পত্থম 11:27 - Chakma Bible

²⁷ ইবে অলঅ তেরহ বংশর কধা। তেরহ পুয়োগুনোর্ নাঙানি অলঅ অব্রাম, নাহোর আর হারণ, আর হারণ পুয়োবোর নাঙান্‌ লোট।

পত্থম 11:27 ပူးပေါင်းရင်းမြစ်များ

পত্থম 11:31

অব্রাম, লোট আর সারীরে নেযেইনে তেরহ কনান দেজত্‌ যেবাত্তে কল্‌দীয় দেজ ঊর শঅরত্তুন্‌ যাহ্ ধুরিলাক্‌। অব্রাম অলদে তেরহ পুয়ো, লোটে এলদে তেরহ নাদিন্‌, অত্তাৎ হারণর পুয়ো, আর সারী অলদে তেরহ পূদবো অব্রামর মোক্‌। পোইল্যাদি তারা হারণ নাঙে এক্কান শঅর্‌ সং গেলাক্ আর সিধু বজত্তি গরা ধুরিলাক্ ।

পত্থম 12:4

লগেপ্রভুর্ কধা মজিম্‌ অব্রামে সেক্কে নিগিলি এলঅ আর লোটেয়ো তা লগে গেলঅ। হারণ শঅরান্ ছাড়ি যেবার সলাবোত্‌ অব্রামর বয়জ অলদে পাচাত্তুর্ বজর।

পত্থম 12:5

তে তার মোক্‌ সারী আর ভেইপুত্‌ লোটরে লোইনে নিগিলিলো। নিজোর্‌ বেক্কানি নেযেইনে আর যিদুক্কুন চাগর-চাগরানীরে তারা হারণত্‌ পেইয়োন্‌ তারারে লোইনে তে কনান দেজ মোক্ক্যে যেইনে লুমিলোগোই।

পত্থম 14:12

অব্রাম ভেইপুত্‌ লোটে সেক্কে সদোমত্‌ বজত্তি গুদিদো। সে রাজাগুনে লোটর বেক্‌ ধন-সোম্বোত্তিগানি সুমুত্তো তারেয়ো ধুরি নেযেলাক্।

পত্থম 22:20

এ ঘটনাগানির্‌ পরেদি অব্রাহামে শুনিলোদে, এ ভিদিরে তা ভেই নাহোর মোক্ মিল্‌কার কয়েক্কো পুয়ো ওইয়োন।

যিহোশূয় 24:2

যিহোশূয় বেক্‌ মানুচ্চুনোরে কলঅ, ইস্রায়েলীয়গুনোর গোজেন লগেপ্রভু কোইয়্যেদে, ভালোক্‌ দিন আগেন্দি তমা পূরোণি মানুচ্চুনে ইউফ্রেটিস গাঙর্‌ উইপারত্‌ বজত্তি গুরিদাক্‌ আর দেব-দেবেদাগুনোরে পূজো গুরিদাক্‌। তারা ভিদিরে এক্কো এলঅ‌ অব্রাহাম আর নাহোরর বাপ্পো তেরহ।

২ পিতর 2:7

মাত্তর্ লোটরে তে বাজেয়্যে। লোটে গোজেনভক্ত মানুচ্ এলঅ। সিধুগোর্ সুদোম-অমান্যগুরিয়্যে মানুচ্চুনোর জঘন্য চালচলনত্ তে দুঘ্ পেদঅ।