পত্থম 1:28 - Chakma Bible

²⁸ গোজেনে তারারে বর্‌ দিইনে কলঅ, “তুমি বংশবাড়েবার খেমতালোই ভুরি যঅ, আরঅ নিজোর মানুচ্চুন বাড়েইনে পিত্‌থিমীগান ভোরেই ফেলঅ আহ্ পিতথিমীগান্‌ নিজোর্‌ শাজনত্‌ আনঅ। ইয়েনবাদে তুমি দোজ্যে সাগরর মাছ, আগাজ পেক্‌, আর মাদি উগুরে ঘুরি বেড়েইয়্যে বেক্‌ জেদা পরাণবলাগুনো উগুরে রাজাগিরি গরঅ।”

পত্থম 1:28 ပူးပေါင်းရင်းမြစ်များ

পত্থম 1:22

গোজেনে তারারে ইয়েন কোইনে বর্ দিলো, “বংশ বাড়েবার খেমতালোই ভুরি যেইনে তুমি নিজোর মানেইয়ুন্‌ বাড়, আর সিগুনদোই দোজ্যে সাগর পানি ভোরেই ফেলঅ। পিত্‌থিমীয়ান উগুরে পেক্কুনেয়ো নিজোর নিজোর সোংখ্যেগুন্‌ বাড়াদোক্।”

পত্থম 17:16

মুই তারে বর্ দিইনে তা ভিদিরেদি তরে এক্কো মরদপুয়ো দিম্‌। মুই তারে আরঅ বর্ দিম্‌ যেনে তে ভালোক্কুন জাদর্‌ আর তারা রাজাগুনোর্‌ আগ মা অয়।”

পত্থম 17:20

শুনিচ্‌, মুই তারেয়ো বর্ দিম্‌ আর ভালোক্কুন্‌ পুয়ো দিইনে তা বংশর্‌ মানুচ্চুনোরে বোউত্‌ বাড়েই দিম্‌। তেয়ো বারবো গুট্টি-নেতার্‌ আগ বাপ্‌ অবঅ আর তা ভিদিরেত্তুন্‌ মুই এক্কো দাঙর্‌ জাত্‌ বানেম্‌।

পত্থম 24:60

তারা রিবিকারে বর্ দিইনে কলাক্, “বোন, তুই ভালোক্কুন ঝি-পুয়োর্‌ মা ওস্‌। তর্‌ ঝি-পুয়োগুন্‌ যেনে শত্রুগুনোর্‌ বেক্‌ শঅরানি জিদিনে নেযেই-পারন্‌।”

পত্থম 26:24

সে রেদোত্‌ লগেপ্রভু তারে দেগা দিইনে কলঅ, “মুই তঅ বাপ্পো অব্রাহাম গোজেন। কিচ্ছু ন-দোরেবে, কিত্তে মুই তঅ সমারে আগং। মঅ চাগর্‌ অব্রাহামত্তে মুই তরে বর্ দিম্‌ আর তঅ বংশবো বাড়েই দিম্‌।”

পত্থম 33:5

পরেদি এষৌ মুয়োন্‌ তুলিনে সে বেক্‌ মিলেগুন্‌ আর পুয়ো-ঝিগুনোরে দেগিনে পুযোর্‌ গুরিলো, “তঅ লগে ইগুন্‌ কন্না?” যাকোবে কলঅ, “গোজেনে দোয়্যে গুরি তঅ চাগর্‌বোরে এ পুয়ো-ঝিগুন দিলো।”

পত্থম 49:25

তঅ বাবঅ গোজেনে তরে বল্‌ দিবো। বেগত্তুন্‌ খেমতাবলা গোজেনে তরে উগুরেত্তুন্‌ আগাজর্ বর্ আর মাদি তলেত্তুন উইফুদো বর্ দিবো। মিলেগুনো পেদত্‌ পুয়ো দিইনে আর তা বুগোত্‌ দুধ দিইনে তে তরে আশিদ্‌বাদ গুরিবো।

পত্থম 5:2

সৃট্টি গুরিলো মরদ আর মিলে ইজেবে আর তারারে বর্ দিলো। সৃট্টির সময়োত্‌ তে তারা নাঙানি দিলোদে মানুচ্‌।

পত্থম 6:1

মানুচ্চুনে যেক্কে পিত্‌থিমীয়ান উগুরে নিজোর সংখ্যেগুন বাড়েই নেযাদন্‌ আর তারা ভিদিরে বোউত্‌ মিলের্‌অ জর্ম অলঅ সেক্কে গোজেন পুয়োগুনে এ মিলেগুনোরে দোল্‌ দেগিনে যে যিবেরে মনে কয় তারে লোয়া ধুরিলাক্।

