পত্থম 1:22 - Chakma Bible

²² গোজেনে তারারে ইয়েন কোইনে বর্ দিলো, “বংশ বাড়েবার খেমতালোই ভুরি যেইনে তুমি নিজোর মানেইয়ুন্‌ বাড়, আর সিগুনদোই দোজ্যে সাগর পানি ভোরেই ফেলঅ। পিত্‌থিমীয়ান উগুরে পেক্কুনেয়ো নিজোর নিজোর সোংখ্যেগুন্‌ বাড়াদোক্।”

পত্থম 1:22 ပူးပေါင်းရင်းမြစ်များ

পত্থম 1:21

এধোক্ক্যেন গুরি গোজেনে দোজ্যে সাগরর দাঙর্‌ দাঙর্‌ পরাণবলা আর পানিত্‌ একযদা গুরি বেড়েইয়্যে নানান্‌ জাদর জেদা পরাণবলা সৃট্টি গুরিলো। সিগুন বাদেয়ো গোজেনে নানান্‌ জাদর পেগঅ সৃট্টি গুরিলো। তারার বেক্কুনোর নিজোর নিজোর জাদ ধোক্ক্যেন বংশ বাড়েবার খেমতা ওইয়্যে। গোজেনে দেগিলদে সিয়েন জদবদে দোল্‌ ওইয়্যে।

পত্থম 1:23

এধোক্কেনগুরি সাজোন্যেয়ো গেলঅ বেন্যেমাদান এলঅ, আর সিয়েনি অলঅ পাচ্ দিনোত্‌ ।

পত্থম 1:28

গোজেনে তারারে বর্‌ দিইনে কলঅ, “তুমি বংশবাড়েবার খেমতালোই ভুরি যঅ, আরঅ নিজোর মানুচ্চুন বাড়েইনে পিত্‌থিমীগান ভোরেই ফেলঅ আহ্ পিতথিমীগান্‌ নিজোর্‌ শাজনত্‌ আনঅ। ইয়েনবাদে তুমি দোজ্যে সাগরর মাছ, আগাজ পেক্‌, আর মাদি উগুরে ঘুরি বেড়েইয়্যে বেক্‌ জেদা পরাণবলাগুনো উগুরে রাজাগিরি গরঅ।”

পত্থম 30:27

মাত্তর্‌ লাবনে তারে কলঅ, “যুদি মঅ উগুরে তমার কনঅ বেজার্ অবার্‌ কারন ন-থায়্‌ সালে ন-যেয়ো। নানান্ বাবোত্যে লক্ষণত্তুন্‌ মুই বুঝি পারঙত্তে, তমাত্তে লগেপ্রভু মরে বর্‌ দিয়্যে।”

পত্থম 30:30

মুই এবার্‌ আগেদি তমা য়েমান সোম্বোত্তি বেশ্‌ ন-এলাক, মাত্তর্‌ ইক্কুনি দঅ বাড়িনে বোউত্‌ বেশ্‌ ওইয়োন। মুই যিয়েনত্ টেং ফেলেয়োং সিয়েনত্ লগেপ্রভু তমারে আশিদ্‌বাদ্‌ গোজ্যে। মাত্তর্‌ ইক্কুনি মর্‌ নিজোর্‌ পরিবার কধা ভাবিবার্‌ সময় ওইয়্যে।”

পত্থম 35:11

গোজেন তারে আরঅ কলঅ, “মুয়ই বেগত্তুন্‌ খেমতাবলা গোজেন। তুই ভালোক্কুন্‌ পুয়ো-ছার্ বাপ্‌ ওইনে জনেদি বাড়ি উদ্। তঅ ভিদিরেত্তুন্‌ এক্কো জাদ্ উদিবো, আর উদিবো এক্কো ভালোক্ গুট্টির্‌ জাদ্। তঅ বংশত্‌ ভালোক্কুন্‌ রাজার্‌ জর্ম অবঅ।

পত্থম 8:17

আর সে লগে বেক্‌ য়েমানুন-পেক্কুন আর বুক্কোই-আঢি বেড়েয়্যে প্রাণীগুন, অত্তাৎ যিদুক্কুন য়েমান আগন্‌ তারারে বেক্কুনোরে নিগিলেই আন। মুই চাং পিত্‌থিমীয়ানত্‌ তারার বংশ বোউত্‌ বাড়ন্‌ আর বংশবাড়েবার খেমতালোই তারা জনেদি বাড়ি উদোন।”

পত্থম 9:1

গোজেনে নোহ আর তা পুয়োগুনোরে বর্ দিইনে কলঅ, “তুমি বংশবাড়েবার খেমতালোই জনেদি বাড়ি উদো আর পিত্‌থিমীগান ভোরেই ফেলঅ।

ইয়োব 40:15

বহেমোতরে চাহ্, তঅ সমারে মুই তারেয়ো বানেয়োং; তে গোরু ধোক্ক্যেন ঘাস খায়।

ইয়োব 42:12

লগেপ্রভু ইয়োব জিংকানির পত্তম অবস্থাত্তুন পরেদি অবস্থাগান আরঅ দোল্ গুরি দিলো। তার চৌদ্দো আজার ভেড়া, ছঅ আজার উট, এক আজার জোড়া দামারা গোরু আর এক আজার গাধা অলাক্।

গীতসংহিতা 107:31

মান্‌জ্য ইদু লগেপ্রভুর আমক্ অবার কামানিত্তে আর তার অমকদ কোচ্‌পানার কারনে সিগুনে তারে ভালেদি জানাদোক্।

গীতসংহিতা 107:38

তে তারারে আশিদ্‌বাদ গরে আর তারা জনেদি বোউত্ বাড়ন্; তে তারার য়েমান পালুন্ কমিবাত্তে ন-দে।

গীতসংহিতা 128:3

তঅ ঘর গুদি ভিদিরে তঅ মোক্কো গুলো গুলিয়ে ভরা আংগুর্ গাজ ধোক্ক্যেন অবঅ; তঅ হাইদ্যে টেবিলো চেরোকিত্তে তঅ পুয়ো-ছাগুন জলপাই গাজ চারা ধোক্ক্যেন্ অবাক্।

গম্ উপদেজ্ 10:22

লগেপ্রভু যিবেরে বর্ দে তেয়ই তাগোয়্যে; সেই আশিদ্‌বাদত্ কনঅ দুঘ্ দরদ ন-থায়।

লেবীয় 26:9

মুই তমারে সেক্কে কোচ্‌পানার চোগেন্দি চেম্‌ আর বংশ বাড়েইনে তমা মানুচ্চুন বাড়েই দিম, আর তমা সমারে মুই মর্‌ সুদোমান ঠিগ্ রাগেম।