গালাতীয় 2:17 - Chakma Bible

¹⁷ “খ্রীষ্টর্ মাধ্যমে নিদ্দুজি বিলি গোজেনর্ মানি লোইয়্যে অবার্ চেষ্টায় যুনি দেগা যায়, অযিহূদীগুনো ধোক্ক্যেন আমিয়ো পাপী, সালে সিয়েনর্ অত্তগান্ কি ইয়েন, খ্রীষ্ট পাপর সেবা গরে? কনদিন্অ নয়।

গালাতীয় 2:17 ပူးပေါင်းရင်းမြစ်များ

মথি লেখ্যে গম্ হবর্ 1:21

তুই তা নাঙান্ যীশু রাগেবে, কিত্যে তে তা মানুচ্চুনোরে তারার্ পাপত্তুন্ উদ্ধোর্ গুরিবো।”

লূকে লেখ্যে গম্ হবর্ 20:16

তে এইনে তারারে মারে ফেলেব আর খেদ্‌‌‌‌তান অন্যগুনো আঢত্ দিবো।” যেক্কেনে মানুচ্চুনে এ কধাগান্ শুনিলাক্, সেক্কেনে কলাক্, “এবাবোত্যে ন-ওক্।”

রোমীয় 11:7

সালে বুঝো যায়, ইস্রায়েলীয়গুনে যিয়েন্ পেবার চেট্ট্যা গোজ্জ্যন্ সিয়েন তারা ন-পান্, মাত্তর্ গোজেনে যিগুনোরে বেঈ থোইয়্যে সিগুনে সিয়েন পেইয়োন, আর অন্য বেক্কুনোর্ মনানি পাত্তর ধোক্ক্যেন্ দর ওই যেইয়্যে।

রোমীয় 15:8

ইদোত্ রাগেচ্, গোজেন কধাগান যে সত্য সিয়েন ফগদাং গুরিবাত্তে খ্রীষ্ট যিহূদীগুনোর্ সেবাগুরিয়্যে ওইয়্যে। ইয়েনর্ উদ্দেশ্যগান্ এলঅ, পূরোণি মানুচ্চুনো ইধু গোজেনে যেদক্কানি এগেম্ গোজ্জ্যে সিয়েন যেন পুরোয় আর তার্ দোয়্যে-মেয়্যের্ কারনে অযিহূদীগুনে তারে বাঈনী গরন্। এ পৌইদ্যেনে পবিত্র বোইবোত্ লেগা আঘে, ইয়েনত্যে অন্য জাদ্‌তুনো ইধু মুই তর্ বাঈনী গুরিম আর তরে নাঙ্ গিনিম্।

রোমীয় 3:4

খামাক্কায় নয়। বেক্‌ মানুচ্চুন মিজে মাদিলেয়ো গোজেনে নিত্য সত্যবাদী। পবিত্র বোইবোত্ লেগা আঘে, “সেনত্তে তর্ রাইয়ান্ ঠিগ্, তঅ বিচেরান্ দোল্।”

রোমীয় 3:6

গোজেনে যুনি অন্যেয় গরে সালে তে কেধোক্ক্যেন্ গুরি মান্‌‌জ্যর্ বিচের্ গরে?

গালাতীয় 2:11

পিতরে যেক্কে সিরিয়া দেজর্ আন্তিয়খিয়াত্ এলঅ সেক্কে তা মুজুঙোত্ মুই আবিত্তি জানেলুং, কিয়া তে অন্যেয় গোজ্জ্যে।

গালাতীয় 2:15

আমি যিহূদী, পাপী অযিহূদী ওইনে ন-জোর্মেই।

গালাতীয় 3:21

সালে রীতি-সুদোমানি কি গোজেনর্ এগেমানির বিরুদ্ধে? নিচ্চয় নয়। যুনি গোজেনে এমন্‌ রীতি-সুদোম্ দিদো যিয়েনি জিংকানি দি পারে সালে সিয়েনি পালেইনে খামাক্কায় মানুচ্‌ গোজেনর্ মানি লোইয়্যে অদাক্।

গালাতীয় 6:14

প্রভু যীশু খ্রীষ্টর্ ক্রুশ বাদে মুই যেন আর কনঅ কিজুত্ দেমাগ্ ন-গরং। এ ক্রুশোর্ মাধ্যমে জগদ্‌তান্ মঅ ইধু মুরি যেইয়্যে আর মুইয়ো জগদ ইধু মুরি যেয়োং।

ইব্রীয় 8:2

তে দাঙর্ পবিত্র জাগানত্, অত্তাৎ আজল্ উবোসনা-তাম্বুলোত্ গোজেনর্ সেবা গরের্। সেই উবোসনা-তাম্বুলান্ মান্‌জ্যে ন-টাঙান্, সিয়েন প্রভুই টাঙেয়্যে।

১ যোহন 3:5

তুমি দঅ কোই পারঅ যে, আমা পাপ্পানি ধাবেই দিবাত্যে খ্রীষ্ট ফগদাং ওইয়্যে। খ্রীষ্ট ইধু কনঅ পাপ নেই। যিগুনে খ্রীষ্ট সমারে থান্ তারা পাপত্ পড়ি ন-থান্।