গালাতীয় 3:17 - Chakma Bible

¹⁷ মঅ কধাগানর্ অত্তগান্ অলঅ, গোজেনে অব্রাহামর্ সময়োত্ এক্কান এগেম্‌বলা বেবস্থা থিদেবর্ গোজ্জ্যে। সিয়েনর্ চের্‌শ ত্রিশ বজর পরেদি রীতি-সুদোম্ দিয়্যে ওইয়্যে, মাত্তর্ সিয়েনিলোই আগর্ সেই বেবস্থাগান বাতিল ওই ন-গেলঅ; সেনত্যে সিয়েনর্ এগেমান থিগিই রলঅ।

গালাতীয় 3:17 ပူးပေါင်းရင်းမြစ်များ

পত্থম 15:13

সেক্কে লগেপ্রভু তারে কলঅ, তুই এ কধাগান হামাক্কায়্‌ হবর্‌ পাছ্‌, তঅ বংশর্‌ মানুচ্চুনে এন্‌ এক্কান্‌ দেজত্‌ যেই্‌নে বজত্তি গুরিবাক্‌ যিয়েন্‌ তারার্‌ নিজোর্‌ নয়। সিয়েনত্‌ তারা অন্যগুনোর্‌ চাগর্‌ ওইনে চেরশঅ বজর্‌ সং অত্যেচার্‌ ভোগ গুরিবাক্‌।

পত্থম 15:18

লগেপ্রভু সেদিন্যে অব্রামত্তে ইয়ান্‌ কোইনে এক্কান্‌ সুদোম্‌ রোক্ষ্যে গুরিলো, “মিসর গাঙত্তুন্‌ ধুরি আরাম্ভ গুরিনে বড়্‌ গাঙ্‌ ইউফ্রেটিস সং বেক্‌ দেজ্‌ছান্‌ মুই তঅ বংশবোরে দিলুং।

পত্থম 17:19

সেক্কে গোজেনে কলঅ, “তঅ মোক্কো সারার হামাক্কায় পুয়ো অবঅ, আর তুই তা নাঙান্‌ রাগেবে ইস্‌হাক (যিয়েনর্‌ ভেদ্‌‌তান ‘আজানা’)। তার্‌ আর তা বংশর্‌ মানুচ্চোত্তে মুই মর্‌ উমরর্ সুদোমান চালু রাগেম্‌। মাত্তর্‌ ইশ্মায়েল পৌইদ্যেনে তুই যিয়েনি কোইয়োচ্‌ সিয়েনি মুই শুনিলুং।

ইয়োব 40:8

তুই মর্ ন্যায় বিচেরানরে কি এলাফেলা গুরিবে? তুই যে নিদ্দুযি সিয়েন প্রমান্ গুরিবাত্তে কি তুই মরে দুযি গুরিবে?

গীতসংহিতা 105:9

সেই সুদোমান্ তে অব্রাহামত্তে থিদেবর্ গোজ্যে আর ইস্‌হাক ইদু শমক্ হেইয়্যে।

গীতসংহিতা 33:10

বেক্ জাদ্‌তুনোর সল্লাগানি লগেপ্রভুই অকেজো গুরি দে; তারার্ চিদে চজ্জানি তেয়ই বিফল গুরি দে।

যিশাইয় 14:27

বেগত্তুন্ খেমতাবলা লগেপ্রভু ইয়েনি ঠিগ্ গোজ্যে, সেনত্তে কন্না সিয়েন বিফল গুরি দি পারে? তা আঢ্‌তান বাবেইয়্যে আঘে, কন্না সিয়েন গুজেই রাগে দি পারে?‌‌

যিশাইয় 28:18

মরণ লগে তুমি যে চুক্তিবো গোজ্য সিবে বাদ দিয়্যে অবঅ; মরণ জাগান লগে তমার্ যে চুক্তিবো ওইয়্যে সিবে থির্ ন-থেবঅ। ভস্তর্ চাবুক্কো যেক্কে জোরে লামি এবঅ, সেক্কে সিয়েন্দোই তমারে মারা অবঅ।

গণাণা 23:19

গোজেনে দঅ মানুচ্‌ নয়দে যে, মিজে কধা কবঅ; মানুজোত্তুন্‌ তার্‌ জর্ময়ো নয় যে, তে মন বোদোলেব। তে যিয়েনি কবঅ সেধোক্ক্যেন গুরিবো, তার এগেমানি তে আমিঝে পূরোণ গরে।

