তুন্‌ গরারত্‌ যেবার পদথ্‌ গাজা সং আর গাজাত্তুন্‌ সদোম, ঘমোরা, অদ্‌মা আর সবোয়ীমোত্‌ যেবার পদথ্‌ লাশা সং কনানীয়গুনোর দেজর্ দুযি এলঅ।

পত্থম 11:32

তেরহ দ্বিশঅ পাচ্ বজর বয়জত্‌ হারণ শঅরত্ মুরি গেলঅ।

পত্থম 12:4

লগেপ্রভুর্ কধা মজিম্‌ অব্রামে সেক্কে নিগিলি এলঅ আর লোটেয়ো তা লগে গেলঅ। হারণ শঅরান্ ছাড়ি যেবার সলাবোত্‌ অব্রামর বয়জ অলদে পাচাত্তুর্ বজর।

পত্থম 12:5

তে তার মোক্‌ সারী আর ভেইপুত্‌ লোটরে লোইনে নিগিলিলো। নিজোর্‌ বেক্কানি নেযেইনে আর যিদুক্কুন চাগর-চাগরানীরে তারা হারণত্‌ পেইয়োন্‌ তারারে লোইনে তে কনান দেজ মোক্ক্যে যেইনে লুমিলোগোই।

পত্থম 14:12

অব্রাম ভেইপুত্‌ লোটে সেক্কে সদোমত্‌ বজত্তি গুদিদো। সে রাজাগুনে লোটর বেক্‌ ধন-সোম্বোত্তিগানি সুমুত্তো তারেয়ো ধুরি নেযেলাক্।

পত্থম 15:7

লগেপ্রভু অব্রামরে কলঅ, “মুই লগেপ্রভু। এ দেজচানর্‌ গিরোজ অবাত্তে মুয়ই তরে কল্‌দীয়গুনোর ঊর শঅরত্তুন্‌ নিগিলেই আন্যং।”

পত্থম 24:10

ইয়েন পরেদি সে চাগর্‌বো তা গিরোজ উটো ঝাগত্তুন্‌ দোশ্‌ছুয়ো উট নেযেল। পরেদি গিরোজর্ বেক্‌ পযাপিরানিত্তুন্‌ কিজু কিজু নেযেইনে তে অরাম-নহরয়িম দেজ ইন্দি যাহ্ ধুরিলো। সে জাগানর্‌ যে শঅরানত্‌ নাহোরে বজত্তি গুরিদো তে সিদু গেলঅ।

পত্থম 24:15

তা কধাগান থুম্ অদে ন-অদে রিবিকা কুম্মো করত্‌গুরি শঅরত্তুন্‌ নিগিলি এলঅ। তে অলদে বথূয়েলর ঝি। বথূয়েলে এলঅ অব্রাহামর ভেই নাহোর মোক্কো মিল্‌কার পুয়ো।

পত্থম 27:43

সেনত্তে বাবা, তুই মঅ কধাগান শুন। তুই হারণ শঅরত্‌ মর্‌ ভেই লাবন ইধু ধেই যাহ্ আর তঅ ভেইবোর্‌ রাগকান্ ন-কমানা সং তাইধু থাক্কোই।

পত্থম 28:10

ইন্দি যাকোবে বের্‌-শেবা ছাড়িনে হারণ শঅর ইন্দি যাহ্ ধুরিলো।

২ রাজাবলী 19:12

মর্‌ পূরোণি মানুচ্চুনে যিদুক্কুন্‌ জাদরে ভস্ত গোজ্যন্‌ তারা দেবেদাগুনে, অত্তাৎ গোষণ, হারণ, রেৎসফ আর তলঃসরত্‌ বজত্তিগুরিয়্যে এদনর মানুচ্চুনো দেবেদাগুনে কি তারারে রোক্ষ্যে গোজ্যন্‌?

নহিমিয় 9:7

তুয়ই লগেপ্রভু গোজেন। তুই অব্রামরে বেঈ লোইনে কল্‌দীয়গুনোর দেজ্‌ছান্‌ ঊরত্তুন্‌ নিগিলেনেই লোই এচ্ছ্যস্‌ আর তা নাঙান্‌ রাগেয়োচ্ছে অব্রাহাম।

ইয়োব 1:17

দ্বিলম্বর মানুচ্চো সেক্কেয়ো কধা কর্‌ এন্‌ সময়োত্‌ আর এক্কো মানুচ্‌ এইনে হবর্‌ দিলো, “কল্‌দীয়গুনে তিন্নো দলত্‌ ভাগ ওইনে হানা দিইনে তঅ উট্‌তুন নেযেয়োন। তরে হবর্‌ দিবাত্তে বানা মুই রোক্ষ্যে পেইয়োং।”

যিশাইয় 37:12

মঅ পুরোণি মানুচ্চুনে যিদুক্কুন্ জাদরে ভস্ত গোজ্যন তারার্ দেবেদাগুনে, অত্তাৎ গোষণ, হারণ, রেৎসফ আর তলঃসরত্ বজত্তি গুরিয়্যে এদন মানুচ্চুনোর দেবেদাগুনে কি তারারে রোক্ষ্যে গোজ্যন্?

ইব্রীয় 11:8

গোজেনে যেক্কে অব্রাহামরে ডাক্ক্যে সেক্কে বিশ্বেজত্যে তে গোজেনর্ কধার্ বাধ্য ওইয়্যে আর সোম্বোত্তি ইজেবে যে জাগায়ান তার্ পেবার্ কধা এলঅ সেই জাগানত্ তে যেয়্যে। যুনিয়ো সেক্কে বুঝি ন-পারে তে কুধু যার্ তো তে লদ্ দিয়্যে।