গালাতীয় 5:5 - Chakma Bible

⁵ মাত্তর্ আমারে যে নিদ্দুজি বিলিনে মানি লুয়ো অবঅ, সেই ঘেচ্চ্যেকগুরি বিশ্বেজ্‌চান্দোই পবিত্র আত্মার মাধ্যমে আমি বাজ্জ্যে আঘিই;

গালাতীয় 5:5 ပူးပေါင်းရင်းမြစ်များ

পত্থম 49:18

ও লগেপ্রভু, তুই উদ্ধোর্‌ গুরিবে মুই সিয়েন বাজ্জেই আগং।

গীতসংহিতা 130:5

মুই লগেপ্রভুরে বাজ্জেই আগং, মঅ মনানে তারে বাজ্জেই আঘে। মুই তা কধা উগুরে আজা রাগেয়োং।

গীতসংহিতা 25:3

যে তঅ উগুরে আজা রাগায় তে লাজত্ ন-পড়িবো, মাত্তর্ যিগুনে অকারনে কুজুরোমি গরন্ তারা লাজত্ পড়িবাক্।

গীতসংহিতা 25:5

তর্ সত্যলোই মরে পরিচালনা গর্ আর মরে শিক্ষ্যে দে, কিত্যে তুয়ই মর্ উদ্ধোর্‌‍গুরিয়্যে গোজেন; নিত্য তঅ উগুরে মুই আজা রাগাং।

গীতসংহিতা 62:5

ও মর্ মনান্, তুই অলর্ গুরি বানা গোজেনরে বাজ্জেই থাক্, কিত্তেই তে তরে আশা দান গরে।

হোশেয় 12:6

ইক্কিনে ও যাকোব-বংশর মানুচ্চুন, তমা গোজেন ইধু তুমি ফিরি এজঅ; তুমি বিশ্বেজ্ আর ন্যায়বিচের্ রোক্ষ্যে গর্ আর নিত্য তমা গোজেনরে বাজ্জেই থাগঅ।

রোমীয় 5:21

সেই দোয়্যেগান ইয়েনত্তে বাড়িলো যাতে মরণর্ মাধ্যমে যেবাবোত্যেগুরি পাপ্পান্ রাজাগিরি গোজ্জ্যে, সেবাবোত্যেগুরি মান্‌জ্যরে নিদ্দুজি বিলি মানি লনার্ মাধ্যমে ইক্কিনে তার্ দোয়্যেগানে রাজাগিরি গুরিই পারে; আর সিয়েনর্ ফল অলঅ আমা প্রভু যীশু খ্রীষ্টর্ মাধ্যমে উমর জিংকানি পানা।

১ করিন্হীয় 1:7

সেনত্তে যেক্কে তুমি আমা প্রভু যীশু খ্রীষ্ট ফগদাং অবাত্তে আওজ্ গুরিনে বাজ্জেই আঘঅ সেক্কে গোজেনর্ দিয়্যে কনঅ দানর্ অভাব তমার্ ন-অর্।

ইফিষীয় 2:18

তার্ মাধ্যমে একই পবিত্র আত্মালোই বাবা ইধু যেবার্ অধিকার আমার বেক্কুনোর্ আঘে।

১ থিষলনীকীয় 1:10

আর স্বর্গত্তুন তা পুয়োবো এযানা পৌইদ্যেনে বাজ্জেই থেই পারঅ। সেই পুয়োবো অলঅ যীশু, যিবেরে তে মরণত্তুন্ জেদা গুরি তুল্ল্যে। গোজেনর্ যে সাজাগান লামি এজের্ সেই সাজাত্তুন্ এই যীশু আমারে রোক্ষ্যে গুরিবো।

২ থিষলনীকীয় 3:5

প্রভু যেন তমার মনানি গোজেনর্ কোচ্‌পানার পধেদি আর খ্রীষ্টর্ ধৈজ্জ্যর্ পধেদি চালেই নেযায়।

২ তীমথিয় 4:8

সেনত্যে মত্যে সৎ জিংকানির বক্‌শিজ্ তুলো আঘে। বিচের-দিনোত্ ন্যায় বিচেরক প্রভু মরে সেই বক্‌শিজ্ ইজেবে জিদেনার্ মালাবো দান গুরিবো। মাত্তর্ তে যে বানা মরে দান গুরিবো সিয়েন নয়, যিগুনে তার্ ফিরি এযানাত্যে আওজ্ গুরি বাজ্জেই আঘন্ তারারে বেক্কুনোরে দান গুরিবো।

তীত 2:13

আমার দাঙর্ গোজেনে আর উদ্ধোর গুরিয়্যে যীশু খ্রীষ্টর্ মহিমাভরা ফগদাঙর্ হুজিয়ে-ভরা আজা পূরেবাত্যে আওজ্‌ গুরিনে বাজ্জেই থেই।