গণাণা 30:8

মাত্তর্‌ সেই কধাগান্‌ শুনোনার্‌ লগে লগে যুনি তা নেক্কো তারে মানা গরে সালে তার্‌ সেই মান্যেগান্‌ বা চিদে-সজ্জা ন-গুরিনে গোজ্যে এগেমান্ শেজ্ ওই যেবঅ আর লগেপ্রভুয়ো তার্‌ মান্যে বা এগেমান্‌ ভাঙানা ক্ষেমা গুরিবো।

যোহন 1:17

মোশির্ মাধ্যমে রীদি-সুদোম দিয়্যে ওইয়্যে, মাত্তর্ যীশু খ্রীষ্টর্ মাধ্যমে দোয়্যে আর সত্য এচ্চ্যে।

প্রেরিত্‌ 7:6

গোজেনে তারে কলঅ, তঅ গুট্টিগুনে বিদেজত্ বজত্তি গুরিবাক্। মান্‌জ্যে তারারে চাগর্ বানেবাক্ আর চেরশত্ বজর ধুরিনে তারা উগুরে অত্যেচার্ গুরিবাক্।

রোমীয় 3:25

গোজেনে ফগদাং গোজ্জ্যেদে যে, যিগুনে বিশ্বেজ্ গরন্ তারাত্ত্যে যীশু খ্রীষ্ট তা লো-গান্দোই, অত্তাৎ তা জিংকানিগান্-উৎসর্বলোই তারে হুজি গোজ্জ্যে। এবাবোত্যেগুরি গোজেনে দেগেয়্যেদে, যুনিয়ো তে তার্ সোজ্য গুণোত্তে মান্‌জ্যর্ আগ পাপর্ সাজা ন-দে তো তে নিদ্দুজি।

রোমীয় 3:3

খালিক্ তারাত্তুন্ কয়েক্কো মানুচ্‌ অবিশ্বেজি ওইয়োন্, মাত্তর্ সিয়েন্দোই কি অবঅ? তারা অবিশ্বেজি ওইয়োন্ বিলি কি গোজেনেয়ো অবিশ্বেজি অবঅ?

১ করিন্হীয় 1:12

মুই এ কধাগান্ কবার্ চাঙত্তে, তমা ভিদিরে কেঅ কন্দে, “মুই পৌল দলর্”; কেঅ কন্দে, “মুই আপল্লো দলর্”; কেঅ কন্দে, “মুই পিতর দলর্”; আরঅ কেঅ কন্দে, “মুই খ্রীষ্ট দলর্।”

১ করিন্হীয় 1:17

খ্রীষ্ট মরে বাপ্তিস্ম দিবাত্যে দি ন-পাধায় বরং গম্ হবর্ প্রচার গুরিবাত্যে দিপাধেয়্যে। সেই গম্ হবরান তে মরে জ্ঞানীগুনোর্ ভাষায় প্রচার গুরিবাত্যে দি ন-পাধায়, যেন খ্রীষ্টর্ ক্রুশোত্ মরণাগান্ খেমতা নেইয়্যে ওই ন-পড়ে।

১ করিন্হীয় 10:19

মর্ এ কধাগানত্ কি ইয়েনই বুঝো যায়, মূত্তি ইধু উৎসর্ব-গোজ্জ্যে হানা বিশেষ কিজু বা মূত্তি বিশেষ কিজু?

১ করিন্হীয় 7:29

ভেইলগ্, যে কধাগান মুই তমারে কবাত্তে চাঙর্ সিয়েন এ-সময়ত্ ভারী কম্। সেনত্তে ইক্কেত্তুন্ ধুরি এমন্‌ গুরিনে চলানা দরকার যে, যিগুনোর্ মোগ্ আঘে তারার্ যেন মোগ্ নেই;

২ করিন্হীয় 1:20

তে নিত্য “অয়”। গোজেনর্ বেক্ এগেমানি খ্রীষ্টর্ মাধ্যমে “অয়” ওই উদে। সেনত্যে গোজেনর্ বাঈনী গুরিবাত্যে খ্রীষ্টর্ মাধ্যমে আমি “আমেন” কোই।

২ করিন্হীয় 9:6

মনত্ রাগেয়ো, যে কম্ বিজি সিদে তে কম্ ফসল কাবিবো আর যে বেশ্ বিজি সিদে তে বেশ্ ফসল কাবিবো।

