পত্থম 1:29 - Chakma Bible

²⁹ ইয়েন পরেদি গোজেনে কলঅ, চঅ, পিতথিমীয়ান উগুরে বেক্‌ শোজ্য আর শাক-পাদ্‌ যিগুনোর নিজোর বিজি আগন্‌ আর পত্তি গাজর্‌ যিগুনোর্‌ গুলোগুনো ভিদিরে নিজোর বিজি আগন্‌ সিগুন মুই তমারে দিলুঙ্‌। ইগুনোই তমার হানা অবঅ।

পত্থম 1:29 ပူးပေါင်းရင်းမြစ်များ

পত্থম 2:16

সে পরেদি লগেপ্রভু গোজেনে তারে উগুম গুরিনে কলঅ, তুই তঅ মনহুজিয়ে এ বাগানানর যে কনঅ গাজর গুলোগুন্‌ হেই পারচ্‌;

পত্থম 6:21

আর তুই নানান্ বাবোত্যে হেবার জিনিস জুক্কুলে থুবেই রাগেবে। সিয়েনি অবঅ তর্‌ আর তারার হানা।”

পত্থম 9:3

জেদা আর ঘুরি বেড়েয়্যে বেক্‌ প্রাণীগুন তমার হানা অবঅ। হানা ইজেবে মুই আগে যেবাবোত্যে তমারে শোজ্য আর শাক্‌-পাদ্ দুয়োং সেবাবোত্যে ইক্কিনে বেক্কানি তমারে দিলুং;

ইয়োব 36:31

ইয়েনিলোই তে পুরো জাত্‌তুনোরে শাজন্ গরে আর বোউত্ হানা যোগেই দে।

গীতসংহিতা 111:5

তা ভক্তগুনোরে তে হানা যুগেই দে; তার থিদেবর্ গোজ্যে সুদোমান তে কনদিন্‌অ ভুলি ন-যেবঅ।

গীতসংহিতা 115:16

স্বর্গগান অলঅ লগেপ্রভুর স্বর্গ, মাত্তর্ পিত্‌থিমীগান তে মান্‌জ্যরে দিয়্যে।

গীতসংহিতা 136:25

যিবে বেক্ প্রাণিগুনোরে হানা দে তারে ভালেদি জানঅ; - তার কোচ্‌পানাগান উমরত্তে থিদেবর্ গোজ্যে।

গীতসংহিতা 146:7

তে অত্যেচারিগুনোর তপ্পে দোল্ বিচের গরে আর যিগুনোর পেট্‌পরা আঘে তারারে হানা দে; লগেপ্রভু বন্দিগুনোরে উদ্ধোর্ গরে।

গীতসংহিতা 147:9

য়েমানুনো হানাগানি তেয়ই যোগেই দে; কবাগুনো ছঅগুনে যেক্কেনে ডগরন্ সেক্কেনে তেয়ই তারারে হানা দে।

গীতসংহিতা 24:1

পিত্‌‌থিমী আর তা ভিদিরে বেক্কানি লগেপ্রভুর; জগদৎ আর তা ভিদিরে যিগুনে বজত্তি গরন্ তারায়ো তার্;

যিশাইয় 33:16

সে মানুচ্চো গমেডালে বজত্তি গুরিবো আর তার আশ্রয় অবদে মুড়োমুড়ি ঘরান্। তারে হানার্ যগান্ দিয়্যে অবঅ আর তে হামাক্কায় পানি পেবঅ।

হোশেয় 2:8

তে স্বীগের্ ন-গুরিদো যে, মুয়ই তারে সেই শোজ্য, নূয়ো আংগুর-রস আর তেল দিদুং, তারে বোউত্ সনা আর রূবো দিদুং, যিয়েনি তে বাল দেবেদাত্তে বেবহার গোজ্যে।

মথি লেখ্যে গম্ হবর্ 6:11

যে হানাগান্ আমার্ দরকার সিয়েন্ এচ্চ্যে আমারে দে।

প্রেরিত্‌ 14:17

মাত্তর্ তো তে নিত্য নিজো পৌইদ্যেনে সাক্ষি দিয়্যে। তে আগাজত্তুন্ ঝড় দিইনে আর সময় মজিম ফসল দান গুরিনে তার্ দোয়্যে তমারে দেগেয়্যে। তে ভালোক্কানি হানা দান গুরিনে তমা মনানিরে হুজিয়্যে ভর্‌‌‌পুনোং গোজ্যে।”

প্রেরিত্‌ 17:28

কিয়া তা বল্লোই আমি জিংকানি কাদেই আর আঢাউদো গুরিই আহ্ জেদায়ো থেই। তমারে কয়েক্কো কবিয়ো কোইয়োন, আমিয়ো তার্ পুয়ো।

১ তীমথিয় 4:3

ইগুনে মান্‌জ্যরে মোক্ ন-লবার উগুম দুুয়োন আর কনঅ কনঅ হানা খাদে মানা গরন্। মাত্তর্ বিশ্বেজিগুনে, যিগুনে গোজেনর্ সত্যগানরে জান্ন্যন্, তারা যেন ভালেদি জানেইনে খান সেনত্যে দঅ গোজেনে এই বেক্ হানাগানি সৃট্টি গোজ্যে।

১ তীমথিয় 6:17

যিগুনে এ জগদত্ থাগোইয়্যে তারারে এ উগুমান দে যেন তারা দেমাগ্ ন-গরন আর কানগ্‌‌কন্ন্যে ধন উগুরে নির্ভর ন-গুরিনে গোজেন উগুরে নির্ভর গরন। তেয়ই ভোগ্ গুরিবাত্যে বেক্ জিনিস্‌‌চানি খুলো আঢে আমারে দান গরে।