গালাতীয় 5:24 - Chakma Bible

²⁴ যিগুনে খ্রীষ্ট যীশুর্, সিগুনে তারার্ পাপ-খাচ্চ্যত্‌তানরে বেক্‌ কামনা-বাসনা সমত্ ক্রুশোত্ দিইনে শেজ্ গুরি ফেল্ল্যন্।

গালাতীয় 5:24 ပူးပေါင်းရင်းမြစ်များ

রোমীয় 13:14

তুমি কাবড় ধোক্ক্যেন্ গুরি প্রভু যীশু খ্রীষ্টরে দিইনে নিজোরে ঢাগি ফেলঅ; পাপ-খাচ্চ্যদর্ আওজ্ পূরোণা ইন্দি মনানি ন-দুয়ো।

রোমীয় 6:6

আমি কোই পারিই, আমা পাপ খাচ্চ্যত্তানরে অকেজো গুরিবাত্যে আমা পুরোণি মুই মরে খ্রীষ্ট সমারে ক্রুশোত্ দিয়্যে ওইয়্যে যেন পাপর্ চাগর্ ওইনে আর আমার্ থা ন-পরে;

রোমীয় 8:13

যুনি তুমি পাপ-খাচ্চ্যদ্ মজিম চলঅ সালে তুমি উমরত্তে মুরিবা। মাত্তর্ যুনি পবিত্র আত্মালোই কিয়্যের্ বেক্‌ ভান্ন্যেই কামানি ভস্ত গুরি ফেলঅ সালে উমরত্তে জেদা থেবা,

রোমীয় 8:9

মাত্তর্ গোজেনর্ আত্মাগানে যুনি তমা মনত্ বজত্তি গরে সালে তুমি দঅ পাপ-খাচ্চ্যদর্ তলে নয় বরং পবিত্র আত্মার তলে। যিবে মনত্ খ্রীষ্টর্ আত্মা নেই তে খ্রীষ্টর্ নয়।

১ করিন্হীয় 15:23

মাত্তর্ সিয়েন ভিদিরে পালা আঘে-পত্তম ফল ধোক্ক্যেন পত্তমে খ্রীষ্ট, সে পরেদি যিগুনে খ্রীষ্টর্ নিজোর্। খ্রীষ্ট এবার্ অক্তত্ তারারে জেদা গরা অবঅ।

১ করিন্হীয় 3:23

তুমি খ্রীষ্টর্ আর খ্রীষ্ট গোজেনর্।

১ করিন্হীয় 6:13

আরঅ কেঅ কেঅ এ কধাগান-অ কন্, “হানা পেদত্যে আর পেট্‌তো হানাত্যে।” ভারী গম্ কধা, মাত্তর্ এ দ্বিয়েন জিনিস এক দিন গোজেনে বাদ্ দি দিবো। কিয়্যেগান বেভিচার গুরিবাত্যে নয় বরং সিয়েন প্রভুত্যে, আর প্রভু কিয়্যেগানত্তে।

২ করিন্হীয় 10:7

তুমি দঅ বারেদি চেঙেরাগান দেগর্। কেঅ যুনি নিজোরে খ্রীষ্টর্ বিলিনে বিশ্বেজ্ গরে তো ইয়েন্অ তার্ চিন্তে গরানা উচিত যে, তে যেবাবোত্যেগুরি খ্রীষ্টর্ সেবাবোত্যেগুরি আমিয়ো খ্রীষ্টর্ মানুচ্।

গালাতীয় 2:20

মরে খ্রীষ্ট সমারে ক্রুশোত্ দিয়্যে ওইয়্যে। সেনত্যে মুই আর্ জেদা নয়, খ্রীষ্টই মঅ ভিদিরে জেদা আঘে। ইক্কিনে এই কিয়্যেগান্দোই মুই যে জিংকানি কাদাঙর্ সিয়েন গোজেন পুয়োবো উগুরে বিশ্বেজর্ মাধ্যমে কাদাঙর্। তে মরে কোচ্‌‌‌‌পেইনে মত্যে নিজোরে দান গোজ্জ্যে।

