গালাতীয় 3:28 - Chakma Bible

²⁸ যিহূদী আর অযিহূদী ভিদিরে, চাগর্ আর গিরোজ ভিদিরে, মিলে আর মরদ ভিদিরে কনঅ ফারক্ নেই, কিয়া খ্রীষ্ট যীশু সমারে মিজেইনে তুমি বেক্কুনে এক ওইয়ো।

গালাতীয় 3:28 ပူးပေါင်းရင်းမြစ်များ

যোয়েল 2:29

এন্ কি, সে অক্তত্ মর্ চাগর আর চাগরানীগুনো উগুরে মুই মঅ আত্মাগান ঢালি দিম।

যোহন 10:16

আরঅ ভেড়া মইধু আঘন্ যিগুন এ ঘরানর্ নয়; সিগুনোরেয়ো মত্তুন্ আনা পুরিবো। তারা মঅ ডাগনিগান্ শুনিবাক্, আর সিয়েনত্ এক্কো ভেড়া পাল আহ্ এক্কো গরক্ অবঅ।

যোহন 11:52

বানা যিহূদী জাদত্যে নয়, মাত্তর্ গোজেনর্ যে পুয়ো-ছাগুনে চেরোকিত্যে ছিদি আঘন্ তারারে থুবেইনে এক গুরিবাত্যে তে মুরিবো।

যোহন 17:11

মুই আর এ পিত্‌থিমীত্ নেই, মাত্তর্ তারা দঅ এ পিত্‌থিমীত্ আঘন্; আর মুই তঅ ইধু এজঙর্। পবিত্র বাবা, তুই মরে তর্ যে নাঙান্ দুয়োচ্ সেই নাঙানর্ গুণে ইগুনোরে রক্ষ্যে গর্, যেন আমি যেধোক্ক্যেন্ এক, ইগুনেয়ো সেধোক্ক্যেন্ এক ওই পারন্।

রোমীয় 1:16

যীশু খ্রীষ্ট পৌইদ্যেনে এই যে গম্ হবর্ সিয়েনত্ মর্ কনঅ লাজ নেই, কিত্যেই এ গম্ হবরানই অলঅ গোজেনর্ খেমতা যিবের্ মাধ্যমে তে বেক্ বিশ্বেজি গুনোরে পাপত্তুন্ উদ্ধোর্ গরে-পত্তমে যিহূদীগুনোরে, সে পরেদি অযিহূদীগুনোরে।

রোমীয় 3:22

যিগুনে যীশু খ্রীষ্ট উগুরে বিশ্বেজ্ গরন্ তারার্ সেই বিশ্বেজর্ মাধ্যমে গোজেনে তারারে নিদ্দুজি বিলি মানি লবঅ। যিহূদী আর অযিহূদী বেক্কুনে সং সং,

রোমীয় 8:1

যিগুনে খ্রীষ্ট যীশু সমারে মিজেয়োন্ গোজেনে তারারে আর সাজা দেদে ধোক্ক্যেন্ মনে ন-গুরিবো।

রোমীয় 9:24

আমি অলঙে সেই দোয়্যের্ মানুচ্চুন্। তে আমারে বানা যিহূদীগুনোত্তুন্ ন-ডাগে, অযিহূদীগুনো ভিদিরেত্তুন্-অ ডাক্ক্যে।

১ করিন্হীয় 7:14

কিয়া মোক্কোর্ মাধ্যমে সেই অবিশ্বেজি নেক্কোরে আর নেক্কোর্ মাধ্যমে সেই অবিশ্বেজি মোক্কোরে গোজেনে গমেডালে চায়। সিয়েন ন-অলে তমা পুয়ো-ঝিগুনে দঅ অসিজি অদাক্; মাত্তর্ আসলে গোজেনে তারারে গম্ চোগেদি চায়।

