গালাতীয় 5:17 - Chakma Bible

¹⁷ পাপ-খাচ্চ্যত্‌তানে যিয়েন চায় সিয়েন পবিত্র আত্মার্ বিরুদ্ধে আর পবিত্র আত্মাগানে যিয়েন চায় সিয়েন পাপ-খাচ্চ্যদর্ বিরুদ্ধে। পাপ-খাচ্চ্যত্‌তানে আর পবিত্র আত্মাগানে একজন আরেকজন বিরুদ্ধে কোইনে তুমি যিয়েন গুরিবাত্যে চঅ সিয়েন ন-গোজ্জ্য।

গালাতীয় 5:17 ပူးပေါင်းရင်းမြစ်များ

পত্থম 6:3

এ অবস্থা দেগিনে লগেপ্রভু কলঅ, “মর্ আত্মাগানে জনম্‌ ভুরি মানুচ্চুনো ইধু ন-থেবঅ, কিত্তে মানুচ্‌ মরনর্‌ অধীন। মুই তারারে একশঅ কুড়ি বজর সময় দোঙর্।”

গীতসংহিতা 119:133

তর্ কধা মজিম্ গম্ পধেন্দি চলিবাত্তে তুই মঅ টেঙানি ঠিগ্ গুরি দে; কনঅ অন্যেয় যেনে মঅ উগুরে ন-অয়।

গীতসংহিতা 119:159

চাহ্, মুই তর্ সুদোমানি কেধোক্ক্যেন্ গম্ পাং! ও লগেপ্রভু, তর্ কোচ্‌পানাগান মজিম্ মরে নূয়ো খেমতা দে।

গীতসংহিতা 119:176

আরি যেইয়্যে ভেড়া ধোক্ক্যেন্ মুই বজং পধেন্দি যেয়োং; তঅ চাগর্‌বোরে তুই তোগেই লঅ, কিত্তে তঅ উগুমানি মুই ভুলি ন-যাং।

গীতসংহিতা 119:20

তর্ সুদোমানি হবর্ পেবাত্তে নিত্য মঅ পরাণানর আওজ্‌ছান বেশ্।

গীতসংহিতা 119:32

তর্ উগুমে মুই পধেন্দি দাবা যেম্, কিত্তে তুই মর্ মনান্ খুলি দুয়োচ্।

গীতসংহিতা 119:35

তর্ উগুমোর পধেন্দি মরে চালা, কিত্তে সিয়েনিলোই মুই হুজি অং।

গীতসংহিতা 119:40

তর্ সুদোমানি পৌইদ্যেনে মর্ আওজ্ আঘে; তুই গম্ বিলিনে মরে নূয়ো গুরি খেমতা দে।

গীতসংহিতা 130:3

ও লগেপ্রভু, তুই যুনি অন্যেয়র ইজেব রাগাচ্, সালে ও প্রভু, কন্না থিয়্যেই থেই পারিবো?

গীতসংহিতা 65:3

মর্ অন্যেয় কামত্ মুই তলে পড়ি আগং, মাত্তর্ তুই আমা বেক পাপ্পানি খেমা গুরি থাচ্।

উপদেশক 7:20

পিত্‌থিমীত এবাবোত্যে কনঅ গম্ মানুচ্ নেই যে নিত্য গম্ কাম গরে, কনদিন্অ পাপ ন-গরে।

যিশাইয় 6:5

সেক্কে মুই কলুং, “হায়, মুই ভস্ত ওই গেলুং, কিত্তে মঅ মুয়োন্ ফিবলা আর মুই এবাবোত্যে মান্‌জ্য ভিদিরে বজত্তি গরং যিগুনোর্ মুয়োনি ফিবলা। মুই নিজো চোগেদি রাজারে, বেগত্তুন্ খেমতাবলা লগেপ্রভুরে দেখ্যং।”

মথি লেখ্যে গম্ হবর্ 12:30

যুনি কনজনে মঅ পক্ষে ন-থায় সালে তে মঅ বিপক্ষে আঘে। যে মঅ সমারে ন-কুড়োই তে ছিদি দে।

মথি লেখ্যে গম্ হবর্ 16:17

জোবত্ যীশু তারে কলঅ, “শিমোন বাপ-যোনা, তুই বর্‌পেইয়্যে, কিয়া কনঅ মানুচ্ তইধু ইয়েন্ ফগদাং ন-গরে; মঅ স্বর্গর্ বাপ্পো ফগদাং গোজ্যে।

মথি লেখ্যে গম্ হবর্ 16:23

যীশু ফিরিনে পিতররে কলঅ, “মঅ কায়-কুরেত্তুন দূর অ, শদান্। তুই মর্ পথ্তানর্ কাদা। যিয়েন গোজেনর্ সিয়েন তুই ন-ভাবর্ মাত্তর্ যিয়েন মান্‌জ্যর্ সিয়েন ভাবর্।”

মথি লেখ্যে গম্ হবর্ 26:41

জাগি থাগঅ আর তবনা গরঅ যেন পোরোক্ষ্যেত্ ন-পড়অ। আত্মায় আওজ্ আঘে ঠিগ্, মাত্তর্ কিয়্যেদি বল্‌পোজ্যে।”

মথি লেখ্যে গম্ হবর্ 5:6

যিগুনে মনে-পরাণে গোজেনর্ আওজ্ মজিম চলিবাত্তে চান্ তারা বর্‍‍‍‍‍পেইয়্যে, কিয়া তারার্ সেই আওজ্‌চান পূরোণ্ অবঅ।

লূকে লেখ্যে গম্ হবর্ 22:33

পিতর যীশুরে কলঅ, “প্রভু, তঅ সমারে মুই জেলোত্ যাদে আর মুরিবাত্তেয়ো যুক্কোল্ আঘং।”

যোহন 3:6

মান্‌জ্যত্তুন্ যিবে জর্মায় সিবে মানুচ্‌, আর যিয়েন্ পবিত্র আত্মাত্তুন্ জর্মায় সিয়েন্ আত্মা।

রোমীয় 8:13

যুনি তুমি পাপ-খাচ্চ্যদ্ মজিম চলঅ সালে তুমি উমরত্তে মুরিবা। মাত্তর্ যুনি পবিত্র আত্মালোই কিয়্যের্ বেক্‌ ভান্ন্যেই কামানি ভস্ত গুরি ফেলঅ সালে উমরত্তে জেদা থেবা,

গালাতীয় 3:21

সালে রীতি-সুদোমানি কি গোজেনর্ এগেমানির বিরুদ্ধে? নিচ্চয় নয়। যুনি গোজেনে এমন্‌ রীতি-সুদোম্ দিদো যিয়েনি জিংকানি দি পারে সালে সিয়েনি পালেইনে খামাক্কায় মানুচ্‌ গোজেনর্ মানি লোইয়্যে অদাক্।

যাকোব 3:2

আমি বেক্কুনে নানান্ ধগে অন্যেয় গুরি থেই। যুনি কেঅ কধালোই অন্যেয় ন-গরে সালে তে নিদ্দুজি; তার্ পুরো কিয়্যেগানরে তে সামেলেই পারে।