গালাতীয় 6:17 - Chakma Bible

¹⁷ শেজদি কং, কেঅ মরে দুঘ্ ন-দোক্, কিয়া যীশুর্ আঘাতর্ চিহ্নোগান মুই মঅ কিয়্যেগানত্ ভুগিনে লোই বেড়াঙর্।

গালাতীয় 6:17 ပူးပေါင်းရင်းမြစ်များ

যিশাইয় 44:5

একজনে কবঅ, তে লগেপ্রভুর্; আর একজনে যাকোব নাঙে নিজোর্ পরিচয়ান্ দিবো; অন্য আর একজনে নিজো আঢ উগুরে লিগিবো, তে লগেপ্রভুর্, আর তে ইস্রায়েল নাঙান্ মানি লবঅ।’ ”

যিহিষ্কেল 9:4

তে তারে কলঅ, “তুই যিরূশালেম শঅরান ভিদিরেদি যাহ্ আর সিয়েন ভিদিরে যেদক্কানি জঘন্য কাম গরা ওইয়্যে সেনত্তে যিগুনে ভঅ নিজেস্ ফেলেইনে ফবাদন্ তারা কবালত্ এক্কান গুরি চিহ্নো দুয়ো।”

প্রেরিত্‌ 15:24

“আমি শুনিলোং, আমা ভিদিরেত্তুন্ কয়েকজনে যেইনে ভালোক্কানি কধা কোইনে তমা মনানি যাগুলুগ্ গুরিনে দুঘ্ দুয়োন, মাত্তর্ আমি তারারে এবাবোত্যে কাম্ গুরিবাত্তে ন-কোই।

২ করিন্হীয় 1:5

খ্রীষ্ট ধোক্ক্যেন গুরি আমি যেবাবোত্যে বোউত্ দুঘ্ সোজ্জ্য গুরির্ সেবাবোত্যেগুরি তা মাধ্যমে বোউত্ সান্তনা পেইর্।

২ করিন্হীয় 4:10

আমি নিত্য প্রভু যীশুর্ মরণান্ আমা কিয়্যেত্ ভুগিনে লোই বেড়ের্, যেন আমা কিয়্যে ভিদিরে যীশুর্ জিংকানিগান্অ ফগদাং অয়।

গালাতীয় 1:7

আসলে সিয়েন দঅ কনঅ গম হবর্ নয়। তো কিজু মানুচ্‌ আঘন যিগুনে তমারে থির্ থেবাত্তে ন-দেদন্, আর খ্রীষ্ট পৌইদ্যেনে গম হবর্ বুদুলিবাত্যে চাদন্।

ফিলিপীয় 3:10

মুই খ্রীষ্টরে জানিবাত্যে চাং আর যে খেমতালোই তারে মরণত্তুন্ জেদা গরা ওইয়্যে সেই খেমতাগানরে জানিবাত্যে চাং। মুই তার্ দুঘোর্ ভাগী অবার্ চাং। আজল্ কধা, যে মনভাব্‌পোই তে মোজ্জ্যে মুইয়ো সেবাবোত্যে মনভাব্ পেবাত্যে চাং।

কলসীয় 1:24

মুই তমাত্যে যে দুঘ্ ভুগোঙর্ সিয়েনত্যে মুই হুজি। খ্রীষ্টর্ কিয়্যেগানর্, অত্তাৎ মন্ডলীত্যে তার্ যে দুঘোত্ ভুগোনা এজঅ বাগী আঘে সিয়েন মুই মঅ কিয়্যেগান্দোই পূরেই দুয়োং।

ইব্রীয় 12:15

চঅ, কেঅ যেন গোজেনর্ দোয়্যেত্তুন্ বাদ্ ন-পড়ন্। চঅ, বিষ্‌বলা তিদে গাজ শিঙোর ধোক্ক্যেন্ গেজেই উদিনে কেঅ যেন দুঘ্ বাড়েইনে ভালোক্ জনরে অসিজি ন-গরন্।

যিহোশূয় 7:25

সে পরেন্দি যিহোশূয় কলঅ, “কিত্তেই তুই আমা উগুরে এ দযাগান্‌ ডাগি আনিলে? এচ্চ্যে লগেপ্রভুয়ো তঅ‌ উগুরে দযা আনিবো।” সেক্কে বেক্‌ ইস্রায়েলীয়গুনে পত্তমে আখনরে আর পরেন্দি তা গিরির্‌ বেক্কুনোরে পাত্তর্‌ মেলা দিইনে মারে ফেলেলাক্‌। সে পরেন্দি বেক্কানিলোই তারারে পুড়ি ফেলেলাক্‌।

ফগদাং পেইয়্যে 13:16

তে চিগোন-দাঙর্, থাগোইয়্যে-নাঢা, গিরোজ্ আর চাগর্, বেক্কুনোরে ডেন্ আঢত্ বা কবাল উগুরে এক্কান চিহ্নো মানি লবাত্যে বাধ্য গুরিলো।

ফগদাং পেইয়্যে 13:17

সেনত্যে সেই চিহ্নোগান বাদে কেঅ কিচ্চু কিনি বা বেজি ন-পারিলাক্। সেই চিহ্নোগান অলঅ সেই য়েমান্নোর্ নাঙান্ বা তা নাঙানর্ লম্বর্‌বো।