পত্থম 8:17

আর সে লগে বেক্‌ য়েমানুন-পেক্কুন আর বুক্কোই-আঢি বেড়েয়্যে প্রাণীগুন, অত্তাৎ যিদুক্কুন য়েমান আগন্‌ তারারে বেক্কুনোরে নিগিলেই আন। মুই চাং পিত্‌থিমীয়ানত্‌ তারার বংশ বোউত্‌ বাড়ন্‌ আর বংশবাড়েবার খেমতালোই তারা জনেদি বাড়ি উদোন।”

পত্থম 9:1

গোজেনে নোহ আর তা পুয়োগুনোরে বর্ দিইনে কলঅ, “তুমি বংশবাড়েবার খেমতালোই জনেদি বাড়ি উদো আর পিত্‌থিমীগান ভোরেই ফেলঅ।

পত্থম 9:7

তুমি তমার বংশবাড়েবার খেমতালোই নিজো মানুচ্চুন বাড়েই তুলো। তুমি পিত্‌থিমীর চেরোকিত্তে ছিদি পড়অ আর নিজো মানুচ্চুন্ আরঅ বাড়অ।”

১ বংশধর 4:10

যাবেষ ইস্রায়েল গোজেনরে ডাগিনে কোইয়্যেদে, “তুই মরে বর্ দে আর মঅ সোম্বোত্তিগানি বাড়েই দে। তঅ বলান্‌ মঅ সমারে থোক্‌ আর দজাত্তুন্‌ তুই মরে রোক্ষ্যে গর্‌ যেনে মুই দুগ্‌ ন-পাং।” আর গোজেনে তার্‌ কোজোলিগান্‌ রোক্ষ্যে গুরিলো।

ইয়োব 39:11

তার্ অমকদ বলানত্তে কি তা উগুরে তুই বিশ্বেজ্ গুরিবে? তর্ গুয়োর্ কামানি কি তুই তারে গুরিবাত্তে দিবে?

ইয়োব 42:12

লগেপ্রভু ইয়োব জিংকানির পত্তম অবস্থাত্তুন পরেদি অবস্থাগান আরঅ দোল্ গুরি দিলো। তার চৌদ্দো আজার ভেড়া, ছঅ আজার উট, এক আজার জোড়া দামারা গোরু আর এক আজার গাধা অলাক্।

গীতসংহিতা 107:38

তে তারারে আশিদ্‌বাদ গরে আর তারা জনেদি বোউত্ বাড়ন্; তে তারার য়েমান পালুন্ কমিবাত্তে ন-দে।

গীতসংহিতা 115:16

স্বর্গগান অলঅ লগেপ্রভুর স্বর্গ, মাত্তর্ পিত্‌থিমীগান তে মান্‌জ্যরে দিয়্যে।

গীতসংহিতা 69:34

দেবাবো আর পিত্‌থিমীগানে তারে নাং গিনোদোক্; দোজ্যে সাগর আর সাগর ভিদিরে ঘুরি বেড়েয়্যে বেক্ প্রাণিগুন তারে নাং গিনোদোক্;

গীতসংহিতা 8:6

তঅ আঢে বানেবার শাজন্ ভারান তুই তা আঢত্ দুয়োচ্ আর তা টেঙ তলাত্ রাগেয়োচ্ ইয়েনি বেক্কানি-

গীতসংহিতা 8:7

গোরু আর ভেড়া পাল আর পিত্‌‌থিমীর অন্য বেক্ য়েমানুন্,

যিশাইয় 45:18

লগেপ্রভু, যিবে দাঙর্ আগাজ্‌‌চান বানেয়্যে, তেয়ই গোজেন; যিবে পিত্‌‌থিমীগানর আরুগ্ দিয়্যে আর বানেয়্যে, তেয়ই সিয়েন থিদেবর্ গোজ্যে। তে বজত্তি গুরিবার অযোগ্য গুরি পিত্‌থিমীগান ন-বানায়, বরং মানুচ্চুনে যেনে বজত্তি গুরি পারন্ সেবাবোত্যেগুরি সিয়েন বানেয়্যে। তে কোইয়্যেদে, মুয়ই লগেপ্রভু, আর কনজন নয়।‌

লেবীয় 26:9

মুই তমারে সেক্কে কোচ্‌পানার চোগেন্দি চেম্‌ আর বংশ বাড়েইনে তমা মানুচ্চুন বাড়েই দিম, আর তমা সমারে মুই মর্‌ সুদোমান ঠিগ্ রাগেম।

১ তীমথিয় 4:3

ইগুনে মান্‌জ্যরে মোক্ ন-লবার উগুম দুুয়োন আর কনঅ কনঅ হানা খাদে মানা গরন্। মাত্তর্ বিশ্বেজিগুনে, যিগুনে গোজেনর্ সত্যগানরে জান্ন্যন্, তারা যেন ভালেদি জানেইনে খান সেনত্যে দঅ গোজেনে এই বেক্ হানাগানি সৃট্টি গোজ্যে।