গালাতীয় 3:26

খ্রীষ্ট যীশু উগুরে বিশ্বেজর্ মাধ্যমে তুমি বেক্কুনে গোজেনর্ পুয়ো ওইয়ো;

গালাতীয় 3:28

যিহূদী আর অযিহূদী ভিদিরে, চাগর্ আর গিরোজ ভিদিরে, মিলে আর মরদ ভিদিরে কনঅ ফারক্ নেই, কিয়া খ্রীষ্ট যীশু সমারে মিজেইনে তুমি বেক্কুনে এক ওইয়ো।

গালাতীয় 3:29

তুমি যেক্কে খ্রীষ্টর্ ওইয়ো সেক্কে অব্রাহামর্ গুট্টিয়ো ওইয়ো। আর গোজেনে যিয়েনি দিবার এগেম্ অব্রাহাম ইধু গোজ্জ্যে তুমিয়ো সিয়েনির অধিকারী ওইয়ো।

গালাতীয় 5:20

মূত্তি-পূজো, যাদুবিদ্যে, শত্রুতা, কোল্-কোজ্জ্যে, লুভ্, রাগ, স্বাত্তবাদি, অমিল, দলাদুলি,

গালাতীয় 6:14

প্রভু যীশু খ্রীষ্টর্ ক্রুশ বাদে মুই যেন আর কনঅ কিজুত্ দেমাগ্ ন-গরং। এ ক্রুশোর্ মাধ্যমে জগদ্‌তান্ মঅ ইধু মুরি যেইয়্যে আর মুইয়ো জগদ ইধু মুরি যেয়োং।

ইফিষীয় 3:1

ইয়েনত্যে মুই পৌল গোজেন ইধু তবনা গরঙর্। তুমি যিগুনে অযিহূদী তমাত্যে মুই খ্রীষ্ট যীশুর্ বন্দী ওইয়োং।

ইফিষীয় 3:11

ইয়েনই এলঅ তার্ উমরর্ আওজ্, আর সেই আওজ্‌চান তে আমার প্রভু যীশু খ্রীষ্টর্ মাধ্যমে পূরেই দিয়্যে।

ইফিষীয় 3:6

সেই গুমুরো উদ্দেচ্চ্যগান অলঅ ইয়েন-গম্ হবরর্ মাধ্যমে অযিহূদীগুনে খ্রীষ্ট যীশু লগে এগত্তর্ ওইনে যিহূদীগুনো লগে একই সুযোগর্ অধিকারি অবাক্, একই কিয়্যে ধোক্ক্যেন অবাক্, আর একই এগেম্ গোজ্জ্যে আশিদ্‌বাদর্ ভাগী অবাক্।

কলসীয় 2:11

ইয়েন বাদে তুমি খ্রীষ্ট লগে এগত্তর্ ওইয়ো বিলিনে তমার্ চুনু মাঢায়ো কাবা ওইয়্যে। এ চুনু মাঢা কাবানাগান কনঅ মান্‌জ্যর্ আঢে কাবানা ন-অয়, খ্রীষ্ট নিজেই সিয়েন গোজ্জ্যে; অত্তাৎ কিয়্যে উগুরে পাপ খাচ্চ্যদর্ যে খেমতাগান এলঅ সেই খেমতাত্তুন্ তে তমারে উদ্ধোর্ গোজ্জ্যে।

১ পিতর 2:11

কোচ্‌‌পেইয়্যে সমাজ্জ্যেগুন, এ পিত্‌থিমীত তুমি বিদেশী আর পরদেজত্ কয়েকদিন বজত্তি গুরিয়্যে বিলিনে মুই তমারে বিশেষ গুরিনে কোজোলী গরঙত্তে, তুমি পাপ-খাচ্চ্যদর্ কামনা-বাসনাত্তুন্ দূরোত্ থাগঅ,