পত্থম 1:27 - Chakma Bible

²⁷ পরেদি গোজেনে তা ধোক্ক্যেন গুরি মানুচ্‌ বানেল। অয়, তে গোজেন ধোক্ক্যেন গুরি মানুচ্‌ বানেল, বানেল মরদ আর মিলে ইজেবে।

পত্থম 1:27 ပူးပေါင်းရင်းမြစ်များ

পত্থম 2:18

সে পরেদি লগেপ্রভু গোজেনরে কলঅ, “মানুচ্চোর্‌ আজলে গায় গায় থানাগান্ ঠিগ্ ন-অর্‌। মুই তাত্যেই এক্কো তা যগাজ্যে মিলে বানেই দিম।”

পত্থম 2:7

পরেদি লগেপ্রভু গোজেনে মাদিলোই এক্কো মরদ্‌ মানুচ্‌ বানেল আর তা নাগত্‌ ফুন্‌ দিইনে তা ভিদিরে পরাণান্‌ ভোরেই দিলো। সেক্কে সে মানুচ্চো এক্কো জেদা প্রাণি অলঅ।

পত্থম 9:6

গোজেনে মানুচ্চুনোরে তা ধোক্ক্যেন গুরি বানেইয়্যে; সেনত্ত্যে কনঅ মান্‌জ্যরে যুদি কেউ খুন্‌ গরন্‌ সালে অন্য একজনত্তুন্‌ সে খুনীবোর পরাণান্‌ নেযা অবঅ।

গীতসংহিতা 139:14

মুই তরে বাঈনী গরং, কিত্তে মুই অমকদ আমক্ ওইদ্যে ধোক্ক্যেন ওইয়োং; আমক্ অবার্ তর্ বেক্ কামানি, মুই সিয়েন গমেডালে হবর্ পাং।

উপদেশক 7:29

বানা ইয়েন্ মুই হবর্ পেলুং, গোজেনে মান্‌জ্যরে গমেডালে বানেয়্যে, মাত্তর্ মানুচ্ নানান্ বাবোত্যে চালাগিগুরি পিজেদি যেয়োন্দোই।

যিশাইয় 43:7

মঅ নাঙে যিগুনোরে ডাগা অয়, মুই যিগুনোরে মর্ বাঈনী গুরিবাত্তে বানেয়োং, যিগুনোরে মুই দাঙর্ গোজ্যং আর বানেয়োং, তুমি তারারে পত্তিজনরে আন।’ ”

যিরমিয় 29:6

বৌ লোইনে পুয়ো-ছার্ জর্ম দুয়ো; তমা পুয়ো-ঝিগুনোরে মেলা গুরি দুয়ো যেনে তারার্‌‍অ পুয়ো-ছা অয়। সিয়েনত্ তমা মানুচ্চুন বাড়েবা, ন-কোমেবা।

মালাখি 2:15

লগেপ্রভু কি নেক্কোরে আর মোক্কোরে এক ন-গরে? কিয়্যেদি আর আত্মাদি তারা তারই। তারা কিত্তে এক? কিত্যে তে তারা মাধ্যমে এক্কো গোজেন ভক্ত বংশ রোক্ষ্যে গুরিবাত্তে চেইয়্যে। সেনত্তে তুমি তমা মন পৌইদ্যেনে উজিয়ার্ অ; গাবুজ্যেকালর্ মোগো লগে তুমি বেঈমানী ন-গোজ্য।

মথি লেখ্যে গম্ হবর্ 19:4

জোবত্ যীশু কলঅ, “তুমি কি ন-পড়অ, সৃট্টি গুরিয়্যেবো পত্তমে তারারে মরদ্ আর মিলে ইজেবে বানেয়্যে আর কোইয়্যেদে,

মার্ক 10:6

মাত্তর্ ইয়েন্অ লেগা আঘে যে, সৃট্টির আরাম্ভত্ গোজেনে তারারে মরদ্ আর মিলে ইজেবে বানেয়্যে।

ইফিষীয় 2:10

আমি গোজেনর্ আঢ্‌তোই বানেইয়্যে। গোজেনে খ্রীষ্ট যীশুর্ সমারে এগত্তর্ গুরিনে আমারে নুয়ো গুরিনে বানেয়্যে যেনে আমি গম কাম্ গুরিই। এ গম্ কামানি তে আগে ঠিগ্ গুরি থোইয়্যে, যেন আমি সিয়েনি গুরিনে জিংকানি কাদেই।

ইফিষীয় 4:24

আর গোজেনর্ দিয়্যে নুয়ো “মুই” নুয়ো কাবড় ধোক্ক্যেন উরো। সত্যর্ নিদ্দুজিগান আর পবিত্রতালোই এই নুয়ো “মুই” গোজেন ধোক্ক্যেন গুরি বানা ওইয়্যে।

দ্বি’লম্বর বিররণ 4:32

গোজেনে পিত্‌থিমীত মানুচ্‌ সৃট্টি গরানার্‌ পরেত্তুন্‌ ধুরি তমার্‌ সময়োত্‌ পুরোণি দিনুনোত্‌ তুমি তোগেই চঅ্‌; আগাজর্‌ এক কিত্তেত্তুন্‌ ধুরি অন্য কিত্তেন্দি সং তোগেই চঅ, যিয়েনি যিয়েনি ঘদের্‌ সিয়েনি ধোক্ক্যেন দাঙর্‌ আর কিজু ঘদের্‌ নাহি, বা সিয়েনি ধোক্ক্যেন আর কনঅ কিজুর্‌ কধা শুনো যেইয়্যে নাহি,

কলসীয় 1:15

এ পুয়োবো অলদে দেগা ন-যেইয়্যে গোজেনর্ অদে অদে ফগদাং। বেক্‌ সৃট্টির আগেদি তেয়ই এলঅ আর বেক্‌ সৃট্টির উগুরে তেয়ই আজল্লো,

কলসীয় 1:26

গোজেনর্ কধানি ভিদিরে যে গুমুরো সত্যগান পুরোণি মানুচ্চুনো ইধু যুগ যুগ ধুরি লুগেয়্যে এলঅ, ইক্কিনে তা মানুচ্চুনো ইধু সিয়েন ফগদাং ওইয়্যে।

বিচের গুরিয়্যেগুন 21:22

যেক্কে তারার বাপ্পুনে বা ভেইয়ুনে আমা ইদু বিচের্‌ দিবাত্তে এবাক্‌ সেক্কে আমি তারারে কবং, ‘তুমি এ মিলেগুনোরে দান গুরিনে আমা পক্ষেন্দি তারা উগুরে দোয়্যে দেগঅ। যুদ্ধোত্‌ আমি তারাত্তে সিদুক্কুন্‌ মিলে ন-পেই। ইয়েন পৌইদ্যেনে তমার্‌ কনঅ্‌ দুষ নেই, কিত্যে তুমি নিজে দঅ তমার্‌ মিলেগুনোরে তারারে ন-দুয়ো।’”