গালাতীয় 3:15

ভেইলগ্, মুই এক্কান্ সাধারণ কধালোই বেপারান্ বুঝোঙর্। যেক্কে একবার মান্‌জ্যর মাধ্যমে কনঅ চুক্তি পাক্কা গুরি ফেলা অয় সেক্কে সেই চুক্তিগান্ কেঅ বাতিল গুরি ন-পারে বা সিয়েন সমারে কিচ্চু মিজেই ন-পারে।

গালাতীয় 3:21

সালে রীতি-সুদোমানি কি গোজেনর্ এগেমানির বিরুদ্ধে? নিচ্চয় নয়। যুনি গোজেনে এমন্‌ রীতি-সুদোম্ দিদো যিয়েনি জিংকানি দি পারে সালে সিয়েনি পালেইনে খামাক্কায় মানুচ্‌ গোজেনর্ মানি লোইয়্যে অদাক্।

গালাতীয় 5:16

মুই যিয়েন কঙর্ সিয়েন এবাবোত্যে-তুমি পবিত্র আত্মার্ অধীনোত্ আঢাউদো গরঅ। সিয়েন গুরিলে তুমি পাপ-খাচ্চ্যদর্ আওজ্‌চান পূরেই ন-পারিবা।

গালাতীয় 5:4

তুমি যিগুনে রীতি-সুদোম্ পালেইনে গোজেনর্ মানি লোইয়্যে অবাত্যে চর্ তুমি দঅ খ্রীষ্টত্তুন্ জুদো ওই যেয়ো, গোজেন দোয়্যেত্তুন্ সুরি যেইয়ো।

ইফিষীয় 2:12

মনত্ রাগেয়ো, আগে তুমি খ্রীষ্টত্তুন্ জুদো এলা; জাদ্ ইজেবে ইস্রায়েলীয়গুনোর যে অধিকার তুমি সে অধিকারর্ বারেদি এলা; গোজেনে ইস্রায়েল জাদত্যে যে কয়েক্কান এগেম্‌বলা বেবস্থা গোজ্জ্যে তা সমারে তমার্ কনঅ উদো লোলি ন-এলঅ; তমার্ কনঅ আজা ন-এলঅ; আর এ জগদত্ তুমি গোজেন নেইয়্যে এলা।

ইফিষীয় 4:17

ইয়েনত্যে মুই কঙর্, আর প্রভুর্ ওইনে বিশেষ জোর্ দিইনে কঙর্-অযিহূদীগুনে যেবাবোত্যেগুরি বাজে চিন্তেলোই তারার্ জিংকানি কাদান্ তুমি আর্ সেবাবোত্যেগুরি জিংকানি ন-কাদেয়ো।

কলসীয় 2:4

মুই তমারে এ কধাগান্ কঙর্ যেনে কেঅ মন-ভুলেইয়্যে যুক্তি-তর্কলোই তমারে ভুল্ পধেদি নেযেই ন-পারন।

ইব্রীয় 11:13

এই মানুচ্চুনে বিশ্বেজ্ গুরিনে জিংকানি কাদেইনে মুরি যেইয়োন। গোজেনে তারারে যিয়েন দিবার এগেম্ গোজ্জ্যে সিয়েন তারা ন-পান্, মাত্তর্ দূরোত্তুন্ সিয়েন দেক্ক্যন আর হুজিয়ো ওইয়োন। এই পিত্‌থিমীত্ যে তারা বিদেশী আর পরদেজত্ বজত্তি গুরিয়্যে সিয়েন তারা স্বীগের্‌অ গোজ্জ্যন্।

ইব্রীয় 7:18

মোশির রীদি-সুদোমানিয়ে কনঅ কিজুরে পূরোণ গুরি ন-পারে, সেনত্যে আগে ধর্মগুরুগুনোর কামানির্ যে সুদোমান এলঅ সিয়েন খেমতা নেইয়্যে আর অকেজো বিলিনে বাতিল গরা ওইয়্যে। ইক্কিনে তা জাগানত্ তাত্তুন দাঙর্ এক্কান আশ্বাস দিয়্যে ওইয়্যে। সেই আশ্বাস্‌চান্দোই আমি গোজেন ইধু লুমি পারিই।

১ পিতর 1:20

পিত্‌থিমীগান বানেবার আগেদি গোজেনে ইয়েনত্যে তারে ঠিগ্ গুরি থোইয়্যে, মাত্তর্ এই থুমো সময়োত্ তমাত্যে তে ফগদাং ওইয়্যে।