গালাতীয় 4:24 - Chakma Bible

²⁴ মুই আগারে-ইঙিদে ইয়েনি কঙর্। এ দ্বি'বে মিলে দ্বি'য়েন সুদোমরে বুঝোয়। এক্কান সুদোম সিনাই মূড়োবোত্তুন্ এচ্চ্যে আর সিয়েন তার্ অধীনোত্ মান্‌জ্যরে চাগর্ অবার পধেদি নেযার্। ইবে অলঅ সেই চাগরাণিবো হাগার।

গালাতীয় 4:24 ပူးပေါင်းရင်းမြစ်များ

পত্থম 16:8

স্বর্গদূত্তো কলঅ, সারীর চাগরানী হাগার্‌, তুই কুত্তুন্‌ এজর্‌ আর কুধু যেবে? জোবত্‌ হাগারে কলঅ, “মুই মঅ গিরোজর্ মোক্‌ সারীর কায়-কুরেত্তুন্‌ ধেই যাঙর্‌।”

পত্থম 25:12

সারার চাগরানী মিসরীয় হাগার পেদত্‌ অব্রাহামর পুয়ো ইশ্মায়েলর জর্ম ওইয়্যে।

যিহিষ্কেল 20:49

সেক্কে মুই কলুং, “ও প্রভু লগেপ্রভু, মানুচ্চুনে মঅ পৌইদ্যেনে কদন্, মুই বানা হিত্যে কধানি কঙর্।”

হোশেয় 11:10

তঅ মানুচ্চুনে মঅ পিজে পিজে যেবাক্, কিত্যে মুই সিংহ ধোক্ক্যেন ডাগিম। মুই ডাগানার্ পরেদি মঅ পুয়ো-ছাগুনে পোজিমেত্তুন্ গির্‌‌‌গিরাদে গির্‌‌‌গিরাদে এবাক্।

মথি লেখ্যে গম্ হবর্ 13:35

ইয়েন্ অলঅ যেন ভাববাদীর মাধ্যমে এই যে কধাগান্ কুয়ো ওইয়্যে সিয়েন্ পূরোণ অয়: শিক্ষ্যে-ভরা উপমা দিইনে মুই মুয়োন্ খুলিম্; জগদর্ আরাম্ভত্তুন্ ধুরি যিয়েনি যিয়েনি লুগেয়্যে এলঅ, সিয়েনি কোম্।

রোমীয় 8:15

তুমি দঅ চাগর মনভাব ন-পঅ যিয়েনত্যে দোরেবা; তুমি গোজেনর্ আত্মাগানরে পেইয়ো যিবে তমারে পুয়ো ইজেবে অধিকার্ দিয়্যে। সেনত্তে আমি গোজেনরে বাবা, মানে বাব্, বিলিনে ডাগিই।

১ করিন্হীয় 10:11

অন্য মানুচ্চুনে যেনে দেগিনে শিগি পারন্ সেনত্তে তারা উগুরে ইয়েনি ঘোট্যে। আর আমি যিগুনে যুগোর্ শেষ্ সময়োত্ এইনে লুম্মেয়ি, সিয়েনই আমারে উজিয়ার্ গুরিবাত্তে ইয়েনি বেক্কানি লেগা ওইয়্যে।

গালাতীয় 4:25

হাগার আরব দেজর্ সিনাই মুড়োবোরে বুঝোয়। হাগার ইধুগোর্ যিরুশালেমর এক্কান ফোটু ধোক্ক্যেন্, কিয়া যিরূশালেমান তার্ পুয়ো-ছাগুনোরে নিইনে চাগরাণি ওইয়্যে।

গালাতীয় 4:3

সেই একই মজিম আমিয়ো যেক্কে চিগোন্ এলং সেক্কে জগদর্ নানান্ সুদোমর্ চাগর্ এলং।

গালাতীয় 5:1

খ্রীষ্ট আমারে স্বাধীন গোজ্জ্যে যেন আমি স্বাধীন থেই পারিই। সেনত্যে তুমি থির্ থাগঅ, যেন কেঅ আরঅ তমারে চাগর্ বানেই ন-পারে।

দ্বি’লম্বর বিররণ 33:2

লগেপ্রভু সিনাই মুড়োত্তুন এলঅ, তে সেয়ীরত্তুন তারা উগুরে পহ্‌র দিলো; তার পহ্‌রান পারণ মুড়োত্তুন ছিদি পুরিলো। তে লাখ্ লাখ্ পবিত্র স্বর্গদুদোর মধ্যেত্তুন্ এলঅ; তার ডেন আঢ্‌তান্ রোইয়্যেদে তারাত্যে আগুনে ভরা আইন।

ইব্রীয় 11:19

অব্রাহামে তারে উৎসর্ব গুরিবাত্যে রাজী অলঅ, কিয়া তে বিশ্বেজ্ গুরিদো গোজেনে মরা মান্‌‍জ্যরে জেদা গুরি পারে। আর কধে কি, অব্রাহামে দঅ মরণ দুয়োরত্তুন্ ইস্‌হাকরে ফিরি পেইয়্যে।

ইব্রীয় 12:24

যিবে এক্কান নূয়ো সুদোমর্ কারিদ্যেং সেই যীশু ইধু এচ্চ্য; আর হেবল লো-গানত্তুন্ যে লো-গান্ আরঅ গম্ কধা কয়, তুমি সেই ছিদি দিয়্যে লো কায়কুরে এচ্চ্য।

ইব্রীয় 13:20

যে লো-গান্দোই শান্তি দিয়্যে গোজেনর্ উমর বেবস্থাগান অদে অদে ওইয়্যে সিয়েন্দোই গোজেনে আমা প্রভু যীশু খ্রীষ্টরে, অত্তাৎ ভেড়াগুনোর্ সেই দাঙর্ পালক্‌‌কোরে মরণত্তুন্ জেদা গুরি তুল্যে।

ইব্রীয় 7:22

ইয়েনত্তুন্ আমি বুঝি পারির্, যীশু আরঅ দাঙর্ এক্কান বেবস্থার জাবিন ওইয়্যে।