১ করিন্হীয় 7:19

চুনু মাঢা কাবিলে বা কি আর ন-কাবিলে বা কি, গোজেনর্ উগুম পালানা অলঅ আজল্ কধা।

গালাতীয় 3:14

গোজেনে অব্রাহামরে যে বর্ দিয়্যে সেই বরান্ খ্রীষ্ট যীশুর্ মাধ্যমে যেন অযিহূদীগুনেয়ো পেই পারন্, আর যেন আমি বিশ্বেজর্ মাধ্যমে এগেম্-গোজ্জ্যে পবিত্র আত্মারে পেই পারিই, সেনত্যে খ্রীষ্ট সেই অভিশাব্‌পান নিজো উগুরে নেযেয়্যে।

গালাতীয় 3:26

খ্রীষ্ট যীশু উগুরে বিশ্বেজর্ মাধ্যমে তুমি বেক্কুনে গোজেনর্ পুয়ো ওইয়ো;

গালাতীয় 4:14

মর্ অসুগ্‌কানে যুনিয়ো তমারে দুঘ্ দিয়্যে তো তুমি মরে তুচ্চো বা ঈচ্ ন-গরঅ, বরং গোজেনর্ দূত্‌তোরে বা খ্রীষ্ট যীশুরে যেধোক্ক্যেন গুরি মানি লদা সেধোক্ক্যেন গুরি তুমি মরে মানি লোইয়ো।

গালাতীয় 5:24

যিগুনে খ্রীষ্ট যীশুর্, সিগুনে তারার্ পাপ-খাচ্চ্যত্‌তানরে বেক্‌ কামনা-বাসনা সমত্ ক্রুশোত্ দিইনে শেজ্ গুরি ফেল্ল্যন্।

গালাতীয় 5:6

কিয়া যিগুনে খ্রীষ্ট যীশুর্, তারা ইধু চুনু মাঢা কাবানা বা ন-কাবানার্ কনঅ দাম নেই, বরং যে বিশ্বেজ্‌চান কোচ্‌পানার মাধ্যমে কাম গরে সেই বিশ্বেজ্‌চানই আজল জিনিচ্‌।

ইফিষীয় 1:1

মুই পৌল গোজেনর্ আওজে খ্রীষ্ট যীশুর্ এক্কো দূত। ইফিষ শঅরত্ যিগুনে গোজেনর্ মানুচ্ আর খ্রীষ্ট যীশু উগুরে বিশ্বেজি তারা ইধু মুই এ চিধিয়ান লেগঙর্।

ইফিষীয় 4:4

গোজেনে তমারে ডাক্ক্যে বিলিনে তমা ইধু বানা এক্কান আজা আঘে, বানা এক্কানই কিয়্যে আঘে, একজনই সুদ্ধো-সাংগ আত্মাবলা আঘে,

ফিলিপীয় 1:1

তীমথিয় আর মুই পৌল-আমি খ্রীষ্ট যীশুর চাগর্। খ্রীষ্ট যীশু লগে এগত্তর্ ওইয়্যে গোজেনর্ যিদুক্কুন মানুচ্ ফিলিপী শঅরত্ আঘন্ আমি তারা ইধু আর তারার্ পরিচালগ্‌‌কুনো ইধু আর সেবা গুরিয়্যেগুনো ইধু লিগির্।

কলসীয় 3:11

এ অবস্থায় অযিহূদী বা যিহূদী ভিদিরে, চুনু মাঢা কাপ্যে বা চুনু মাঢা-ন-কাপ্যে মান্‌জ্য ভিদিরে, ব-কলম, নিচুজাদ্, চাগর্ বা গিরোজ মোধ্যে কনঅ ফারগ্ নেই; সিয়েনত্ খ্রীষ্ট আজল্ আর তে পত্তিজন ভিদিরে আঘে।

১ তীমথিয় 1:12

আমার প্রভু যীশু খ্রীষ্ট, যিবে মরে খেমতা দান গোজ্জ্যে, তারে মুই ভালেদি জানাং, কিয়া তে মরে বিশ্বেজি মনে গুরিনে তার্ সেবা কামত্ বেঈ লোইয়্যে।

২ তীমথিয় 1:1

খ্রীষ্ট যীশুর মাধ্যমে উমর্‌‌অ জিংকানির এগেম্ মজিম গোজেনর্ আয়োজে মুই পৌল খ্রীষ্ট যীশুর এক্কো প্রচারক ওইয়োং।